ياكايد حبيت قلب ما يبغاني

البارت الثاني

نترك البنات في بيت ابو رعد و نروح لبطل روايتنا (كايد) الي راح متوجه لغرفته بدون لا يعطي نور اجابه واضحه لاسوالها عن لجين راح متوجه غرفته دخل الحمام وهو ياخذ شور و طلع لبس ثوبه الابيض و اخذ شماغه الاحمر وهو يلفه على راسه بطريقته المعتاده الي كان مشهور فيها انها كانت مرههه تليق عليه طلع و راح متوجه الى غرفه ام كايد دخل و ابتسم بهدوء من كميه الروحانيه و الهدوء الي في الغرفه تقدم بهدوء و جلس على السرير وام كايد كانت تصلي سلمت ام كايد و انهت صلاتها بدعائها اللطيف المعتاد بان الله يحفظ لها جميع اولادها و بناتها و عائلتها التفت ام كايد على كايد الي تقدم وهو يجلس على لارض و ميل راسه على كتف امه و قال :طمنيني عنتس يالدنيا ناقصتس شي
ام كايد بحنيه :لا يا قلب امك
ابتسم كايد و لفت انتباه البوم صور على الارض جنب امه قال باستغراب:وش ذا
اابتسمت ام كايد وهي تاخذ الالبوم و تقول :هذي صور قديمهه
كايد:بس واضح انهم قليل
ام كايد:اي قليل و صور بسيطه لاكن ذكرياتها كثيره عظيمه
ابتسم كايد و نزل راسه على فخذ امه وهو يسال :زي ؟
طلعت ام كايد احدا الصور وقالت :مثلا هذه صوره لاعظم انتصارتي لما تزوجت ابوك
ابتسم كايد و اخذ الصوره كانت صوره بسيطه لابو كايد و ام كايد في ملكتهم
طلعت ام كايد صوره ثانيه و قالت :وهذه اعظم مكاسبي يوم ولادتك
اخذ كايد الصور و شاف صورته وهو طفل رضيع و ملفوف في حضن ام كايد و متمسك بجلال الصلاه حق ام كايد
ضحكت ام كايد و قالت :يوهه يانور والله من يومتس ملاك
فز كايد لما سمع اسم نور رفع راسه لامه الي عطته صوره لانور لما كانت صغيره و في بدايه اصابتها بمرض البهاق كانت تجنن و كانت الصوره قديييمه بس ملامح نور جدا واضحه بنسبه لكايد ابتسم وهو يشوف عيونها البنيه و رموشها الطويله و خدودها الحمرا و شفايفها الوردية عض شفته بهدوء وهو يتامل صورتها بهدوء و رجع له فلاش باك لشكلها وهي كبيره ما تغيرت بس زاد جمالها وزادت انوثتها و نعومتها و صحى على نفسه
وقف عى رجله وهو يعطي امه الصور قال:انا استئذنتس يالغاليه
ام كايد :ااذنك معك
انحنى براسه وهو يبوس راس امه و طلع و تركها
طلع كايد و راح متوجه الى خارج المنزل وهو يتمشى مو عارف وين يروح بالضبط راح متوجه الى الدكان و على دخوله لفت انتباه الحوار الي بين ثنتين من بنات الديره الي هم بنين و اريام
بنين:تخيلي اليوم شفت نور ال سراج واقفه مع سالم
اريام:نور بنت المدن ماغيرها
بنين:اي ماغيرها شفتها هي و لمياء بنت ابو كايد شفتهم واقفين مع سالم
اريام:افف تتوقعين وش عندهم
بنين:الله اعلم
اريام:تخيلي الي في بالي
بنين:لااا ترنا نتكلم عن لمياء مستحيلل تسويها و بعدين شكلك ناسيه منهو ابو كايد والله يذبحها
اريام :يا غبيه مو قصدي لمياء قصدي نور
بنين:نورر احسها سهله عليها خصوص انها بنت مدن اكيد انها متعوده على ذي الامور
اريام:تتوقعين بين سالم و نور شي
بنين:ما استبعد
اريام:بس احس نور جميله مستحيل تناظر بخشه سالم
بنين:اقول انا احلا منها هي و لمياء بعد
اريام:اف يالغيره
بنين:مو غيرهه هاذي الحقيقه
اريام:اقول امشي لا يسمعونك عيال ابو كايد ما يرضون على اختهم
بنين:وش بيسون كلهم رخوم
فز كايد لما سمع كلام بنين وهو كان يحس بشعور غريب بداخله كان معصب بس بدون سبب
كايد :الله يقطع هالسان واقفه قدام دكانه و تتكلمين بعياله بشينه
فزت اريام برعب و قالت :ك.ك.ك كايد !!!
كايد وهو يناظرها بحده و نظرات مخيفه صرخ :ايهه كايد الي الاحسن انتس تاخذين اختس ذي و تختفين عن وجهي و لا عاد اشوفتس هنا
بنين:هيي انت وش عندك تصارخ اقول لا يكثر ولا والله ما يصير خاطرك طيب
كايد:لا يكثر !؟؟؟؟ انا تقولين لي لا يكثر!! ابشري بعزتس يالبنين ان ما وريتس نجوم اليل بعز الظهر ما اكون انا كايد
بنين:اقول بدال لا تتوعد فيني روح شوف اختك وش مسويه
كايد حس بشياطين الارض كلها فوق راسه و قال :كلمه زياده عن اختي بتخذ الاجراء و الاسلوب الي محد يحبه
بنين:افف لا تكفى ارجوك لا......اقول بس انقلع
و مسكت يد اريام الي كانت متحنطه من الخوف و مصدومه من بنين
التفت كايد وراح متوجه الى البيت من جديد و دخل وهو يصارخ :لمييياء يا لميييااااء
فزو كل الي في البيت من صراخ كايد طلعت الجده اعتدال برعب و قالت ,ولدي يا كايد شفيكك
كايد:وين لمياءء
الجده اعتدال: مو هنا في بيت عمك وش تبي فيها
كايد ما رد على الجده اعتدال و طلع و راح متوجه الى بيت عمه وائل و دق الباب بقوه فزو كل الي في البيت
بدور :بسم اله الرحمن الرحيم وش السالفه!!!
ابو ماجد :ولدي يا ماجد روح افتح الباب !!
ماجد :سم يبا !
و راح ماجد بسرعه فتح الباب و انصدم لما شاف كايد و عيونه حمراا و معصب و يتنفس بسرعه و صدره يصعد و ينزل بشكل مرعب جدا
صرخ كايد :وين لمياء
فز قلب ماجد لما سمع اسم لمياء
تقدم ابو ماجد وهو يقول :عسى ما شر يا ولدي وش السالفه
صرخ كايد :وينن لمياء ...يا لمياء
ابو ماجد :لمياء مو عندنا مو هنا
كايد صد و راح وهو شبه يركض و يصارخ فز ماجد وهو يركض ورا و راح كايد لبيت عمه عبد الله بو رعد و دق الباب و كان رعد توه راجع من برا
رعد :عسى ما شر وش السالفه
كايد:لمياء هنا
رعد:اي اتوقع هي و خواتي داخل
كايد ضرب الباب بقوه و قال :افتححح
فتحت حور بخوف وهي تصارخ :ميننن
كايد دف الباب و رجعت حور ورا و انفتح الباب فزت حور وهي نتخش ورا الباب و دخل كايد وهو يقول :لميااااء
رعد انهبل وهو يقول :كايددد!! مخك فيه شي كيف تدخل على الحريم كذا
كايد ما كان يشوف قدامه و دخل الصاله الي كانو جالسين فيها البنات لجين و لمياء حور و نور كايد وهو يصارخ على نور و نظراته و صوته و كلشي فيه مخيف صرخ وهو يقول :اخخخ يا **** جبتي لنا العار يا ***** احنا عيال ابو كايد ما عمر انذكرنا الا بالخير و اخرتها تجين انتي و تخلين وحده زي بنين بنت ال***** تقول عنا يالرخوم
التفت كايد وهو يمسك لمياء و يصارخ عليها و مسك رقبتها وهو يخنقها فزت نور وهي تمسك لمياء و سحبتها و رجعت لمياء وهي ماقدرت تتنفس و فقدت وعيها فز ماجد و سحب شماغه و هو يساند لمياء و الشماغ على يده عشان ما يلمسها فزت لجين و هي تاخذ طرحه لمياء الي كانت على الكنب و تغطت فيها و راحت بسرعه وهي تمسك لمياء مع ماجد و حطوها بالكنب و نور وقفت في وجه كايد وهي تصارخ عليه و تقول :كاايد!! سلامات صاحي انت تبي تذبح البنت و بعدين وش قاعد تخربط لمياء ما سوت شي عشان تجيب لكم العار
كايد وهو يصارخ :انتتتتتي لااا تتدخلين ابددد اختي و حر فيها لو ذبحتها و ابعدي عن وجهي لا اذبحتس انتي الثانيه
نور عيونها صارت تدمع و صارت ترجف و ضربت كايد كف و وهي تصارخ بوجهه:اصصحححى على نفسك يا كايد
فزو كل الي موجود و رفع كايد رأسه و عيونه حمرا دم و هو يناظر نور و صرخ في وجهها :قدهاا يا *****
نور ما ردت و دموعها اخذت مجراها على خدودها و فزو كل الموجودين لما طاحت نور فاقده وعيها فز كايد وهو يمسك نور و و يساندها بخوف و كان يناديها بتوتر :نور يا نور !!!
رجعها وهو يجلسها على الكنب بتوتر و صار هذه الموقف على دخول ابو كايد و عياله و ابو ماجد و ابو رعد و احمد على البيت ابو كايد وهو يناظر بصدمه ببنته الي طايحه و ماجد و لجين معها و كايد الي جالس على ركبته وهو ينادي نور بتوتر ابو ماجد الي يناظر ماجد بصدمه ابو رعد الي مصدومه من الي في بيته ولده واقف و بنته مستخبيه ورا الباب بخوف
_____________________________________________________________
ابو كايد بغضب بعد ما قال كايد كل الي عنده و انو سمع بنين تقول انها شافت لمياء واقفه مع سالم ابو كايد وهو يضرب لمياء و يقول :تكلمي وش مسويه
لمياء وهي تبكي :يبا تكفى والله ما سويت شي والله
ابو كايد وهو يصارخ :يعني اخوتس بيكذب
لمياء صارت تبكي وهي مقهوره
ابو رعد :بس يا محمد خلاص اذكر الله
ابو كايد وهو يضرب لمياء:والله لاذبحتس و اخلص منتس والله
فزو كل الموجود بخوف من تهديد ابو كايد
ابو ماجد مسك ابو كايد وهو يقول :محمد خلاص يا محمد انت اسمع من البنت اول
ابو كايد :وش اسمع اسمع كذبهاا
التفت ابو كايد وهو يقول : ما يجي الشهر الجاي غير وانتي عرستي على سالم فاهمه
فزت لمياء و التفت على ماجد وهي تبكي و رجعت تناظر بابوها و قالت :لا لاا يبا تكفى لااا
ابو كايد:ليه عاجبتس الوضع ولا في احد ثاني
لمياء:والله لا والله لا و توي ما خلصت الثانوي و سالم كبييير
ابو كايد:المفروض انك حطيتي براستس أنه كبير قبل لا توقفين معه .....ما عندي غير ذا الحل عشان استر فضيحتس
وقف ماجد و قال :ياعم
التفت ابو كايد و ابو ماجد على ماجد
ماجد :ياعم أنا بتزوج بنتك
ابو كايد:ليه تتزوجها !
ماجد:انت مو تقول تبي تستر على فضيحتها ؟
ابو كايد:ايه
ماجد:أنا بستر عليها و بأخذها زوجه لي
ابو ماجد :اي و بعدين ماجد ولد عمها يعني ستر و غطاء على بعضهم
التفت ابو كايد على لمياء الي كانت تبكي و حور و لجين جنبها و يهدوها
ابو كايد:ماعندي مشكله بس متى بتجي تتقدم لها رسمي
ماجد: اذا ودك بكرا اجيك
ابو كايد:تمام من بكرا انت و ابوك تجي و تتقدم للبنت رسمي و بعدها زواجكم على طول مافي خطبه
ماجد:مافي مشكله
رجع ابو كايد و ابو ماجد للمياء و عطوها خبر انو ماراح يزوجها سالم و انها راح تتزوج ماجد ما طلع من لمياء ردت فعل قويه و واكتفت أنها تهز راسها و تعطي ابوها نظام سمعً و طاعه و صد ابو كايد و وهو يكلم ابو ماجد و يرتب معه الأمور رفعت لمياء راسها وهي تناظر لماجد الي كان يناظرها فيها و يبتسم
و من جهة ابطالنا الي كانو عكس لمياء و ماجد كانو يناظرون بعضهم بحقد و غضب كبيير
__________
بنسوي سكب لليوم كامل في الليل في مقلط بيت ابو كايد جلس احمد هو و بهاء و حسين
حسين وهو ينسدح و يسند رأسه على التكيه قال :،والله اليوم اكشن للركب
احمد :انشهد
بهاء :بس تصدق اختك يا احمد ما توقعت يكون عندها القوه الكامله عشان تواجه كايد كذا
أحمد:اقول بس تراك تتكلم عن نور بنت ال سراج مو اي كلام محد في البيت يتعامل معها عشان كذا كلنا نخليها على راحتها عارفين انها تعرف تتصرف و عندها الأسلوب الامثل بكل شي
بهاء :والله ونعم فيها
احمد: ماعليك زود
حسين:ذبحني النوم خلونا ننام
احمد:يلا
انسدحو كلهم حول بعضهم و بعد دقايق طاحو في نوم عميق
________________________________________________
نترك العيال و نروح نشوف بطلنا كايد الي دخل غرفته و انسدح على سريره وهو يحاول ينام التفت يمين و التفت يسار و يحاول ينام و ما يحس بعيونه نوم اخذ نفس عميق و زفره و وقف و راح متوجه الى المطبخ فتح الثلاجه وهو يشوف وش فيها رجع يسكر الثلاجه و طلع من المطبخ و راح للجلسه الخارجيه و قعد وهو يفكر و يهوجس و يفكر بالاشياء الي صارت معه في يومه و تذكر موقفه مع نور كيف كانت واقفه في وجهه و تصارخ عليه و الكف و قعد يفكر بـ نور و شخصيتها كيف هي مختلفه أتم الاختلاف عن بناتهم كيف نور شخصيتها قويه و قدرت أنها تواجه كايد وهو باسوء حاله وهو معصب و هو ماعمره شاف تحد عنده قوه و جرائه يوقف في وجهه وهو معصب قعد يفكر بـ نور و شخصيتها القويه
_________________
نترك كايد و نشوف البنات لمياء و نور في الغرفه لمياء وهي تدور و تضحك في الغرفه و تقول :واخيرا الحمد الله لك يارب الحمد الله
نور وهي تضحك على فرحه لمياء قالت :اموت و اعرف على ايش السعاده ذي كلها
لمياء:تكفين ترا كنت بموت كنت بتزوج سالم و لولا تدخل ماجد كنت بموت
نور:والله من حقك بس هدي شوي خذي نفس
لمياء جلست على السرير بفرحه و قالت :شرايك نسوي اندومي
ضحكت نور و قالت :قدام
ضحكت لمياء و قالت :روحي المطبخ شويات و جايه وراك
ضحكت نور وهي تاخذ الشال حقها الي كساه الون الرمادي الفاتح و حطته على رأسها غطت نص شعرها و طلعت راحت متوجه الى المطبخ و وهي بالطريق لفت انتباها شخص جالس في الجلسه الخارجية و راحت عشان تعرف مين هو و شافت كايد جالس و يفكر و يهوجس استغربت نور قعدت كايد الغريبه و كميه الهواجيس بالي يهوجس فيها و هدوء كايد نزلت راسها لارض وهي تتذكر وقف اليوم
______
فلاش باك
نور وقفت في وجه كايد وهي تصارخ عليه و تقول :كاايد!! سلامات صاحي انت تبي تذبح البنت و بعدين وش قاعد تخربط لمياء ما سوت شي عشان تجيب لكم العار
كايد وهو يصارخ :انتتتتتي لااا تتدخلين ابددد اختي و حر فيها لو ذبحتها و ابعدي عن وجهي لا اذبحتس انتي الثانيه
_______________________________
قاطع تفكيرها كايد الي مسح على وجهه و شنبه و وقف و كان بروح متوجه الى غرفته فزت نور وهي تبعد عن الجلسه و راحت بسرعه متوجهه الى المطبخ و دخلت و شافت ظل كايد الضخم وهو يمر من قدام المطبخ اخدت نفس عميق و زفرته بهدوء التفت على المطبخ وهي تطلع قدر الاندومي و تغلي المويه و ماهي إلا ثواني و دخلت لمياء وهي تقول :يلا ؟
نور:يلا ؟
لمياء:كم تبين نسوي
نور:أنا اكتفي حبتين اندومي
لمياء:وانا زيتس
نور:حلوين يعني اربع يلا
ابتدو البنات يسون الاندومي و هم بين ضحك و سوالف خلصو من الاندومي سوو و اكلو و خلصو وهم مبسوطين بين سوالفهم و ضحكاتهم ماحسو بالوقت ثقل رأسهم و نامو
________________
ثاني يوم تقريبا في وقت الفجر صحى كايد و شاف الساعه و كان مابقى شي على الصلاه قام من تحت البطانيه و قام يتمشى في البيت لين يأذن و بمجرد أنه سمع الاذان راح متوجه الى الحمام و توضى وهو طالع ما كان مركز بطريقه و صدم بالطاوله الي في الحمام التفت كايد على الطاوله و شاف روج نور للحين مكانه رجع له فلاش باك
___________________
نور اخذت شنطتها وهي تطلع الروج و قالت:احبك بس توبه احط منك مره ثانيه
و حطته على الطاوله بقوه
_____________________
اخذ كايد الروج الاحمر حق نور وهو يناظر فيه
و رجع له فلاش باك
________________
التفت وهو يناظر لنور الي كانت تغسل الشماغ و دموعها اخذت مجراها رفعت اكمام عبايتها الرماديه و بانت يدها الي امتلت بالكثير من البقع البيضاء سبب إصابتها بمرض البهاق رفع نظراته لوجهها و لعيونها البّن صحيح انو البياض الي حولها كان بشع بس كان جميل جدا عليها و كانت تتميز بهذه الشي
____________________________________________________
قاطع كايد صوت صراخ ابو كايد وهو ينادي للصلاه فز كايد و اخذ روج و حطه بجيبه بعجله و التفت على ابوه الي ينادي
ابو كايد:يلا يا كايد يا بهاء يا حسين
كايد:سم يبا
ابو كايد:يلا وش اخوانك
كايد:بروح اشوفهم لك
و راح كايد متوجه الى المقلط و شاف احمد طالع منه
احمد:يا الله صباح خير وش الازعاج ذا
كايد:لا بالله اقول اجهز و نروح نصلي الفجر
احمد:يلا
و راح احمد المغاسل وهو يغسل وجهه و يتوضأ يرجع كايد لابو كايد
ابو كايد:وين اخوانك
كايد:توهم يصحون
الجد فهد:اقولك يا محمد امشي و خلهم بعدنا
ابو كايد بصراخ:خلص يا ولد أنت وياه
______________________________
فزت نور من نومها على صوت صراخ خالها التفت على لمياء و شافتها نائمه قامت و اخذت الشال حقها و حطته على رأسها و طلعت و شافت احمد و نادت
نور:حمود سلامات وش ذا الصراخ
احمد:خالي يصحي عياله للصلاه
نور:اهاااا تمام
و رجعت دخلت الغرفه و حطت راسها على المخده و هي تحاول تنام من جديد
عند ابو كايد و الجد فهد و كايد الي راحو للمسجد قبل بهاء و حسين و احمد
وصلو المسجد و وقفو في الصفوف الأولى و أمامهم الامام يصلي فيهم و ماهي إلا ثواني و صفو بهاء و حسين و احمد جنبهم يصلون و بعد الصلاه جلس الجد فهد يستغفر و يقرا قران و ابو كايد نفس الشي و كايد وقف وهو ينتظر ابوه و جده التفت كايد و شاف سالم واقف عند باب المسجد و يدخن ناظر فيه كايد و صد و رجع له فلاش باك
________________
بنين:تخيلي اليوم شفت نور واقفه مع سالم
اريام:نور بنت المدن ماغيرها
بنين:اي ماغيرها شفتها هي و لمياء بنت ابو كايد شفتهم واقفين مع سالم
--------------------------------------
اريام:تتوقعين بين سالم و نور شي
بنين:ما استبعد
___________________________
التفت كايد بغضب على سالم و راح بخطوات سريعه ل سالم و مسك ياقه ثوبه و ضربه بكس على وجهه
طاح سالم على الأرض و وهو يمسك خشمه الي صار ينزف دم و التفت كايد بصدمه لما ركض مفرح وهو يضرب كايد على عينه بخاتمه بكل قوته مسببه تورم وانتفاخ في عين كايد داخ كايد من قوه الضربه و مالحق يمسك مفرح الا و سدد له ضربه على بطنه رجع كايد و ضرب ظهره في الجدار و تقدم سالم وهو يضرب كايد بكس على وجهه مسبب نزيف في فمه و أنفه التفت كايد و شاف رعد و ماجد يركضون بكل سرعتهم و راح ماجد وهو يسدد ضربه لمفرح في بطنه و طار مفرح و طاح على الأرض و مسك سالم وهو يضربه بكس ثاني على وجهه مسببه نزيف في فمه التفتو اثنينهم على كايد الي كان ينزف دم مسك رعد كايد وهو يسانده بصعوبه وقف كايد وهو يمشي مع رعد لبيتهم وصلو و تقدم رعد وهو يدق الباب تقدمت لمياء من داخل منزل بيت ابو كايد وهي ببرقعها و غطاها تفتحت لمياء من ورا الباب نطقت
لمياء:مينن !
و طلت ورا الباب و شافت كايد و الدم على وجهه و ثوبه مليان تراب و دم فتحت الباب و قالت :يما كايد !!!
صد رعد بقوه
كايد بغضب : لمياء و وجع ادخلي داخل
لمياء:بس...
كايد :يابنت اقولتس ادخلي
لمياء بخوف دخلت داخل وهي تنادي : بهاااء حسيييين
طلعو بهاء و حسين مع بعض و قالو :وش السالفة
لمياء:الحقو على كايد الدم يسيل منه
فزو اثنينهم و رفعوا أطراف ثيابهم وهم يركضون مع بعض و وصلو لكايد
فز بهاء وقال :وش بلاك يا خوي !!
كايد:طفيت نيراني بـ سالم
التفتو اثنينهم يناظرون بعض وهم ما فهمو كايد و بعد ثواني جاتهم لحظه إدراك لنيران الغير الي كان سببها سالم الي ماكان يعرف كيف غيره عيال محمد بن فهد بن سلمان ال جراح ما ترحم تقدمو وهم يساندون كايد و يدخلون و جلسو في الجلسه الخارجيه و بنفس اللحظات كانت الجده اعتدال توها تطلع من غرفتها و جنبها نور الي كانت تضحك معها التفت الجده اعتدال و قالت بصدمه:كايد !!
و راحت تمشي بصعوبه وهي تستند على عكازها دليل كبر سنها وصلت لكايد وهي تجرف و مسكت وجهه كايد و قالت :بسم الله عليك وش صار
كايد:رحت للمسجد و رجعت
الجده اعتدال:مسجد الديره ولا المسجد الأقصى الي رحت له .....من مين كل هل جروح
سكت كايد و صد بهدوء عن جدته و قال :مافيني شي يالغالية
الجده اعتدال:دام مافيك شي يلا قوم قدامي و روح جيب الاسعافات الاوليه من الغرفه
سكت كايد و رفع نظراته و شاف نور واقفه مكانها عند غرفه الجده اعتدال شافها لابشه وحده من فساتين لمياء كان روز و احمر و كانت كالعاده مخطيه نص شعرها بشالها و الي فرق لون شالها كان احمر شافها كايد و رجع له
فلاش باك
_________
نور عيونها صارت تدمع و صارت ترجف و ضربت كايد كف و وهي تصارخ
__________
صد و وقف على رجله و راح متوجه الى غرفه أمه و ابوه و دق الباب و سمع صوت أمه تقول: تفضل
فتح كايد الباب وهو يصد و قال :يما وين الإسعافات
ام كايد:ليه عسى ما شر
كايد:ابد والله بس رجعت اصبعي
ام كايد:طيب تعال اخذها على الدروج
دخل كايد وهو يصد عن أمه مايبي تشوفه وهو بذي الحاله و بدون تركيز منه وهو ياخذ الاسعافات الاوليه كان فوقهم ظرف اخذ الظرف معهم و طلع و رجع لجدته الي عقمت جروحه و طهرت و داوت جروحه و لما خلصت حطت الاسعافات على جنب و راحت و انسدح كايد على الجلسه عمض عيونه يبي ينام له شوي وهو يحس رأسه يوجعه بسبب الضربه الي تلاقها
ماهي إلا ثواني و سمع صوت يقول :كايد ....كايد !!
كايد رد بدون لا يفتح عيونه :همممم
رجع مره ثانيه:كااايد
ابعد كايد الحاف عن عيونه و قال :خير !!
فزت نور و قالت :بسم الله شفيك!
صد كايد و قال :يخي الواحد ما ينام يعني
نور:ترا بس جيت اطمن عليك و....
كايد بدون لا يناظر فيها : و ... ايش
نور:عينك توجعك
كايد بحده صوته:ما يوجع عيال محمد ال جراح الا سكرات الموت
نور اكتفت أنها تقول بصوتها الهادئ:ونعم فيكم
و صدت و راحت التفت كايد وهو يشوف نور الي تحركت من قدامه وهي تروح متوجه الى داخل بيت ابو كايد اخذ نفس عميق و زفره بهدوء و اخذ شنطه الاسعافات الاوليه و انتبه للظرف و فتحه و كانت صور كثيره من ضمنهم صورت نور وهي صغيره ناظر كايد بصوره بهدوء و اخذها و حطها بجيبه و اخذ الظرف و سكره و اخذ الاسعافات الاوليه و رجعها مكانها و راح غرفته و دخل و سكر الستائر و فتح التكيف و تمدد على السرير وهو يستسلم للنوم
__________________________________________________
لمياء وهي واقفه مع بهاء و حسين تفهم منهم وش صار بكايد
لمياء وهي ماسكه راسها :يا ويلي ويلاه صدق
بهاء: مسويه ما تعرفين كايد ال جراح و بعدين تراس اختنا و الي يرميتس ب ورده رمينا بالرصاص
ابتسمت لمياء:الله لا يحرمني منكم. يا خواني
حسين:ولا منتس يا عيون خوانس
صدو بهاء و حسين مره وحده لما سمعو صوت نور وهي تنادي من بعيد للمياء
لمياء:طيب يلا ثواني و جايه.
و راحت لنور و راحو بهاء و حسين لاشغالهم
___________________________________
بنسوي سكب بعد انتهاء النهار و حل الليل الدامس صحى كايد من النوم و طلع و شاف أهله للحين جالسين في الجلسه الخارجيه و راح جلس معهم بالمقابل راحت لمياء تلبي طلب كايد الي طلب منها أنها ترتب غرفته راحت لمياء لغرفه كايد و بدأت بترتيبها و وهي ترتب السرير سمعت صوت الجده اعتدال وهي تنادي
الجده اعتدال:يا لمياء
لمياء:سمي يا جده
الجده اعتدال:سم الله عدوتس يابنتي لما تخلصين من الغرفه روحي زيني لنا شاهي
لمياء وهي تنفض المفرش :ابشري يا جده
طاحت عين الجده اعتدال على صوره مرميه في السرير ناظرت الجده اعتدال و اخذت الصوره بدون لا تنتبه لمياء و قالت:اقولتس روحي سوي الشاهي أنا بكمل الشغل هنا
لمياء:بس يا جده
قاطعتها الجده اعتدال:بدون بس يلا روحي
لمياء:ابشري
و راحت لمياء للمطبخ تسوي شاهي للعائله و عند الجده اعتدال الي مسكت الصوره و شافت صوره نور وهي صغيره ابتسمت بهدوء و التفت وهي تفتح الدرج الي جنب السرير و شافت روج احمر أخذته الجده اعتدال وهي تناظر بصوره نور و الروج ابتسمت بهدوء وهي ترجعهم في الدرج و رجعت الجلسه الخارجيه و جلست مكانها جنب الجد فهد
الجد فهد:وين رحتي
الجده اعتدال: شفت لمياء و رجعت
الجد فهد اكتفى أنه يهز رأسه بمعنى (فهمت)
الجده اعتدال:فهد خاطري بشي
الجد فهد:سميّ
قربت الجده اعتدال من مسمع الجد فهد وهي تهمس بإذنه
التفت الجد فهد بصدمه من طلب الجده اعتدال
رجع الجد فهد وهو يسند ظهره على الجلسه و قال : مايصير خاطرتس الا طيب
ابتسمت الجده اعتدال وهي تعدل جلستها
و ماهي إلا ثواني و تقدمت لمياء و بيدها صينيه فيها شاهي و وزعت على الكل و جلست
ماهي الا ثواني و تقدم احمد وهو يتنحنح صدت لمياء و امها وهم ينزلون البراقع على وجيهم دخل احمد و هو يوجهه كلمه. لنور و قال
احمد:بكرا امي و ابوي و سعد و هنوف و نوف جاينن
نور:الساعه كم بيوصلون
احمد:الصباح
نور:كويس
التفتو كلهم على الجد فهد الي وجهه كلامه لابو كايد لما قال :يا محمد بكرا جمع كل اخوانك و عيالهم و بناتهم
ابوكايد:عسى ما شر ليه !!
الجد فهد:بكرا تعرف
التفت الجده اعتدال وهي تناظر بعيون الجد فهد و فهمت من عيونه الي بيصير بكرا
_____
بنسوي سكب لليوم بكامله ثاني يوم كل عاده صحو جميع أفراد عائله ابو كايد بالاضافه الى احمد و نور الفجر على صوت صراخ ابو كايد للصلاه و لما كانو الجد فهد و ابو كايد و عياله بالمسجد بمقابل كانت الجده اعتدال و ام كايد و بناتها بالاضافه الى نور بالمطبخ يجهزون الفطور و كانت الجده اعتدال تشرف على الوضع
الجده اعتدال:يابنتي كذا نحيف بزياده
نور:يخي ماعرف ماعرف
الجده اعتدال:بابنتي كيف بتعرسين ونتي حتى بطاطس مو عارفه تقطعين
نور:بشرط عليه يجيب لي عامله منزليه
الجده اعتدال:وهو بيقدم لتس مهر عشان وش
نور:مدري بس مو عشان اطبخ له أنا زوجه مو خدامه
الجده اعتدال:اقول بس اخلصي علينا يلا
نور وهي تعبت من التقطيع قالت :افف الله يعين
سكتت الجده اعتدال وهي تقول برأسها :تقطيع بطاطس ماتعرف وش بتسوي لو عرفت بالي يبيه جدها
قاطع تفكيرها لمياء الي قالت :يا جده تعالي شوفي الصحون تكفي ؟
الجده اعتدال:يلا يلا
و وقفت الجده اعتدال على رجليها بصعوبه وهي تستند نفسها على الطاوله و قالت :اي اي كويس
__________________________________
نترك بيت ابو كايد و خارج حدود الديره تحديدا الرياض في بيت العمه ايمان
دخلت هنوف وهي تقول :يماااا
العمه ايمان:شفيك
هنوف:مابي اتنقب
العمه ايمان:لازم يا بنتي لازم
نوف:طيب شفت نور طالعه بدون نقاب و عبايه رماديه
شهقت الهنوف :عبايه رماديه!!
نوف:اي
الهنوف:عبااااتي
نوف:طيب روحي خذي من عبايتها
الهنوف :فكره والله
نوف وهي تبعد عن الطريق :تفضلي
راحت الهنوف لغرفت نور و دخلت وهي تدور بين عبايتها و ابتسمت لما شافت عبايه كساها الون الكحلي الفاتح اخذتها الهنوف وهي تبتسم و لبستها و راحت عند نوف
العمه ايمان:ونتي وش بغيتي
نوف:ابي اجدد مكياجي
العمه ايمان:توك اشتريتي
نوف:يما البلاشر الكريمي حقي خلص
العمه ايمان:اموت و اعرف انتي تحطين على خدودك ولا تاكلينه
دخل سعد وهو يقول :شدعوه يما ما تشوفيها الصباح لما تروح الجامعه كأنه واحد معطيها كف
نوف ضربت صدر سعد و قالت :ونت شدخلك
سعد:الباب
نوف:وش دخل الباب بالاسباب
سعد:اقول بس اقلبي وجهك
نوف:ابي بلاشر كريمي
سعد بمسخره :بلاشر كريمي
نوف:اكرهك
و راحت متوجهه الى غرفه نور دخلت و شافت هنوف وهي تتمكيج من مكياج نور
ضحكت نوف و قالت:جوي
هنوف:تعالي شوفي يابنتي مكياجها يجنن
نوف:عندها بلاشر كريمي
هنوف:اي تعالي
دخلت نوف وهي تشوف مكياج نور الغالي و الجديد و هم يحسون أنهم في محل مكياج من كثر الاغراض و الماركات بين شيقلام و ماك و هدى بيوتي و بعد الانتهاء من المكياج التفت نوف على الهنوف الي كانت مركزه وهي تحط روجها الاحمر
نوف:اوفف خفي علينا
التفت هنوف وهي تثبت راس نوف و تحط لها من الروج الاحمر لصقت أصابعها السبابه و الإبهام ببعضهم و باستهم وهي تقول :ملكه جمال
لبسو التوم عبايتهم و مسكو ايادي بعضهم وهم ينزلون للدور الاول
____________________________
في الدور الأول
ابونور: ايمان ماراح يصير شي ماعليك
العمه ايمان:لا يا ناصر أنا قلبي قارصني احس بيصير شي
ابو نور:زي ايش
العمه ايمان:مادري مادري
ابو نور:تعوذي من ابليس و روحي البسي عباتك و شوفي البنات وانا بروح اشوف سعد
اكتفت العمه ايمان أنها تهز راسها بمعنى (تمام) و راحت و راح ابو نور
_________________________
نترك المدينه و نرجع الديره في بيت ابو كايد اعتلت اصوات الصراخ من ابو كايد وهو يقول :ما جهز الفطور !!
ام كايد :ايه ايه يلا يا لمياء تعالي حطي الفطور
الجده اعتدال:لا قومي انتي يا نور خلي لمياء
نور:أنا شدخلني
الجده اعتدال:قومي يا بنتي قومي
نور اخذت نفس عميق و زفرته بتعب و قالت :طيب
و قامت مع ام كايد للمطبخ وهم يجهزون صحون الفطور التفت نور لما سمعت صوت فتح باب المزرعه حقت بيت ابو كايد التفت نور و شافت كايد توه راجع من المزرعه و رافع اكمام الثوب و. يديه كلها طين و رابط ثوبه حول وركه و التراب مليان ثوبه و مع لفه الشماغ المعتادة على رأسه كان وسيم و جذاب بملامحه البارده المهيبه
صدت نور بعد ما ناظرت كايد لثواني و اخذت الصحن الكبير و راحت الجلسه الخارجيه وهي تصف الصحون على السفره و بعد دقايق معدوده تجمعوا جميع أفراد عائله الجد فهد على السفره الفطور و بعد الانتهاء من الفطور و في الوقت الي كانت نور و ام كايد و لمياء بالمطبخ بين أنهم يجهزون الشاهي و القهوه و ينظفون المطبخ من بعد الفطور سمع حسين صوت دق على الباب و فتح الباب و ابتسم لما شاف زوج عمته ابو نور واقف قدامه
حسين:ياهلا والله و مسهلا يا حي الله زوج العمه
ابتسم ابو نور و قال:الله يحيك وين ابوك
حسين:ابوي داخل اقلط حياك
دخل أبو نور و معه سعد و بالنسبه ل العمه ايمان و نوف و هنوف دخلو و شافو الجده اعتدال و جلسو معهم و و بعد ثواني التفت ام كايد لما سمعت صوت كايد وهو ينادي :القهوه يام كايد
ام كايد كانت مشغوله و قالت بعجله :نور خذي صحن الشاهي و. القهوه و اعطيها لكايد
نور :ك.ك.كايد
ام كايد:اي واقف عند الباب
اخذت نفس عميق و زفرته بتوتر و عدلت طرحتها على رأسها و اخذت صحن الشاهي و القهوه و وقف عند الباب و مدت يدها وهي تقول :امسك
التفت كايد وهو ياخذ صحن الشاهي و قال :و القهوه ؟!
التفت نور وهي تاخذ وحده من الدلال و مدتها وهي ورا الباب
كايد:حطيها بصحن مقدر امسكها
اخذت نفس عميق وهي تزفره بتثمر و عدلت طرحتها وهي تطلع من باب المطبخ و حطت الدله على الحصن و رفعت نظراتها لكايد الي صد وهو يناظر بالجهه المعاكس لنور
التفت نور لما سمعت صوت ضحك بهاء و رعد و أصواتهم تقرب لباب المزرعه
كايد:ادخلي داخل !
نور:ها!!
كايد: اقولتس ادخلي داخل !!!
فزت نور و دخلت داخل المطبخ مره ثانيه و التفت كايد على رعد و بهاء الي دخلو من باب المزرعه وهم يضحكون
كايد:لا تجون من ذا الباب
بهاء:ليهه؟
كايد:لا تجون وبس
رعد:طيب
كايد:شفتو زوج عمتي
بهاء :لا والله
و التفت على رعد وهو يكمل كلام
بهاء:تعال خلنا نسلم على زوج عمتي
رعد:يلا 
_______
نرجع لنور الي التفت وهي تناظر بام كايد الي قالت :يلا نور حبيتي يعطيس العافيه خلنا نروح للمجلس الحريم
نور:يلا
و طلعت نور و معها أم كايد و راحو متوجهين إلى مجلس الحريم مكان ما جلسو العمه ايمان و بناتها و وقفو وهم يسلمون على بعض نور همست وهي تجلس جنب هنوف قالت :هنوف حبيبي
التفت هنوف على نور و قالت:عيوني
نور:درجه الروج الي حطيتها مو غريبه علي
هنوف بتوتر :ها!
نور قرصت هنوف و قالت :حسابك بعدين
هنوف فزت بالم من القرصه و قالت :ترا مو بس انا !
التفت نور وهي تناظر بنوف و قالت:بعدد!!
نوف:ايش؟
نور :وش نوعيه البلاشر الي حاطته
نوف:بلشر كريمي من شيقلام
نور:اممم حق مين البلشر ؟
نوف:حقي !
نور:متاكده؟؟
نوف:ايه !!
نور:يعني متاكده انه مو البلشر حقي المحطوط في زاويه درج التسريحه مع منتجات شيقلام حقتي !!!
نوف:قل اعوذ برب الفلق!!!
نور قرصتهم مع بعض و قالت :العن ابو غيرك انتي وياها يعني أنا ادفع دم قلبي على منتجات شيقلام و ماك و هدى بيوتي و في النهايه تدخلون غرفتي و بدون اذني و تحطو منها بس كذا تكت ايزي
هنوف و نوف بوجع قالو بصوت واحد:اسفه
نور:حسابكم عسير بعد شوي
نوف:عسير ولا محايل عسير
نور قرصت نوف و قالت :دمك خفيف ماشاءالله
نوف وهي شوي و تبكي من الالم قالت :والله اسفه
نور:بس مابي اسمع حسك!
التفتو كلهم مره وحده ناحيه الباب على دخول ام ماجد و بناتها بدور و اسيل و رنيم و ام رعد و بناتها حور و وضحى و ريم وقفو وهم يسلمون على بعضهم و بعد السلام جلسو كلهم و بين سوالف الجده اعتدال مع العمه ايمان
فزو كل الموجودين لما سمعو صوت صراخ الجد فهد وهو ينادي :يا حرييم
قامو مره وحده وهم يلبسون براقعهم و طلعو كلهم متوجهين إلى الجلسه الخارجيه الي قعد فيها الجد فهد و كل عياله و بناته و أحفاده و حفيداته
التفتو كل الموجودين لما تكلم ابو ماجد :عسى ما شر يابوي ليش جمعتنا اليوم
التفت الجد فهد على ابو ماجد لثواني و قال......
(انتهى البارت الثاني)