ياكايد حبيت قلب ما يبغاني

البارت السادس

نور تذكرت كايد و اخذت نفس عميق و جلست وهي ترتب الملابس و شافت شماغ بيج و رجع لها فلاش باك
__________________________
سمعو صوت كايد وهو يقول :يما وين شماغي البيج
تقدم و طير عيونه بغضب و صدمه لما شاف نور و بهاء
كايد :وش عندكم انتو. هنا
___
كايد:ولا كلمه لا اسمع لكم نفس...حسابكم مو معي حسابكم مع جدي و ابوي
____
نور: بالله عليك وش ابي بـ بهاء
كايد:ليش في احد غيره ؟!!!
نور: كاايد! لا طبعا بس تكفى ياكايد لا يوصل شي لجدي و لك الي تبيه
كايد:الي ابيه ؟
نور:الي تبيه
ابتسم كايد لثواني بخبث و تقدم بخطوات بسيطة لنور و حاوط ظهرها وهو يشدها عليه و انتشرت ريح عطر نور وهي تختلط مع عطر كايد ابتسم كايد بخبث و همس بأذنها :أجل راح تدفعين الثمن غالي
_____________________
رجعت نور الحاضر و كانت ماسكه شماغ كايد بقوه التفت نور على الباب دخلت العمه ايمان وهي تقول :نور خلصي الي بيدك و تعالي ساعدي لمياء و البنات بالتنظيف
نور:ابشري يما
ابتسمت العمه ايمان و طلعت و نور كملت ترتيب ملابس كايد و أخذتهم و راحت متوجه لغرفه كايد و دقت الباب و فتحته بشويش و شافت الغرفه فاضيه دخلت نور الغرفه و حطت ملابس كايد على السرير و صرخت برعب لما سمعت صوت كايد يقول :وش تسوين هنا
التفت نور و طيرت عيونها بصدمه لما شافت كايد الي كان توه طالع من الحمام بعد ما اخذ له شور سريع و كان لاف المنشفه على خصره بس صدره و كتوفه مكشوفين بلعت نور ريقها وهي ماقدرت تشيل عينها من عليه كيف شكله مثيره كذا صدره و عضلاته القويه و كتوفه العريضه شعره المبلل و كان نازل على عيونه كان نور تتامله بكل تفاصيله
كايد:وش بلاتس تناظريني كذا
نور:ها!
ابتسم كايد على جنب و تقدم بخطوات بسيطه
نور:كايد لا !
كايد وهو يقرب لنور :مو هذه الي تبينه
نور:كايد!! هذه الي انت تبيه مو انا
وقف كايد وهو يقول :ليش وش الي انا ابيه
نور:بتوقعاتي
وجهها صار احمر خفيف و مسكت خصرها وهي تشد عليه
انفجر كايد يضحك و قال :لايكون تفكرين اني ميت على وصلتس
اشتد احراج نور و وجهها صار احممر
قرب كايد اكثر لها وقال :حتى لو ابي وصلتس ترا باخذه غصب عنتس لانتس زوجتي و حلال علي
نور بصدمه و احراج قالت بشكل تلقائي:في احلامك
كايد:في احلام مين ؟؟
نور غطت منطوقها بصدمه
قرب كايد منها وهو يمسك خصرها و يشدها عليه بكل قوته شد على خصرها و قرب وجهه لها و قال بصوته المخيف :انتي شكلتس ناويه احطتس براسي
نور بتوتر مسكت كتف كايد و قالت :لا لا والله لا
قرب كايد و صار تلامس بارانب انوفهم ابتسم كايد و قال :بلى
نور و قلبها شوي و يطلع من صدرها خضعت لكايد بدون لا تحس بنفسها
ضحك كايد ما حس بخفه و خضوع نور بين يدينه فتح عيونه و بعد عن نور و صد وقال
كايد :و الحين روحي من وجهي عشان ما اخلى توقعاتتس واقع
فزت نور وهي تدف كايد و طلعت تركض انفجر كايد يضحك اخذ نفس عميق و زفره براحه وهو يستمتع بتخويف نور و احراجها خصوص انو صار يعرف نقطه ضعف نور والي هي القرب بينهم
التفت كايد وهو يلبس ثوبه الكحلي و شاف شماغه البيج على السرير مسكه و شم فيه ريحه غريبه قربه كايد لخشمه وهو يستنشق ريحته مو غريبه عليه و تذكره باحد بس مو قادر يوصل له و فجاء رجع له فلاش باك
___________________
ابتسم كايد بخبث وهو يتقدم بخطوات بسيطه و حاوط ظهرها وهو يشدها عليه و انتشرت ريحه عطرها وهي تخلط مع ريحه عطر كايد
__________________
ابتسم كايد لما ايقن وجود ريحه عطر نور على شماغه ابتسم وهو يلفه على راسه لفته المعتاده و مشى وهو يطلع من غرفته و راح للجلسه الخارجيه و ماشاف فيها احد و راح للمجلس و وقف بصدمه و قال :عمي ادم !
التفت ابو نوح وهو يقول :يا هلااا ياحي الله كايد
دخل كايد وهو يقول :الله يحيك ارحب تراحيب المطر
ابو نوح:الله يبقي من يرحب
مشى كايد وهو يصافح نوح و نواف و مؤيد و مراد عيال عمه
جلس كايد وهو يقول :وش هاذي المفاجاء الحلوه
نوح:ابد يابو محمد من زمان عن الدير و ريحه الديره
كايد:مابغيتو تطفشون من ابهاء
نواف :والله حتى ابهاء مشتاق لها
كايد:كيف؟
راكان:مشتاق ل ابهاء حقه له ثلاث شهور بالرياض و توه يجي
كايد:وش عندك بالرياض
نواف:دراسه
كايد:وش دراسته كم عمرك ما تخرجت من الثانويه ؟
ضحك نواف و قال:عمري 28 و متخرج بس داخل جامعه تخصص قانون
كايد:يوهه يالجامعة و ياشقاها وش لك بالشقى
نواف:لا شقى ولاشي بس انا دخلت الجامعه متاخر و الحمد الله الحين مابقى لي شي و اتخرج
كايد:اصحاب العقول بنعمه
نوح:اي والله
كايد:ليش ما تصير زي اخوك هذه هو متوظف و مرتاح
نواف:تخسى ماشفته ذاك اليوم راح و ما رجع لنا غير وهو غرقان بدمه
ضحك نوح وهو يرفع جزء من الهودي حقه و بانت اصابته الي كانت رصاصه قريب من عظمه الحيض
كايد:حمد الله على السلامه
نوح:الله يسلمك
كايد:معك العميد كايد ال جراح
نوح دق التحيه و قال :الملازم نوح بن ادم بن فهد ال جراح
كايد:ونعم ياولد العم
نوح:ماعليك زود
قاطعهم ابو كايد و نظراته الي فهمها كايد على الطاير و قام عشان يجيب الشاهي و القهوه و راح متوجهه الى المطبخ و دق الباب الي كان يفصل بين مجلس الحريم و المطبخ
كايد:ياولد !
فزت لمياء و راحت متوجهه لباب المطبخ و قالت :سم ياعضيدي
ابتسم كايد و باس راس لمياء و قال:القهوه
لمياء:ابشر
ابتسم كايد و راح و وقفت لمياء تسوي القهوه
________________
عند البنات
دخلت ام نوح و معها بناتها الخمسه غلا و غاليه و ترف و تالين و نرجس
ام كايد:حي الله من جانا
ام نوح :الله يحيك و يبقيك يام كايد
ابتسمت العمه ايمان :تو ماينور البيت بشوفتك
ابتسمت ام نوح و قالت:بوجوك ياعمري
ناظرت ام نوح جنب العمه ايمان و قالت :مين ذول القمرات الثلاثه
العمه ايمان:ذول بناتي نور و نوف و هنوف
شهقت ام نوح:ماشاءالله تبارك الله متى كبرتو انتو سبحان الله ياايمان الوقت يركض
ابتسمت العمه ايمان و قالت:وش نسوي بعد
ام نوح وهي تاشر على نور قالت:انتي نوير
ابتسمت نور و قالت:ايوا
ام نوح:صلوات على محمد كبرتي و صرتي عروس
نزلت نور راسها وهي مستحيه
ام نوح:كم عمرتس ياحبيبتي
نور:24 سنه
ام نوح:ماشاءالله صغيره و قمر ...24 يعني كبر ولدي نواف صح نرجس ؟
نرجس:اي بينهم اربع سنين تقريبا نواف 28
الجده اعتدال:لا لا يام نوح و بعدين نور حفيدتي توها ملكت
ام نوح:كيفف!..على مين
ام كايد:على ولدي كايد
ام نوح:بس كايد اكبر منها بكثير انا اذكر كان بالمدرسه و ايمان ولدت ب نور
الجده اعتدال:صحيح بينهم 8 سنوات
غلا:كثييره ليش مزوجينها له و بينهم هالسنين
العمه ايمان:الزواج بالتفاهم مو بالعمر
ام نوح التفت على نور و قالت:قولي يابنتي اذا تحسين كايد كبير ترا الطلاق مو عيب ولا حرام و ترا كايد ينفع ل بنتي غلا مابينهم الا سنتين
نور بدات تحس انو ضغطها يرتفع و حست بغصب مو طبيعي داخلها و قالت بكل ثقه:لا انا و كايد متفاهمين و عادي ماعندي مشكله اتزوجه لو بيني بينه سنين و بنين أنا راضيه بكايد زوج لي
أنهت نور كلامها و الهدوء و السكينه بالمكان ام نوح و بناتها بصدمه عكس ام كايد و العمه ايمان و الجده اعتدال الي كانت ضحكاتهم شاقه الوجهه
عدلت نور جلستها جنب خواتها و صدت بنظراتها وهي معصبه و ما كانت منتبه لـ نوف الي صورت كلشي صار بينهم و أنهت التصوير وهي تضحك و حفظت الفديو. و ارسلته لـ لمياء و هنوف و نور
________________________________
عند لمياء الي كانت واقفه تنتظر القهوه تجهز و دخل كايد
كايد:ها وين القهوه؟
لمياء:يلا شوي و تجهز
كايد وقف وهو ينتظر مع لمياء
اخذت لمياء جوالها وهي تفتحه و طيرت عيونها بصدمه لما شافت فديو نور الي ارسلته نوف ؛ التفت كايد بقوه لما سمع صوت نور بالفيديو و سمع كلامها وهي تقول ( أنا راضيه بكايد زوج لي)
رفعت لمياء نظراتها وهي تناظر بكايد الي كان يناظر فيها بنفس الصدمه و فزت لمياء لما فارت القهوه و رمت جوالها على كايد الي مسكه و أعاد تشغيل الفديو و شاف شكل نور و ثقتها و قوتها و أسلوبها كيف كان التفت لمياء لما صبت القهوه في الدله و قالت:القهوه صارت جاهزه
مد كايد الجوال لـ لمياء الي أخذته و اخذ كايد الدله و راح للرجال وهو عقله مع نور و كلامها
—————————-
بنسوي سكب بسيط بعد اذان المغرب راح حسين عند باب المطبخ
حسين:يا لمياء وين التمر و البن
لمياء:موجود بالمجلس عند الطاوله الكبيره
راح حسين للمجلس و اخذهم وهو يحطهم قدام الجد فهد و ابو كايد و تجمعو حسين و بهاء و كايد حول بعضهم وهم يفطرون و بعد الفطور كل واحد منهم راح يغسل و يتوضى و كالعاده وقف كايد عن باب الشارع وهو ينتظر ابوه و جده
—————————————
وش بنسبه لنور الي كانت جالسه على جوالها و انقهرت منه لانه يعلق كثير و شاشته مو واضحه بسبب الكسر الي فيه قامت نور بغضب
هنوف:وش فيك
نور:ولاشي
و راحت نور وهي تطلع للجلسه الخارجيه تتمشى و شافت كايد واقف عند الباب و ناظرت بجوالها المكسور و رفعت نظراتها لكايد و راحت متوجهه اتجاهه
نور:كايد !
كايد:نعم
نور مدت جوالها لكايد و قالت :عاجبك الي سويته ؟
كايد:وش سويت ؟
نور:كاسر جوالي و تسال !
كايد :وخير يا طير
نور:جوالي يتصلح و على حسابك
كايد :يصير خير
نور:كايد!!
قاطعهم صوت نوح و نواف وهم طالعين من جها المغاسل
كايد :ادخلي داخل !!
نور:مابي جوالي يتصلح يعني يتصلح
سحب كايد جوال نور و قال :طيب بس اذلفي بسرعه و خطي شعرتس ذا
نور وهي تقلد كايد :يصير خير
و راحت التفت كايد على نوح الي قال :يلا ياولد العم
كايد :روح انت و نواف انا بنتظر ابوي و جدي
نواف:تمام يلا نوح
مشى نوح و معه نواف متوجهين للمسجد
و  قائق معدوده و طلع ابو كايد و معه الجد فهد بالاضافه الى ابو نوح
الجد فهد :يلا ياكايد
كايد :يلا
ابو كايد بصوت عالي :يلا ياولد انت وياه
اعتلى صوت بهاء:يلا يبا
صد ابو كايد وهو يمشي مع الجد فهد و ابو نوح و كايد متوجهين للمسجد صفو في الصفوف الاولى كالعاده و ماهي الا ثواني و صفو حسين و بهاء بالاضافه الى مؤيد و مراد معهم و بعد الانتهاء من الصلاه التفت الجد فهد و قال :كايد ارجع البيت انت و اخوانك خذو اختكم و بنات عمتكم و روحو المزرعة أبيكم تنظفونها كامله ابي اشوفها تلق لق
كايد و اصبعه على خشمه قال:على هذه الخشم
صد الجد فهد و قال :يلا قوم
و بالفعل قام و معه اخوانه و بقى ابو نوح و عياله و الجد فهد و ابو كايد
عند كايد و اخوانه الي رجعو البيت و دخل كايد وهو يقول :يا لمياء
راحت لمياء مسرعه لكايد و قالت :سمّ ياخوي
كايد :سمّ الله عدوينتس  جدي يقول ننظف المزرعه...
قاطعته لمياء:اي اي قال لي بروح انادي بنات عمتي ايمان و بنجي
ابتسم كايد :يلا انتظركم بالونيت
(انتهى البارت السادس )