ابتسم الدكتور مهند:اللهم صل على محمد و ال محمد نسخه منك ماشاءالله
ابتسمت نور:شكرا دكتور
عقد الدكتور مهند حواجبه:شدعوه داخل وبرا الجامعه دكتور ؟
ضحكت نور
الدكتور ممهند:ناديني مهند وبس
نور:زي ما تحب مهند
ابتسم مهند :تسمحين لي اشيله
نور:تعرف؟
مهند:ايه بس ارفعيه
التفت نور ترفع ايهاب من سرير المواليد و التفت لمهند الي قرب وهو يشيل ايهاب ابتسم وهو يشوفه عن قرب
اخذت نور نفس عميق تزفره بهدوء وهي تشوف مهند شايل ايهاب و نظراته له و كيف يضمه بين يدينه و صدره
مهند:الله يجعله من الصالحين الهادين المهتدين
ابتسمت نور:اللهم امين
قرب مهند و رجع ينزل ايهاب بسريره التفت وهو يشيل الهدايا
مهند:سمي
نور:سم الله عدوك و يعطيك العافيه ماقصرت
فزت نور لما صرخ ايهاب يطلق بكائها في ارجاء الغرفه
نور:بسم الله الرحمن الرحيم وش فيه!!
مهند:استريحي استريحي
قرب يشيله بين يدينه يحاول يهديه , ابتسمت برتياح لما نجح مهند بتهدئه ايهاب و جلس وهو بحضنه
مهند:الله يكون بعونك عليه لسا باقي لك اخر اختبار و تسليم المشروع و حفل تخرج
نور:ما بيدي حيله
مهند:وش صار على زوجك
تنهدت نور بضيق وهي تنزل راسها و ترفع كتوفها تنطق :مدري ما رحت له اليوم
قرب مهند يحط يده على كتف نور:نور انتي قويه و طول عمرك سانده نفسك و واقفه جبل ما يهزه ريح وانا واثقه بقدرتك انك بتحضرين التخرج ونتي كالعادده جايبه A+ في الاختبار و المشروع
ابتسمت برتياح من كلام مهند الي زرع الطاقه الايجابيه فيها
____
ننظر للقابعه فوق السرير الابتوب و الايباد ورقتها و قلمها تصب كل تركيزها في البحث و الي راح تلقيه اما بنات جامعتها و تحاول تقفل على ماده الاختبار بنفس الوقت تدعي بداخلها يبقى نايم الين تخلص شغلها التفت اول ما حست بفتح باب غرفتها
هنوف :هاه يا ام ايهاب
ابتسمت نور وهي تناظر بايهاب النايم
هنوف:يعطيك العافيه انا باخذ ايهاب ابوي و خالي محمد يبون يشوفونه
نور:يلا و انتبهي له
هنوف:تمام ...و اذا بتنزلين البسي عباتك بهاء و حسين تحت
نور:تمام
مشت هنوف فيه وهي تطلع من الغرفه التفت نور على اتصال مهند
نور:الو مرحبا
مهند:مرحبتين هلا نور
نور:امرني؟
مهند:ما يامر عليك عدو...ودي اطمن عليك و على وضعك مع ايهاب
نور:الحمدالله ماشي حالي و اسوي المشروع الحاليا
مهند:يعطيك العافيه
نور:الله يعافيك
مهند:اجل ماودي اقطع شغلك
نور:مع السلامه
تنهدت وهي تتامل جوالها و اسم مهند على الشاشه طفت جوالها وهي تصفي ذهنها و تعاود التركيز بالاب توب
_____
نزلت من الدرج تلم عبايتها ابتسمت وهي تشوفهم متجمعين و محاوطين ايهاب و يلعبون معه
نور:ما بكى؟
العمه ايمان:لا طالع على امه هادئ
ضحكت نور تقدمت تشيل ايهاب وهي تقبل خده و و تنعش جسدها بعطره و ريحته الي كانت جزء من كايد بالنسبه لها
رفعت راسها وهي تناظر احمد
نور:ابي اروح المستشفى
ابو نور:ليه عسى ما شر تعبانه ؟
نور:لا بس ابي اتطمن على كايد
ابتسمت ام كايد
ابو كايد:نور تعرفين انو مافي زيك
ضحكت نور:ليه
ابو كايد:غيرك ..لو زوجها طاح بغيبوبه او جاه شي و كان في المستشفى ماراح تفكر ابدا راح تخلع زوجها و تتزوج غيره بس انتي رغم حملك و انك توك والد رحتي تشوفين كايد
نور:يا خال كايد مو زوجي وبس كايد زوج و اب و اخ و سند ... رغم المشاكل الي وجهتها مع كايد في بدايتي معه بسبب عصبيته و كرهه لي لانه كان يشوف انه مجبور انه ياخذني بس كان في انسان حنون مخفي خلف هذه الشخصيه العصبيه و الحمدالله اني وصلت لهذه الشخص و حبيته و عشقته و احمد ربي على حبه و احمد الله انو رزقني بثمره حبنا ...ايهاب
ضحكت اول ما صفقو جميع من في الصاله لكلامها
نوف:شي واحد ...الله يرزقني الي يحبني زي ما نور تحب كايد
ابتسم حسين:جاك ما تمنيتي
التفتو كلهم ل حسين عضت هنوف على شفايفها لما حست بشعور غريب داخلها التفت على نوف و ضحكت بينها و بين نفسها لما عرفت انو من قوه المشاعر الي داهمت نوف النتقلت لتوامها هنوف
حسين:ياعم ما اخفي عنك اني احب بنتك وانا خاطب بنتك نوف هلى سنه الله و رسوله
ابتسم ابو نور :الشور شور نوف هاه وش قلتي
نوف رفعت اكتافها و لسانها مربوط و ناظرت هنوف الي ضحكت
العمه ايمان:وش قالت يا هنوف
هنوف ضحكت:الف مبروك
حسين:يعني موافقه ؟
رفعت نوف نظراتها لحسين وهي تهز راسها بمعنى ايه
ابتسم حسين ابتسامه عريضه التفت على ابو كايد
ابو كايد:يبي لك كف على حركتك انك خطبت بدون لا تاخذ شورنا بس خير ما اخذت الف مبروك ياولدي
تقدم حسين وهو يبوس راس ابوه
حسين:العذر منك و السموحه و الله يبارك فيك
لجين:وااي كلكم بتتزوجون ماراح يبقى غيري انا و بهاء
بهاء:لا تعلقين امالك فيني
الجد فهد:ليش وش عندك يا بهاء
وقف بهاء :وانا يا عم اطلب يد بنتك هنوف على سنه الله و رسوله
ابو نور:وش قلتي يا هنوف
التفت على اختها بعد ما انربط لسانها
ابو كايد:يابوي انتو وش وضعكم كل وحده تجاوب عن الثانيه
نور:هم كذا من يومهم هنوف المتحدث حق نوف و نوف العكس
العمه ايمان:وش قالت طيب
ناظرت نوف اختها و ابتسمت
نوف:على البركه بدال العروس اثنين
سعد:قصدك ثلاث
التفتو كلهم على سعد
الجد فهد:انتو وش وضعكم كل واحد حاط عينه على وحده
الجده اعتدال:زوجنا نور و كايد و كلكم تبون تتزوجون من بعده
ابو نور:مين طلبت يا سعد
سعد:اطلب و اتمنى لجين زوجه لي على سنه الله و رسوله
ابو كايد:لا تستحين و قولي لا تصيرين بنات عمتك
ضحكت لجين:جاك ما تمنيت
الجد فهد:ماشاءلله عليكم كل عيال محمد اخذو بنات ناصر و بكر ناصر اخذ البنت البكر ل محمد
الجده اعتدال:السنه الي سكونها مع بعض خلت قلوبهم على بعض
ابو كايد:الله يجمع قلوبهم و يحننهم على بعض دايم
ابو نور:دايمه الضحكه
وجهه كلامه ل لمياء الي ابتسمت :تدوم يا عم
ابو كايد:وش سبب الضحكه
لمياء:ابد بس اخر العنقود و مميزه كلكم اخذتو عيال ناصر اله انا زوجه بكر وائل
نور:اف اف يا الثقه
لجين:حتى انتي زوجه بكر محمد
نور:ونتي بتصيرين زوجه بكر ناصر
ابتسمت لجين بخجل وهي ترفع نظراتها ل سعد الي ما شال عيونه عنها اساس
كانو يضحكون و يسوالفون و نظرات الحب بين عيال محمد و بنات ناصر مفضوحه
________
نزلت نور قهوتها بعد ما ارتشفت منها القليل رفعت كتوفها توجهه نظراتها لمهند
مهند:اول شي مبروك التخرج
ابتسمت نور:الله يبارك فيك
مهند:نور زي ما انتي عارفه انك الحين تخرجتي ونتي ام حق طفل صغير ابوه في المستشفى و ماتعرفين اذا بيصحى ولا لا
نور:المطلوب؟
مهند:ماعرف كيف اقولها لك بس يانور انا لي فتره افكر بهالشي و كنت دايما اقول بعد التخرج
نور:مافهمت وش كنت تفكر فيه
مهند:اني اجي اخطبك و تصيرين زوجتي على سنه الله و رسوله و ايهاب يصير ولدي و بحطه بعيوني
نور:ءء..بصراحه مدري وش اقول لك بصراحه يا مهند بس ...
مهند:نور انا احبك من اول مره شفتك حسيتك غير عن كل الطالبات في الجامعه قوتك و جرائتك حبك للعلم و التعليم دخلتي قلبي و اخذته موطن لك بس مادري وش صار بين يوم و ليله و رحتي من بين ايدي الى رجال ثاني .. بس يشهد الله اني ما نسيت حبك و للحين احبك و ابيك و اتمناك و لما شفت وضع زوجك قلت يمكن تكون فرصه لنا عشان نكون مع بعض ... خذي وقتك بالتفكير و ان شاءالله هالشهر بعد ما اخذ منك الجواب بجي اخطبك من بيت ابوك
قاطعهم رنين جوال نور
نور:تسمح لي؟
مهند:خذي راحتك
رفعت نور جوالها
نور:الو هلا نوف
نوف وهي ماسكه ايهاب الي صرخاته تصدي في جميع ارجاء منزل ابو نور
نوف:بس يا خالتي انت بس خلاص
رفعت جوالها لما ردت نور
نوف:الووو نور تكفين تعالي ولدك مو راضي يسكتت اخخخ يار اسي
فزت نور :طيب طيب جايه
قفلت الخط وهي تسحب شنطتها
نور:ايهاب يبكي و لازم ارجع البيت
وقف مهند و مسك يد نور قبل لا تمشي
مهند:نور! توعديني انك تفكرين كويس بكلامي ...يمكن هالشي يكون احسن لك و ل ايهاب
نور:بفكر و بستخير
مهند:شكرا
ابتسمت نور وهي تمشي بعجله ترجع البيت
__
دخلت وهي تمشي ل نوف
نور:يما ولدي بسم الله عليك بسم الله
نوف:اخخ يا راسي تكفين وضعه مو طبيعي هذه بكى ابو سنه ونص
نور وهي تمسح على راسه جلست وهي تفتح ازرارعبايتها تغذيه من ثديها و تحط الطرحه على كتفها
نور:وش صاير معه ليه يبكي كذا
نوف:كنت قاعد بالحوش و الجيران حسبي الله عليهم و كلب الحراسه حقهم قاعد ينبح و خاف بسببه و قعد يبكيي والله وضعه مو طبيعي
نور:يما ولدي بسم الله عليك يا عيون نور انت
نوف:الله يعينك عليه بكائها هستيررري
اخذت نور نفس عميق تزفره بهدوء لما رجع لها فلاش باك
-----
وقف مهند و مسك يد نور قبل لا تمشي
مهند:نور! توعديني انك تفكرين كويس بكلامي ...يمكن هالشي يكون احسن لك و ل ايهاب
__
مهند:نور انا احبك من اول مره شفتك حسيتك غير عن كل الطالبات في الجامعه
_
مهند:اجي اخطبك و تصيرين زوجتي على سنه الله و رسوله و ايهاب يصير ولدي و بحطه بعيوني
___
اخذت نور نفس عميق تزفره بقهر مرت سنه و كايد على نفس حالته تتمنى لو يصحى و يرجع لهم و لحياتهم الجديده برفقه ايهاب بلعت ريقها و حست باشواك الغصه تحس انها صارت بين نار حبها لكايد و لولدهم و بين نار حب مهند لها و حبه ل ايهاب قطع تفكير نور ايهاب الي نام شالته نور وهي تعدل ملابسها تصعد فيه الى الغرفه تحطه على السرير و تنسدح معه
___
وقف يمد الفنجال
سعد:سم
مهند:سم الله عدوك
سعد:سم يبا
ابو نور:بارك الله فيك
نزل سعد الدله يجلس حنب اخوه احمد
ابو نور:او ما ينور البيت بوجودك يا مهند
ابتسكم مهند:الله يسعدك يا عمي ...يا عم جيتك اليوم طالب يد بنتك نور على سنه الله و رسوله زوجه لي
عقد ابو نور حواجبه :نور؟
مهند:ايه نعم
ابو نور:الساعه المباركه و باذن الله اننا بنكلم نور و نرد لك خبر
__
وقفت نور وهي تسحب الفنجال
نور:ياعيني ياعيني الفناجيل ذولي ما يطلعون غير لما يكون عندنا ضيف ...مين جاء اليوم
ابو نور:ايه جاء مهند دكتورك يالجامعه قبل لا تتخرجين
توسعت عيون نور و رجع لها فلاش باك حق كلام مهند
نور:اييه و ليش جاء
ابو نور:خطبك
نور:خطبني انا !!
هز ابو نور راسه بمعنى ايه
ابو نور:نور انتي تعرفين انو ولدك ايهاب مهماى حاولتي تكونين له ام و اب راح يحتاج الى اب في حياته و كايد موجود و مو موجود بنفس الوقت بس يا نور عيني غير زواجك لاول من كايد انتي لك القرار الاول و الاخير بزواجك من مهند
ابتسمت نور :معليه بفكر و برد لكم خبر
ابتسم ابو نور:انتي ادرى يا عيون ابوك
ابتسمت نور وهي تجلس ترتشف من قهوتها و تمسح على شعر ايهاب و رجع لها فلاش باك
---
مهند:تصيرين زوجتي على سنه الله و رسوله و ايهاب يصير ولدي و بحطه بعيوني
______
ابتسمت نور
نور:السلااام
ابتسم مهند:ياهلا ياهلا والله و مسهلا يالله حيها
مشت وهي تسلم على مهند
نور:كيفك
مهند:توني اصير بخير بعد شوفه خطيبتي
ابتسمت نور وهي تمسح على يد مهند الي تحتوي يدها
نور:عيون خطيبتك
مهند:ابي اكلمك عن موضوع الملكه متى ودك تكون
نور:ماودي تصير الحين احس ايهاب للحين صغير و غير صداع الملكه ايهاب بيتعبني
مهند:يعني تحسين الين ايهاب يكبر اكثر
نور:ايه يعني الين يكمل سنتين او ثلاث اما وهو سنه ونص صعبه كثير
مهند:من عيوني تمام
ابتسمت نور:احب عيونك
مهند:على طاري ايهاب وينه
نور:تبي اجيبه؟
مهند:وحشني
ابتسمت نور و مشت متوجهه للصاله
نور:ايهااابي
رفع راسه يناظر بامه و يضحك
نور:تعال ياعمري
رفعته من الارض وهي تبوسه
نور:حبيب امك
مشت نور راجعه للمجلس دخلت و ابتسمت
مهند:هلا هلا ابوي هلا امي
اخذه ايهاب وهو يلعب معه و يضحك جلست نور و مسكت جوالها تصور ايهاب مع مهند عقدت حواجبها لما وصل لها اشعار امتلاء المساحه دخلت نور الاستيديو تسمح بعض الصور عمضت عينها من الالم تحاول تمسك دموعها بلعت ريقها و الغصه سكين وسط جوفها همست بشكل لا ايرادي
نور:وحشتني
التفت مهند على نور
مهند:لبيه ؟
نور:هاه !
مهند:تكلميني
نور:لا لا
مسحت ارنفه انفها تحاول تهدي نفسها ماتدري كيف صوره بس لكايد قدرت انها تخبص موازين نور ما كانت قادره تشيل عيونها عن صورته او عن مهند تشوف الفرق بينه و بين كايد مستغربه نفسها و التناقص الي هي فيه في بدايه زواجها من كايد كانت دايما تقارن بينه و بين مهند و انو اسلوبه ارقى و محترم معها و الحين بعد ما صارت خطيبه مهند تحس انها مشتاقه لكايد بكل ما تحملها الكلمه من معنى
نزل ايهاب على الارض وسع عيونه بصدمه لما فرد ظهره ب
مهند:نور شوفي ايهاب
التفت صدمه عليه وهي تشوفه واقف بخوف يتقدم خطوه وراه خطوه يشوف تشجيع نور و مهند له سرع خطواته بخوف يرمي جسده بحضن امه الي رفعته تقبل خده و تنطق
نور:يمااا ولدي بسم الله عليه
ضحك ايهاب وهو يحضن امها
تقدم مهند وهو يشيل ايهاب و يرفعه في الهوا
أنت تقرأ
ياكايد حبيت قلب ما يبغاني
Romansروايتي الثانيه مكتمله ~كتبت بواسطه~ فضة بنت ابراهيم السلمان~ ✍🏻
