(رحبو ياحبيني اهلا و سهلا بكم في البارت التاسع من روايتنا الحلوه قبل لا ابدا بالبارت حبيت اعتذر منكم على الخطأ الاملائي الي صار في ردي على التعليق المفترض اني اقولكم انو بيصير جدول حق التنزيل بينزل جزئين كل ويكند جزء الصباح الساعه ٩ و جزء اليل الساعه ٩ و الايام العاديه على حسب الاستطاعة بينزل لكم بارت وبس خلونا نبدا بارت التاسع من روايتنا ياكايد حبيت قلب ما يبغاني ✨)
نور فكت يدها من يدد كايد و التفت عليه
نور:شتبي !
كايد:وش ابي!!؟
نور:كايد اخلص علي مو فاضيه لك
كايد:يدس توجعتس؟
نور:مالك دخل
كايد:نور!!
نور:هااه !!
كايد اخذ نفس عميق و زفره وهو يمسح على وجهه و يستغفر
نور:كايد انت ليش كذا ليش تكرهني ...لانك مجبور على الزواج مني؟ طيب حتى انا مجبوره بس ماسويت ولاشي من الي انت سويته
كايد:ليش وش سويت
نور:وش سويت! قصدك ايش ماسويت
كايد:نور!
نور:انا مو مجبوره اشرح لك اغلاطك و تصرفاتك انت راجع نفسك و اعرف وش سويت
مشت نور و تركت كايد وراها الي كان شاد على قبضه يده اخذ نفس عميق و راح متوجهه لخارج بيت ابو كايد و مشى متوجهه لمركز دوامه
_________
في المركز دخل مكتبه وهو يقعد على كرسيه و مسك ملف البلاغات و بدا يشتغل عليهم
بنسوي سكب لبعد ثلاث ايام تحديدا في يوم زواج كايد و نور
الكل في بيت الجد فهد كانو مستنفرين تقدم حسين وهو ينادي
حسين:يا بهااء
بهاء:وش
حسين تعال ساعدني بتعليق الاضواء
مراد:ياكثر الاضواء الي ركبتوها خلاص
بهاء:اقول بس لا يكثر و امسك الجهه الثانيه و روح لاخر الحوش
مسك مراد طرف سلك الاضواء وهو يمشي فيه صعد بهاء على الطاوله وهو يعلق الضوء في جدار الحوش و بعد ما ثبتهم التفت على مراد وهو ياشر له يثبت الاضائه من جهته و بالفعل صعد مراد على الطاوله وهو يثبت الاضواء و نزلو من على الطاولات وهم يشوفون الحوش الي كان مليااان اضواء ملونه و مزين و بنفس اللحظه دخل كايد
التفتو كلهم لكايد الي دخل البيت ببدلته العسكريه
نوح:كايد! ما جهزت
كايد:توني راجع من دوامي
نواف:اول مره اشوف عريس يداوم يوم عرسه
كايد:انا
مؤيد:طيب مو وقته روح اجهز اخلص علينا ترا ليلتك طويله
مشى كايد متوجه لداخل منزل الجد فهد و راح متوجهه لاحد الغرف
_______________________________________
(عند البنات)
كانو يتجهزون حق اليله و ريحه مكياجهم البسيط و كحل الاثمد و العطورات و اصوات الطبل و الاكسسوارات الي اختلطت مع صوت فرحتهم و الغناء باصواتهم الجهوريه و يغنون و يتجهزون لعرس بكر ابو كايد على بنت ناصر
زغريطهم و فرحتهم الي تسوى الدنيا كلها
بدور من ورا الباب:ها! نور ندخل ولا
وقفت نور بفستانها الابيض المتواضع و بطرحتها الطويله الي انسدلت على ظهرها و مكياجها الي كان جدا ناعم بس يعتبر فخم عند بنات الديره و خصوص انو يبرزه الروج الاحمر و شعرها اكتفت المصففه انها بس تفيره وتخليه مفتوح
رغم البساطه الي كانت في نور إلا أنها كانت جميله جدااا جمال متواضع و على قدها كانت تجنن تجنن حرفيااا تهبل و تاخذ العقل بكل ما تحملها الكلمه من معنى
نور:أدخلو
دخلو البنات
شهقت اسيل:ياوييللي !!
لجين:اففف والله كثير عليك ياكايد
لمياء:تكفين لجينن
هنوف :يما نور بموتتتت
ضحكت نور و قالت:مو زي الي كنت أتمناه بس عوافي
تقدمت لجين وهي تلصق خدها بـ خد نور :معليه يانور
وضحى:لجين وجع انتبهي مكياجها لا يخترب
نور:وضيحي تكفين هذه تسميته مكياج
لمياء: الجمال رباني ياجماعه
ضحكت نور:افا عليتس
نوف:عشناااا !! ..... مسرع ياكايد لعبت بـ إعدادات اللهجه
ضحكو البنات بصوت موحد عكس نور الي توردت ملامحها بالخجل و الفشله
لمياء :ترا توس مالس خمس دقائق من صرتي حّرم كايد
نور:اففف خلاص اسكتوو
ضحكو البنات
اسيل:خلاص حرام عليكم
رنيم:اي صدق خلاص و بعدين يا خوات العروس و ياخوات العريس متى ناوين تجهزون
لجين:خوات العريس جاهزين بس ناقص الفساتين
مشت لمياء وهي تفتح الدولاب و تطلع منه فساتين فستان بيج غامق و فاتح
رنيم: ماشاءالله يجنون
هنوف:لسا ماشفتو كشخه خوات العروس
اسيل:يلا نشوف
تقدمت نوف وهي تطلع فساتين فستان احمر و ثاني احمر غامق
وضحى:وااااو ماشاءالله!!
ضحكت نوف:كيف
بدور: رهيب!!
_______________________________________
بنسوي سكب بسيط في بيت ابو كايد تحديدا الساعه ٨ امتلى بيت ابو كايد بـ الجيران و الاصحاب و الأقارب يباركون أفراد عائله الجد فهد بزواج اكبر أحفاده كايد على بنت عمته نور في قسم للرجال كانو المجلس مليان رجال كبار بالسن و شباب و اطفال صغار كانو يلعبون و مبسوطين و الفرحه كانت ماتفارق مبسم الجد فهد و ابو كايد عكس كايد الي كان بارد بشكل جدا كبير كانو واقفين في صدر المجلس و الرجال رايحين جايين و يباركون لهم و بنسبه لاخوان العريس بهاء و حسين كانت فرحتهم باخوهم جدا كبيره لدرجه انهم جمعو كل احفاد الجد فهد و بدو يرقصون و يغنون تعبير عن فرحتهم لكايد و كان التعزيز من جميع الرجال الي حولهم و الحماس مليونن
رفع حسين صوته وهو يقول تعبير عن فرحه
____________________
شعور كله حب وحنان
أهديه لأغلى وأعز إنسان
عريسنا كايد بن ال جراح الله
يسعدك في حياتك الجديدة ياخوي
و يا عضيدي يا اول فرحه لامي و ابوي
يلي اسمك يعرفه الغريب قبل القريب
الف مبروك و الله يرزقك الذريه الطيبه الصالحه
_______________________________
اعتلت اصوات الضحك من العيال لما سمعو صوت التصفيق من الأطفال الي سمعو كلامه قاطع ضحكه ماجد جواله الي وصله اتصال من (الغاليه❤️)
صد ماجد وهو يطلع خارج المجلس و يرفع السماعه
ماجد:سمّي ياجده
الجد اعتدال:سم الله عدوك ياولدي تعال عن باب الحريم ابيك شوي
ماجد:ابشري ياجده
قفلت الجده اعتدال الخط و مشت متوجهه للباب و فتحته و شافت ماجد الي كان واقف ينتظر مدت الجده اعتدال شنطه صغيره و قالت:عطها لجدك
ماجد:تمام
الجده اعتدال:يوهه نسيتت اصبر هنا شوي بروح اجيب الشنطه الثانيه
ماجد:طيب
تركت الجده اعتدال الباب مفتوح و صد ماجد وهو ينتظر الجده اعتدال تجيب الشنطه الثانيه و شويات و سمع صوت خطوات و التفت ماجد و طارت عيونه من مكانها بصدمه لما شاف لمياء بفستانها البيج الفاتح و شعرها الطويل الاسود و
كانت تبتسم وهي توزع حلاوه على الأطفال الصغار و تضحك
صد ماجد علطول و مسك قلبه وهو يقول
__________________________
ياحلو ضحكتها لاصارت من القلب ....و ياويل قلبي لاصار الخجل محتواها
___________________
سكت ماجد وو ماحس ب لمياء الي تصنمت ورا لباب لما سمعت ابياته و شوي و سمعته يتكلم
ماجد:ويل قلبي عليتس يا لمياء ياويلي انتي وش سويتي بي طيحتيني و جبتي راسي بهاذي السهوله ياخت كايد
توردت ملامح لمياء بالخجل وهي تسمع كلام ماجد و شوي و سمعت صوت عكازه الجده اعتدال مشت بسرعه وهي تتحرك من جنب الباب و مشت هي تكمل توزيع الحلاه على الاطفال
____________________________
داخل بيت ابو كايد مشت لجين مستعجله و قالت:نوري يلا بسرعه صارت وقت الزفه
نور مسكت بوكيه الورد حقها وهي تشد عليه بتوتر لاحظت رنيم توتر نور و وقفت وهي تمسك يد نور
رنيم:اهدي يانور اهدي
نور:مم.متوتره
لجين:مالومك يابنت عمتي عروسه كايد ولد ابو كايد و ما تكوني متوتره
هنوف:يالله الحين منجد نور عروس
ضحكت وضحى: و ابشرتس انها عروسه كايد
هنوف مسكت راسها:ياويل حالي صدز
انفجرو البنات يضحكون مره وحده
بدور:لا يجي منتس شدي حيلتس و تضبطين اللهجه صح
اسيل:لا ماراح تضبطها زي كذا زوجوها واحد من اخوان كايد
وضحى وهي تضحك:اي اي زوجها بهاء مثلا
ضرخت هنوف و قالت:لاا يععع
لجين:لا شكرا مو ناقصين بنت مدن زياده نور تكفي
نور:وجععع لجين
رنيم:ايش في
نور:صدق انك اخت كايد
انفجرت لجين تضحك و قالت:لا واضح كايد مزهقتس ببنت المدن
نور:جبتيها
بدور:يوهه الله يكون بعونتس
فزت لجين و قالت:وي وي قومي انتي يلا زفتس الحين
نور اخذت نفس عميق و زفرته بتوتر و مشت متوجه للباب الي بتنزف منه و بافعل اتفتح الباب و اشتغلت اغنيه الزفه و انزفت نور عروس بفستانها الابيض المتواضع و مكياجها النااعم شعرها الاسود الطويل طرحتهها االطويل انسدلت على ظهرها مشت نور و خواتها و امها وراها يزفوها و اصوت الزغاريد من الجده اعتدال و ام كايد وصلت نور للكوشه و قعدت و شوي و تجمعو كل المعازيم عليها يسلمون و يباكون لها
_________________
بنسوي سكب لفقره العرس بعد انتهاء العرس و كل الضيوف و المعازيم رجعو لبيوتهم دخل كايد على بيت ابو كايد و اعتلت اصوات الزغريط من لمياء و لجين اول ماشافو كايد بالثوب و البشت الحساوي و العقال الذهبي
فز كايد وهو يسكر الباب بسرعه
كايد:وجع يوجعتس انتي وياها اصواتكم!!
لجين زغرطت مره ثانيه و قالت:اليوم غيير جدي يبي يخلي الديره كلها تعرف بفرحتنا فيك ياعريسنا عسى الله يوفقك مع عروستك
كايد ابتسم بهدوء
ضحكت لجين لما شافت ابتسامه كايد وقالت:يالبى
قاطعهم الجده اعتدال الي جت وهي تزغرط بقوه
اخذ نفس عميق و قال كايد بغضب : يااجده مبسوطين و فرحانين طيب بس ماله داعي اصوات فرحتكم توصل لاخر الديره
الجدده اعتدال:معليه معليه ياولدي تعال قرب خلني ابخرك قبل لا تدخل على عروستك
كايد: صد و قال :لا ماله داعي ياجده
لجين وهي تضحك:كايد نفسه نفسه ما يتغير ماقول غير الله يقويتس يانور عليه
كايد:تخسى ماعرفت منهو ولد بو كايد
لمياء:ونعم فيك ياولد بو كايد بس الله يكون بعون نوري
كايد:اقول بس فكوني طاريها
لجين:تراها عروستك و صارت زوجتك
كايد اخذ نفس عميق وهو يمسح على وجهه و شنبه و يستغفر وقال:وينها طيب
مشت ام كايد وهي تتقدم لولدها بالبخور و تبخره
كايد وهو اختنق بريحه البخور القويه:بس بس يما
ام كايد:تبخر ترا شوي و بتدخل على عروستك تنتظرك في الغرفه الجديده الي ورا البت
كايد اخذ نفس عميق وهو يعدل شماغه و بشته على كتوفه قال:بس يما الله يسعدتس خلاص
ام كايد: يسعدني زياده سعادتي فيك وانا اشوفك عريس ...لا كذا بيوقف قلبي
كايد ابتسم وهو يبوس راس امه و يضمها و قال:بسم الله عليتس ياتاج راسي
لجين:ماشاءالله واحنا مالنا من الحنان نصيب
كايد:انتي بذات شقلبي
لجين:خيير!
كايد بعصبيه:لجين ووجع خلاص عاد صوتس لا يطلع
لجين:وش جاك انت اليوم ععلى الصوت
كايد:ابد والله بس الحوش الخارجي مليان رجال بس هذه الي بالموضوع
لجين وهي تمثل الزعل :خير ياطير خلهم يسمعون صوت فرحتنا فيك
لجين لفت و كانت بتمشي بس سحبها كايد لحضنه وهو يحاوطها ببشته و قال:ياعسى فرحتس دوم يعيون اخوتس انتي
ابتسمت لجين بفرحه وهي تحاوط كايد و قالت:الف مبروك ياعضيد لجين و سندها الف مبروك
ابتسمت ام كايد بحب وهي تشوف حنان عيالها على بعضهم
ام كايد:يلا ياعريس تاخرت على عروستك
لجين:اي والله صدق يلا روح لها
كايد رفع بشته و قال:يلا اجل اخليكم
مشى كايد متوجهه للقسم اخلفي لبيت ابو كايد فتح الباب الرئيسي حق البيت و توسعت عيونه بصدمه
لما شاف غلا واقف قدام الباب بالضبظ وهي كانت تبي تطلع و كانت واقفه قدام كايد بالضبط و ابتسمت غلا لما شافته و عضت على طرف شفايفها و قالت:ياحلوك ونت عريس الف مبروك و ياجعله عرس الدهر صحيح انو كان ناقص شي واحد و مره مهم وهو اني اكون انا عروستك مو هذيك الي داخل بس بكل الحالات واثقه انك بترجع لعقلك و بترجع لي ياحبيبي
كايد الي حست بثقل جسمه و مو قادر يتحرك تجمدت عظامه وهو يبي يصد عن غلا الي كانت بكامل زينتها و مفاتنها الي كانت واضح لكايد ماحس كايد بنفسه الا لما سمع صوت نور الي صرخت بصدمه و غصب بنفس الوقت:كاايد!
فز كايد وهو يسكر الباب مره ثانيه و صرخ بكل قوته:ياولد!
التفت غلا على نور الي كانت واقفه بصدمه بمكانها تقدمت غلا وهي تضحك و قالت:لايكون تفكرين اني بخليتس تتهنين بحياتس مع كايد .....والله لادمر حياتس معه
مشت غلا تاركه نور بصدمتها و كانت شاده على المسكه حقتها و بداخلها مليون سؤال و سؤال عن ليش و كيف وهل ممكن
________________________
عند كايد الي مسح جبينه وهو يقول :الله يستر
شوي و شافته الجده اعتدال:كايد؟ مادخلت على عروستك
كايد:ها! لا بس شوفي لي درب ياجده
ابتسمت الجده اعتدال وهي تفتح الباب و تقول:درب للعريس يابنات
و بعد ما تاكدت انو مافيه احد فتحت الباب و وقالت يلا تعال
و مشت و مشى ووراها كايد بعد ماتاكد انو غلا راحت مشى و الجده اعتدال قدامه و فتحت الباب على نور الي كانت قاعده على السرير بفستانها الابيض و عكس كل عروس ماكان في اي نوع من انواع الفرحه على ملامحها دخلت الجده اعتدال و من بعدها دخل كايد و ابتسمت الجده عتدال و قالت:اخليكم
وطلعت و سكرت الباب وراها و بنسبه كايد الي كانت واقف و ميناظر بنور الي ماتحركت منها شعره مشى كايد وهو يجلس جنبها على السرير
كايد:نور
نور بدون لا تناظر بكايد حتى:هذي اخرتها ياولد بو كايد
كايد:ها!
نور:ذبحتك المرجله و مسوي انو مافي ارجل منك و بنهايه اشوفك واقف مع غلا ...غلا ياكايد ! ماحصلت اشين منها؟...خيبت ظني فيك حسااافه صدق ةانا الي كنت مفتخره اني اخذت عز الرجال بنهايه طلعت زلابه و رخمه
توسعت عيون كايد الي ناظر بنور بغضب شبت نيران داخل كايد اول ماسمع كلام نور بدات تزيد سرعه انفاسه و بانت ملامح الغضب على كايد عروق جبينه تنبض و عروق يده بانت و عيونه قلبت حمرا و كان يطلع منها شرار
كايد قرب لنور و قال وهو يرص على اسنانه :نور انتي مستوعبه الكلام الي يطلع منتس
نور وقفت و قالت: لا تقرب لي ياقذر
كايد صرخ بصوته المرعب الي هز بييت ابو كايد كامل:نورر!!
نور:ايشش!
كايد بصراخ:وش جاتس انتي انهبلتي !! تشككين فيني و برجولتيييي !
نور:وين الرجولهه ماكنت اشوفها يوم كنت واقف مع غلا ! هذه اكبر دليل انك رخمه
التفت كايد بقوه على نور وهو يوقف و يمسك رقبه نور و يخنقها
(انتهى البارت التاسع )
((تذكير راح ينزل البارت العاشر الساعه 9 بليل كونون جاهزين ابي حماسكم على هذه الجزء عشان ينزل لكم البارت العاشر قبل الساعه 9))
أنت تقرأ
ياكايد حبيت قلب ما يبغاني
Romanceروايتي الثانيه مكتمله ~كتبت بواسطه~ فضة بنت ابراهيم السلمان~ ✍🏻
