ياكايد حبيت قلب ما يبغاني

البارت الثالث

التفت الجد فهد وهو يناظر ابو ماجد لثواني و قال :ولدي يا كايد
فز كايد:سمّ!
الجد فهد:تعال
قرب كايد للجد فهد الي مسك يده و قال :يا ولدي يا كايد انت اكبر احفادي و اعرفك زين رجل شقردي و حمر عين و تتحمل المسؤولية بس لو طلبتك بتردني
كايد:أعقب اردك و تم لمطلبك!!
الجد فهد:تتقدم لـ نور بنت عمتك و تملك عليها الجمعه !
فزو كل الموجودين بالاضافه الى كايد الي ناظر بالجد فهد بصدمه و الجد فهد شد على يده و قال :هاذي بنت عمتك و شيخك عطيتك ياها زوجه على سنه الله و رسوله
سكت كايد و التفت لما سمع ابو كايد يصرخ :رد على جدك يا كايد !
رجع كايد يناظر بجده وهو ماعرف يرد على الجد فهد و انحنى بظهره وهو يبوس راس الجد فهد و قال :مايصير الا الي يطيب خاطرك
و سحب يده و طلع من الجلسه بكبرها التفتو جميع الموجودين وهم يناظرون بعضهم بصدمه و نور الي ناظرت بخواتها و قامت هي الثانيه و راحت فزو خواتها وهم يركضون وراها بالاضافه الى امها و ابو نور الي يناظر ابو كايد بصدمه محد كان متوقع هالشي من الجد فهد وهم ما يعرفون أنو هاذي رغبه الجده اعتدال
اكثر من الجد فهد
_______________
طلع كايد من الجلسه الخارجيه و راح متوجه الى الونيت حقته و ركب و تحرك متوجه الى المزرعه حقت الجد فهد الي كانت تبعد عشر دقائق عن بيتهم و راح لما وصل راح متوجهه الى المطبخ و طلع قوري الشاهي و حط شاهي و مويه و حطه على النار وهو يخدر الشاهي و طلع من المطبخ و راح للمخزن و طلع جلسه قديمه و حطها قدام الونيت حقته و راح للمطبخ وهو يشيك على الشاهي و طفى النار و اخذ الشاهي و حطه بصحن بالاضافه الى بياله شاهي و طلع و راح للجلسه و تلثم بشماغه و شب النار و قعد قدام النار وهو يناظر بالشرار و غمض عيونه و رجع له فلاش باك
_____________
الجد فهد:تعال
قرب كايد للجد فهد الي مسك يده و قال :يا ولدي يا كايد انت اكبر احفادي و اعرفك زين رجل شقردي و حمر عين و تتحمل المسؤولية بس لو طلبتك بتردني
كايد:أعقب اردك و تم لمطلبك!!
الجد فهد::تتقدم لـ نور بنت عمتك و تملك عليها الجمعه !
____________________________
ابو كايد يصرخ :رد على جدك يا كايد !
رجع كايد يناظر بجده وهو ماعرف يرد على الجد فهد و انحنى بظهره وهو يبوس راس الجد فهد و قال :مايصير الا الي يطيب خاطرك
___________________________
فتح كايد عيونه وهو يهمس :نور ال سراج حرم الكايد ال جراح!
قاطع تفكير كايد العميق صوت اقدام ..مشي غريب جدا حول شبك الإبل التفت كايد و شاف ظل طويللل و نحيف سحب كايد الكشاف الي بجيبه و مسكه وهو يقوم يشوف مين الي عند شبك الإبل و هو يمشي ماعاد شاف اثر لاحد غريب غمض عيونه و التفت بسرعه لما حس باحد وراه و فز وهو يمسك يده و يلفها و مسك السلاح الي بيده و اخذ الكشاف و وجهه له و أنصدم كايد لما شاف مفرح متلثم بغترته
كايد:مفرح!
مفرح: تكفى ياكايد تكفى
سكت كايد وهو يوجهه السلاح في وجه مفرح
مفرح:ياكايد أنا طالبك طلبتك يابو محمد
كايد ببرود نزل السلاح و طلق على التراب و بمجرد انو طار التراب و حجب الرؤية طلق على رجل مفرح
فز مفرح وهو يصارخ بالم و شاف الدم يطير من رجله و يطيح على الأرض و على ثوبه الكحلي تقدم كايد و مسك راس مفرح و قال : جاي و معك سلاح ؟ تبي تذبحني وأنا ولد محمد ال جراح؟ تخسى وتعقب
مفرح:تكفى يا كايد رجلي رجلي
كايد: رجلك ؟...ابشر بعزك يا مفرح
وقف كايد و مسك ياقه ثوب مفرح و سحبه للمخزن و قال :يلا موت خيس لوحدك هنا
مفرح:كاايد ! كااايد!
قفل كايد باب المخزن الحديدي و هو ينفض يده من التراب التفت لما شاف ضوء قوي من بعيد سياره ماجد الي وقفت ورا سياره كايد نزل ماجد و قال :عارف انك بتجي هنا
التفت كايد وهو يناظر لماجد و قال :اييه يا ماجد
ماجد:سمّ ياولد عمي!
كايد:انحطيت بموقف لا أحسد علييه
ماجد:انشهد
كايد:نور ! نور بنت ال سراج!!
ماجد:اي والله انها نور بنت ال سراج
كايد:بنت المدن بتصير حّرمي أنا كايد ولد ال جراح!؟
ماجد:طيب و اذا كانت بنت مدن؟!
كايد:ماجد صاحي انت! تبيني على اخر عمري اخذ لي بنت مدن !!
ماجد:ليش وش تبي تاخد؟
كايد:بنت ديره سنعه و تعرف تطبخ و مالها بالطلعات و...
سكت كايد
ماجد:ليش سكت؟
كايد:و محد شافها غيري
سكت ماجد لثواني و قال : بس انت قلت تم لـ جدي
كايد: عند كلمتي وانا اخو لمياء
ماجد:هاا!
كايد غمز :الي سمعته
ابتسم ماجد و قال :حي عينك! ياخو لمياء
كايد:لا تجيب اسم اختي على لسانك !!
ماجد:اختك قريب بتصير حرم ماجد !
كايد :اقول بس لا يجيك كف قوم اذلف !!
ماجد:اذلف وين اروح ؟
كايد رفس ماجد و قال :اذلف اذلف!
ضحك ماجد و قال :خلاص ذلفت ذلفت!!
و قام ماجد و راح لسيارته و قال:بأمان الله
كايد:استودعتك الله
حرك ماجد سيارته و هو يخرج خارج المزرعه و ماهي إلا ثواني و قام كايد وهو يطفئ النار و يشيل كل كلشي و يرجعه مكانه و اخذ الجلسه و راح فيها للمخزن و فتحه و شاف مفرح على حاله و يون من الالم تقدم كايد و جلس على الأرض و قال :هذه الي يصير إذا فكرت تقريب لعيال ابو كايد و تمسهم بالسوء
مفرح وهو يون من الالم: تكفى يا ولد ابو كايد اقل شي تسويه طلع الرصاصه من رجلي
كايد:ابشر بعزك ياولد ابوخاطر
وقف كايد على رجله و راح للمطبخ و اخذ سكين وهو يحميها على النار و راح لوحده من الغرف و هو يدور في الدروج شاف ملقاط كبير و معقم و شاش جروح و أخذهم و راح متوجه الى المطبخ و اخذ السكين الي صار لونها احمممر و راح فيها لمفرح و رجع كايد يقعد على الأرض و فك غترت مفرح و قال :عض عليه
مفرح:ليه!!!
كايد سكر الباب و شغل الكشاف عشان يقدر يشوف و قال :ولا تصدق صارخ و طلع الالم الي بداخلك محد بيسمعك غير ربك ثم أنا
مفرح:كايد !!
كايد اخذ السكين و قال :بسم الله الرحمن الرحيم
و حط السكين على الجرح وهو يكوي جرح مفرح و اعتلت صرخات الالم من مفرح و بالوقت الي كايد كان يحاول انو يطلع الرصاصه من رجل مفرح سكت مفرح و ماعاد طلع له صوت ما اهتم كايد وهو مركز بالجرح و طلع كايد الرصاصه و عقم جرح مفرح و لفه بشاش التفت كايد و تقدم وهو يفحص إمكان النبض عند مفرح و كان على قيد الحياة و فقد الوعي من الالم
وقف كايد وهو يمسح الدم بغترت مفرح قال :صار لي الاشين منك و ما سويت سواتك
اخذ كايد نفس عميق وهو يرفع اكمام الثوب و شاف الحرق الي كان على يده اليمين و بشكل طوالي من مفصل اليد إلى مفصل الكف
____________________
و رجع له فلاش باك قبل 13 سنه
كايد الي يبلغ من العمر 19 سنه وهو واقف قدام ابو كايد و لمياء منخشه وراه قال كايد :ماراح ابعد
ابو كايد :يا ابن الكلب اقولك ابعد
كايد:ما ببعد و الي بتسويه فيها سوه فيني
ابو كايد:اهااا طيب تعال
و مسك كايد مع ثوبه وهو يسحبه بقوه لدرجه انو انقطع ثوبه و اخذ ابو كايد السكين الي صار لونها احمر يوهج من كثر الحراره و حطها على يد كايد و ابو كايد لمس السكين بالغلط و حرق إصبعه و سحب السكين على يد كايد و تسببت بحرق طويل بيد كايد الي ما تغير من ملامحه شي ولا رمش حتى عكس الصرخات الي كان يصرخه بداخله و الدموع الي تحولت إلي دم
يسيل من يده
____________
انتهى الفلاش باك من مخليه كايد و نطق كايد بعد تنهيده طويله:
___
علامه و للحين بوسط الذراع موجوده
سببها الاول و الاخير حب لوخيتي
و خوفن عليها و ثاني سبب كان
دفاع من عضيدها وهي فكره دايم
بالعقل و دوم على طرف السان شي
و مقدر و مكتوب لك يالكايد و قدر من
الله ..... قدر الله وماشاء فعل ونعم بالله
___
سكت كايد و راح متوجهه للونيت حقته و شغلها و راح راجع للبيت نترك كايد. و نروح لبيت ابو رعد
_______________
شهقت لجين و قالت :نور و كايد !!!
اسيل:ايه ...هذه الشي الي للحين محد مستوعبه
دخلت حور و بيدها صحن الشاهي
لجين:حور من جد كلام اسيل
حور:ايش؟
لجين:جدي يبي كايد ياخذ نور
حور:ايه يابنتي ما شفتي وجهه كايد أنصدم صدمه حياته
رنيم:اكيد هو قال لجدي تم بدون لا يعرف مطلب جدي
لجين:تكفون ما اتخيل نور بنت عمتي مع اخوي كايد مره لا ما يركبون
بدور:قولنا كلنا مو بس قولك
لجين:وين نور طيب
حور رحت هي و اهلها بيتهم
رنيم:خلونا نتصل عليها سناب
لجين طلعت جوالها و قالت :تعالو
التمو كل البنات حولها وهم يتصلون على نور
____________________________________
عند نور الي كانت قاعده بوسط خواتها و امها
نور:مااابي !!
العمه ايمان:يابنتي يانور خذيها مني أنا بنته الوحيده اعرفه زين والله ثم والله إن قال كلمه ما يرجعها و تصير غصب عن الكل
نور عيونها بدأت تدمع :بس مابي كايد
الهنوف:بس جدي قال كايد
نور:لو أنه اخر رجل بالكره الارضيه ما أخذته
نوف:لا تقولين كذا لانك بتاخذينه يعني رسمياا حرم كايد
نور:اي حرم انتي كلي تبن مرته و على ورق والله ما اخليه يقرب
العمه ايمان:بنت!!!! تفي من فمك كيف بتصيرين زوجته و ما يقرب لك
نور انفجرت تبكي و قالت:وين احمد ابي احمد محد يفهمني فيكم غيره
هنوف:احمد ببيت خالي ابو كايد هو و ابوي و سعد
نوف:بس يا قلب اختك لا تبكين
نور ارتمت بحضن نوف وهي تبكي و تقول : تقدم لي المتعلم و الفاهم و المثقف و رفضتهم كلهم بالنهايه اخذ كايد الي يا دوب خلص الثانوي و دخل عسكرية
العمه ايمان:نصيب من الله و شي مقدر و مكتوب
نور :ونعم بالله
سكتت نور و بعدت عن حضن نوف و هي تمسح دموعها و دق جوال نور و. كانت لجين أخذته نور و قالت:بنات لجين تتصل
تقدمو نوف و هنوف وهم يجلسون حول نور درت نور
لجين:هااي نوري
نور:هاي
اسيل:نور!! تبكي؟
نور مسحت على عيونها بخفه و قالت:لا لا
بدور:ترا واضح
نور اخذت نفس عميق و زفرته و قالت:ايه ابكي
حور:ليش يا عيون حور انتي ليه تبكين
نور عضت شفايفها تمنع دموعها من النزول
البنات بصوت موحد:نور لاااا
غمضت عيونها نور و دموعها تنزل و قالت:غصب عني نزلت!
ناظرو البنات ببعضهم وهم يحاولون يهدون نور
_____________________________________
نترك نور و نروح نشوف وش يصير مع بطلنا
وصل البيت و نزل من السياره دخل البيت و بمجرد دخوله شاف الجد فهد الي قال :كاايد!
كايد بهدوء:سم ياجد
الجد فهد:جهز نفسك بعد يومين عشان تتقدم لبنت عمتك
كايد مسح على وجهه و شنبه و قال :يصير خير يا جد
الجد فهد:قلت لك جهز نفسككك!!
كايد:ابشر
و راح و ترك الجد فهد الي اخذ نفس عميق ت زفره و سند ظهره على الجلسه
راح كايد متوجه لغرفته و صادف بالطريق ابو نور
ابو نور:كاايد
كايد تهاجل ابو نور و كمل الطريق
ابتسم ابو نور و قال :شدعوه يا النسيب ما تبي ترد على ابو خطيبتك
التفت كايد على ابو نور و قال :باي أساس نسبت نفسك انك ابو خطيبتي و بعدين ترا للحين ما قررنا شي
ابو نور :طيب ما قلت لك شي
كايد تقدم و قال لابو نور :يا عم نور بنت عمتي ونعم فيها بس ترا نور ما عمري فكرت فيها كزوجه أو حّرم لي و أن صار و صارت زوجتي تراها بالحفظ و الصون و بحطها بعيوني بس ابيها تلبس نقاب و برقع و تسحب طلب تقدمها للجامعه
ابو نور اخذ نفس عميق و قال بهدوء :هذه كلام بينك و بينها بعد يومين زي مطلب جدك
كايد:يصير خير
ابو نور:تقدر تتفضل للمكان الي بتروح له
صد كايد وهو يكمل مشي و راح لغرفته و ابو نور مازال يناظر بقفى ظهر كايد الضخم و اخذ نفس عميق و زفره و قال :اللهم اني استودعتك ابنتي و حبيبتي و قطعه من كبدي اللهم يا مخير اختر لها كل خير ولا تخيرها مابين الضر و النفع و الخير و الشر
أنهى ابو نور كلامه و راح متوجه الى الجلسه الخارجيه و تقدم و بأس راس الجد فهد قال:أنا بروح لبيتي
الجد فهد:طيب بس عط بنتك خبر تجهز ملكتها بعد يومين
ابو نور:ابشر يا عم
الجد فهد :اذنك معك
صد ابو نور وهو يروح متوجه الى خارج منزل ابو كايد و يروح متوجهه الى بيته و دخل و راح متوجه الى غرفه بناته دخل و شاف نور الي كانت واقفه تشرب مويه التفت نور على صوت ابوها الي قال : نور.دنيتي
ابتسمت نور و قالت :سمّ يبا
تقدم ابو نور وهو يجلس و مسك يد نور و يبوسها و يقول :بنتي يانور انتي بنتي البكر و الغاليه عندي و انتي تعرفين انتي مستحيل افرط فيك و اسلمك بسهوله الا الي يعرف يحفظك و يصونك
ابتسمت نور و شدت على يد ابوها وهي تبوسها و قالت :الله لا يحرمني منك يبا
ابو نور:جهزي نفسك
نور رفعت واحد من حواجبها
ابو نور:ولد خالك جاي يتقدم لك بعد يومين
عضت نور شفايفها تحاول تمنع دموعها من النزول
ابو نور مسح دموع نور قبل نزولها وقال :ماراح تفيدك الدموع و يابنتي انتي تعرفين انو مافي كلمه بعد كلمه جدك
نور اخذت نفس عميق و زفرته و قالت :الله يسامحك ياجدي
ابو نور باس راس بنته و قال:ماتقدري تسوين شي غير انك تستخيري و تحاولي تتقبلي موضوع كايد و زواجك منه
نور:ابشر يبا
ابتسم ابو نور و التفت على العمه ايمان ياشر لها بمعنى (الحقيني) و طلع ابونور و ماهي الا ثواني و لحقته العمه ايمان و بنسبه لانور الي مسكت جوالها شافت مكالمه فائته
(جواهر قلبي الثمين💕✨) اعادت نور الاتصال و ابتسمت لما وصل لها صوت جواهر وهي تقول :ارررحبي يالحب
ابتسمت نور و قالت:البقى يالغلا
جواهر:كيفك وحشتيني
نور:بخير الحمدالله انتي كيفك
جواهر:انا بخير بس...انتي متاكده انك بخير
نور:سالفه طويله بعدين اقولك
جواهر:الله يستر.....وينك اليوم ماجيتي الجامعه
نور:مسافره مع اهلي اسبوع للديره.....و يمكن من بعد ذالاسبوع اصير رسمي من سكان الديره
جواهر:نور منجدك انتي الاسبوع الجاي عندنا اختبار الدكتور مهند
نور:احللفي!!!
جواهر:والله !...ولا ازيد من الشعر بيت اليوم سال عنك وعن سبب غيابك
نور باستغراب:سال عني انا؟
جواهر:ايه
_____________
الساعه ٩ الصباح في كليه القانون
الدكتور مهند: بكرا في اختبار ممنوع عدم الحضور الا لعذر طبي
ساره:بس يادكتور غلا و هيام ونور ما داومو اليوم
التفت الدكتور مهند لمقعد نور و رفع حاجبه باستغراب و رفع نظراته لجواهر و قال: وين نور
جواهربتردد :ءءءتعبانه تعبانه مرهه
الدكتور مهند :اممم ماتشوف شر
تحرك الدكتور مهند وهو ياخذ ملفاته والاوراق المبعثره على الطاوله و قال :عطو جميع زملائكم خبر بالاختبار و تم تاجيل الاختبار الاسبوع القادم
طلع الدكتور من القاعه
______________________
مكالمه نور و جواهر
نور:بصراحه مدري ليه ممكن يكون الدكتور أجل الاختبار بس يلا عندي حجه عشان ارجع الرياض
جواهر:وراك شي متاكده قولي وش صار معك
نور اخذت نفس عميق و زفرته بضيق و قالت :تخيلي اني بتزوج
شهقت جواهر بقوه و قالت:متى و كيف و وين و من مين و ليش ما قلتي لي
نور:بس بس يا مرجوجه ترا اليوم صار كلشي
جواهر,وش صار
نور اخذت نفس عميق وقالت:تخيلي انو اليوم جدي جمع كل خوالي و عيالهم و تخيلي انه قعد يطلب ولد خالي الكبير و ولد خالي قال له تم بدون لا يعرف مطلب جدي الي كان انه يملك علي يوم الجمعه
جواهر:ياخرااشي
نور:و ازيدك من الشعر بيت ولد خالي بيجي يتقدم لي بعد يومين
جواهر:احلفيي !!
نور:والله
جواهر:ونتي موافقه؟
نور:ليش انا لي قرار بهذه الموضوع
جواهر:اكيييد تستهبلين !!
نور:اكيد هاذي مو عند جدي ....جدي قال كلمه تتنفذ غضب عن الكل و هذه الي بيصير و ما اقدر اسوي شيي غير اني استخير و مقدر اقول شي غير الله يسامحك ياجدي
جواهر:الله يعنيك ياعمري بس ولد حالك كيف معاملته ان شاء الله كويسه
نور ضحكت بخفه و قالت:مافي اشين من جدي غير ولد خالي
جواهر:ياعمري عليك الله يعينك طيب بتسوين زواج و فرح كذا يعنني
نور:مادري و احس لا ماراح اسوي
جواهر:ليهه
نور:وش الي ليه ترا زواجي اجبار و بتزوج من ولد الديره المتحجر ماراح اتزوج لي وزير ولا امير و انا او ودي محد يدري بزواجي منه
جواهر:مدري وش اقول لك
نور:تكفين جواهر بكلمك بعدين