ياكايد حبيت قلب ما يبغاني

البارت الثاني و العشرون

كانت يدينها على صدره وهو محاوط خصرها يناظرها ويشوف توترها من القرب بينهم يسمعون صوت خطوات رايحه جايه شوي و طفى النور عليهم بس صوت الخطوات قريبه
همست هنوف:فيني فوبيا من الظلام
بهاء :غمضي عيونك على ما نتاكد انو رجع الغرفه
غمضت هنوف عيونها وهي تضم بهاء مسح على راسها شوي و بدأ صوت الخطوات يبعد و يختفي نزل بهاء نظراته لها و شافها تضمه و واضح على ملامحها الرعب
هنوف بهمس: راح؟
بهاء: ايه بس انا ماودي اروح
فتحت هنوف عيونها و رفعت راسها و شافت نظرات بهاء لها تشوف عيونه تلمع ابعدت عنه و قالت وهي تعدل طرحتها على راسها: انا برجع الغرفه... الاندومي عليك بالعافيه مابيه
ابتسم بهاء و قال: تصبحين على خير
ابتسمت هنوف: ونت من اهله
مشت هنوف تاركه بهاء لوحده بالمطبخ واقف و كل تفكيره بطريقه حضن هنوف له عشان تحس بالامان من فوبيا الظلام
__________________
بنسوي سكب بسيط ثاني يوم على سفره الفطور كسر الصمت صوت ابو كايد
ابو كايد:هاه يابنتي وش قلتي موافقه ولا؟
الجد فهد:ايش؟ موافقه على وش
الجده اعتدال: ماجد ولد وائل متقدم حق لمياء
الجد فهد: ايش؟؟ وانا اخر من يعلم!!
ابو كايد: هذه انت عرفت
الجد فهد: ولد!! اعدل اسلوبك انا ابوك مو واحد من عيالك
جاء كايد على اصواتهم مشى و جنبه نور
كايد: عسى ما شر وش صاير
الجده اعتدال: ماجد متقدم حق لمياء
كايد: ماشاءالله تبارك الرحمن على البركه ياختي
ام كايد: بس للحين ماعرفنا هي موافقه ولا لا
لمياء: بصراحه مدري وش اقول بس... ماجد رجال شهم و حمر عين و ولد عمي و البنت..
سكتت لمياء و نزلت راسها
ام كايد: مالها اله ولد عمها
ابتسم ابو كايد: يعني موافقه
ابتسمت لمياء هزت راسها بالموافقه
زغرطت الجده اعتدال و قالت: الف الف مبروك
الجد فهد: بس!!... حمد لله وشكر
الجده اعتدال: فهد..
قاطعها الجد فهد: ولا كلمه
التفت على ابو كايد
الجد فهد: اجل صرت تاخذ قرار بدون لا تقول لي
ابو كايد: مو انا... بنتي الي اخذت قرار زواجها من ولد عمها و وائل اهو الي كلمني و قال انه يبي لمياء لماجد
الجد فهد: و ماعرفت تقول لي يعني
التفت ابو كايد على ام كايد الي همست: خلك هادئ و لا تسوي شي
اخذ ابو كايد نفس عميق و قال: خلي النقاش بعدين
الجد فهد وهو يضرب عكازه بالارض: اذا بمشيها مو عشانك عشان حفيدتي و حفيدي ولا غير كذا بيكون لي تصرف اخر معك... طول ما راسي يشم الهوا محد يتخذ قرار بدون علمي... سمعتي يا لمياء
لمياء بتوتر هزت راسها بالايجاب وهي تناظر اختها
الي مسكت يدها
وقف الجد فهد:الله يسد نفسك
مشى متوجه الى غرفته و صفق الباب بكل قوته
الجده اعتدال:ءء محمد
التفت ابو كايد الي كان يمسك اصعابه بصعوبه
الجده اعتدال: لا تزعل من ابوك هو بس...
ابو كايد: اشش... مو اول مره اسمع هذه التبرير
سكتت الجده اعتدال و ناظرت بكايد الي كان جالس بجناب نور بكل برود و ما يبدي اي رده فعل ناظر بـ لمياء و قال: لمياء لجين تعالو ابيكم
وقف كايد وهو يمشي و من وراه لمياء و لجين
دخلو المطبخ و وقف كايد و قال: الحين وش الي صاير بين ابوي و جدي
لجين: مدري وش صاير بالضبط بس سمعت زوج عمتي ابو نور يكلم عمتي ايمان و يقول
_______________________
ابو نور: الامانه حركه ابوي فهد غلط يوم انه قلل من محمد و تربيته
العمه ايمان: هذه ابوي بعد وش نسوي
ابو نور: ايه بس واضح انو محمد اخذ موقف من ابوي
العمه ايمان: الله يستر بس
ابو نور: تتوقعين محمد وش يبي من كايد
العمه ايمان: مدري بس وااضح انو شي ما يطمن
ابو نور: الله يستر
________________
كايد: يعني كلام ابوي كله بسبب جدي!
لمياء: ليش وش قال لك ابوي
كايد:
_______________
كايد: عسى ماشر يبا وش صاير
ابو كايد: عسى ماشر؟... ربي عطاك من الوقت 6 شهور
عقد كايد حواحبه
ابو كايد: اذا ماشفت ضنا من زوجتك ذي نذر علي اني لا ازوجك
كايد: ايش؟؟ لا اشوف الوضع صار لعبه!
ابو كايد: وصلك العلم 6 شهور نور ما حملت وضحى بنت عمك موجوده
كان كايد يرجف بغضب يحاول يمسك اعصابه
كايد وهو يرص على اسنانه : مايصير خاطرك اله طيب يبا
ابو كايد: ماتمشي غير بالعين الحمرا...قوم اذلف عن وجهي.. قوم!
________________
لجين: منجده ابوي يبي يزوجك الثانيه!
لمياء: لا لا! احس بس تهديد! مستحيل
كايد: بكل الحالات ماني متزوج
لجين: طيب كيف الوضع مع نور
كايد: ماقلت لها بس ان شاءلله تتيسر.... و بالنسبه لك يا لمياء الين يخف التوتر الي بين ابوي و جدي ان شاءلله نرد لماجد خبر و يجي يملك عليك
ابتسمت لمياء و قالت: تمام
ضحكت كايد و قال: عشناا ياعروس المستحيه خفي علينا
ضحكت لمياء قرب لها كايد وهو يحتضنها تحت ذراعه
لجين: وجع وانا!!
كايد: اقلبي وجهتس
لجين ميلت شفايفها و صدت
ضحك كايد وهو يقرب لها يحتضنها بين احضانه
لمياء: يع غيوره
لجي: ترا غرت عليك مو عليه
ضرب كايد راسها بخفه وقال: لا يشيخه
ضحكو كلهم مع بعض
___
مشت نور متوجهه للقسم الخلفي بتعب تمسك اسفل بطنها بالم تسند نفسها على الجدار التفت للمطبخ و اصوات الضحك منه قربت له و ابتسمت لما شافت كايد مع لمياء و لجين منظرهم اللطيف كلمت مشي لغرفتها و انسدحت على السرير تغطي نفسها بالبطانيه
__________________
عدى الصباح بدون احداث مهمه الظهر و بعد رجوع كايد من دوامه مشى متوجهه لغرفته حط اغراضه و رمى جسده المتعب على السرير التفت و ابتسم لما شاف نور نايمه جنبه قرب لها يقبل جبينها فتحت عيونها بنعباس و ابتسمت لما شافت كايد
كايد: صح النوم
نور: صح بدنك
كايد: وش جايتس نايمه من الصبح
نور وهي تمسح على عيونها بهدوء: مرهقه بشكل مو طبيعي مدري شفيني
كايد: ارهاق؟
اكتفت نور تهز راسها بالايجاب
كايد: تبين المستشفى
نور: مافيني حيل حتى اروح المستشفى
كايد: لاا اذا كذا قومي.... اكلتي شي
نور: من بعد الفطور لا
كايد: طيب قومي المستشفى
نور وهي تقعد على السرير: خلاص ماله داعي
وقفت و شهقت لما حست بدوخه و طاحت على السرير
كايد وهو يمسك نور: نور!!
نور مسكت بطنها و صرخت بكل قوتها من الم بطنها الفضيع
التفت كايد بتوتر لما سمع صوت الجده اعتدال تدق الباب
الجده اعتدال: كاايد!! نور! وش فيكم افتحو الباب
فتح كايد الباب
الجده اعتدال: شفيها نور!
كايد: مدري ماسكه بطنها و تصرخ
مشت الجده اعتدال و شافت نور الي كانت تمسك بطنها و تون بالم
مسكتها الجده اعتدال تحاول تفهم ايش سبب الم بطنها ركزت و انتبهت لبطنها كبير مسحت الجده اعتدال عليه باستغراب حاولت تهدي نور
كايد: ياجده خليني اوديها المستشفى
الجده اعتدال: لا ماينفع خلي الالم يخف و نعرف وش فيها بعدين نوديها المستشفى
كايد بتوتر طلع من الغرفه يحس بنبضات قلبه تزيد خايف على نور اول مره توصل لهاذي المرحله من التعب
يحاول يهدي نفسه. و يلتقط انفاسه
رجع دخل الغرفه و شاف نور على السرير و تمسك بطنها دموعها على طرف رمشها و تشاهق
كايد: هاه وش صاير
الجده اعتدال: خلها ترتاح الحين و بعدين نشوف
كايد وهو يجلس على الكنبه : طيب
وقفت الجده اعتدال تطلع من غرفه كايد و نور ناظر كايد بـ نور و قال
كايد: تعبانه؟
اكتفت نور تهز راسها بمعنى ايه
وقف كايد يمشي اتجاها جلس جنبها على السرير و هو يحتضن راسها لصدره يقبل راسها و يخلخل اصابعها بشعرها الناعم حضنته وهي تشاهق و بدون لا تحس غفت عينها و نامت
_____________________
ثاني يوم الصباح صحى كايد و شاف نور نايمه على صدره بهدوء و ملامحها الناعمه قبل راسها و هو يحاول يقوم من السرير بدون لا تصحى مشى متوجه للحمام يتروش و يجهز لدوامه لبس بدلته و طلع من الحمام و شاف نور للحين نايمه مشى لها وهو يبوس جبينها همس بهدوء
كايد:نور
فتحت نور عيونها بتعب و قالت:هممم
كايد:قومي افطري
نور:نفسي مسدوده
كايد:من امس ما اكلتي شي قومي يلا
نور:ماابي
اخذ كايد نفس عميق وهو يزفره
كايد:يعني ماراح تقومين
مادرت نور عليه
قام كايد و طلع من الغرفه مشى متوجه للمطبخ
كايد:يا صباح الخير
ام كايد:صبحك الله بالنور ياولدي
كايد:يما حطي لي فطور من الحين
ام كايد:ماراح تفطر معنا؟
كايد:لا والله مستعجل
ام كايد:ابشر دقايق و اجهزه
ابتسم كايد:لا خلى ولا عدم منتس ياتاج راسي
مشى كايد متوجه للجلسه الخارجيه مشى يسلم على الجد فهد
كايد:ليش لوحدك ياجد
الجد فهد:ماعاد لي قيمه
كايد:لا ياجد محشوم يابو محمد
الجد فهد:لا تقول لي ابو محمد!!
كايد: ياجد
الجد فهد: اذلف عن وجهي!!
اخذ كايد نفس عميق وهو يزفره مشى تارك الجد فهد و رجع للمطبخ
كايد: هاه يما
ام كايد وهي تاشر على الصحن: هذه يما
دخل كايد و باس راس ام كايد و قال: يعطيس العافيه
ام كايد: الله يعافيك ياولدي
اخذ كايد الصحن و مشى رجع فيه لـ نور دخل الغرفه و حطه على الطاوله
كايد: نور
نور: ياربيي كايد خلاص قلت لك مابي
قرب لها كايد وهو يمسك كتفها: و بعدين يعني... لازم تاكلين
نور بتذمر: مابي
شالها كايد و قال: راح تاكلين يعني راح تاكلين
تعلقت نور فيه وهي تون بتعب
قعد كايد على الكنبه و نور بحضنه و راسها على كتفه اخذ كايد من الفطور
كايد: يلا كلي
نور: لااا
كايد: بنت! يلا
نور بتعب فتحت فمها تاكل
كايد: ايواا... يلا كملي الصحن
نور: افف ياربي
كايد: شلون تبين تتعافين بدون لا تاكلين يا بابا انتي لازم تاكلين افهمي
نور: طيب طيب خلاص باكل
ابتسم كايد وهو يمسح على راسها
كايد: شطوره يلا انا رايح الدوام
نور: انتبه لنفسك
كايد: ابشري
باس كتفها و قال: استودعتس الله
طلع من الغرفه مشى متوجه لدوامه
__________
في الجلسه الخارجيه كانو كلهم قاعدين و كان السكوت سيد المكان كسر الصمت ابو نور الي سأل
ابو نور:ايمان ..وين نور
العمه ايمان:ماعرف بس من امس تعبانه
الجده اعتدال:اله صدق هي بالعاده تجيها الالم ببطنها
ابو نور:لا !
الجده اعتدال:امس كانت ماسكه بطنها و تصرخ من الالم
ابو كايد التفت وهو يناظر ام كايد و من النظرات فهمو على بعضهم و حطو في التوقعات حمل نور
وقف ابو نور و قال:أنا رايح أشوفها
مشى ابو كايد متوجه لغرفه نور و كايد دق الباب بحذر فتحه و عقد حواجبه لما شاف نور نايمه على الكنبه و قدامها صحن الفطور فاضي
مشى ابو نور و قرب لنور وهو يهمس
ابو نور:نور ...نورر
فتحت نور عيونها بإرهاق :همم
ابو نور:شفيك ياعيون ابوك انتي
نور مسكت بطنها:تعبانه
ابو نور:طيب قومي أوديك المستشفى
نور بتعب :لااا مابي
ابو نور:طيب قومي ...اكلتي
نور اكتفت انها تهز راسها بمعنى ايه
ابو نور:يلا قومي
و مسك يدها وهو يقومها قامت نور وهي توقف فز ابو نور يرعب لما داخت نور و تمسكت فيه
ابو نور؛نور!!
نور مسكت بطنها و قالت بالم :اهخخ
ابونور :وين عباتك
اشرت نور على الشماعه
ابو نور سحب عبايه نور وهو يغطيها حاول يساندها و يمشي فيها
ابو نور :سعد !!
فز سعد :سم يبا
ابو نور :تعاااال!
ركض سعد متوجه لمصدر صوت ابو نور توسعت عيونه بصدمه لما شاف ابو نور ماسك نور الي كان مغمى عليها بين أياديه
ابو نور :روح شغل السياره بسرعه
ركض سعد راجع الجلسه الخارجيه سحب مفاتيح سيارته
ابو كايد :سعد وش بلاك !!
ما رد عليه وهو يركض طالع من البيت ركب سيارته و وقف ورا البيت دخل من المدخل الخلفي الموجه لغرفه نور رجع سعد وهو يسحب عبايه نور و ساندها مع ابو نور و مشو للسياره ركبو و راحو متوجهين للمستشفى
————————
في المستشفى
فتحت نور عيونها ببطئ التفت من يمينها و يسارها و استوعبت وجودها بالمستشفى عقدت حواجبها لما وصل لـ مسامعها صوت الممرضه :حمد الله على سلامتك
نور:الله يسلمك
الممرضه:نور ناصر ال سراج؟
نور:اي نعم
الممرضه:الف مبروك ...انتي حامل
فزت نور وهي تناظر الممرضه :ايش !
الممرضه:انتي حامل باسبوعك الاول و جسمك مرهق من الحمل و تغير الهرمونات انتبهي لنفسك اكثر و لـ أكلك
نور:مين جابني هنا
الممرضه:أتوقع ابوك ...ناصر ال سراج
نور:طيب وينه
الممرضه مشت تفتح الباب :ناصر ..تفضل
دخل ابو نور الي مشى متوتر و مستعجل لنور
ابو نور:نور... وش فيك يا بابا ليه بطنك يوجعك
نور ناظرت بالممرضة
الممرضه:الف مبروك ..نور حامل
فز ابو نور:كيف !!
ابتسم ابو نور ووهو يناظر بنور الي كانت تبتسم و تناظر بطنها
الممرضه وهي تفك ابره المغذي
نور: اقدر اطلع؟
الممرضه: ايه خلاص تفضلي
قامت نور وهي توقف تعدل طرحتها على شعرها مشت مع ابو نور و قالت
نور: كم الساعه
رفع ابو نور يده يشوف ساعته ابو نور: ١٢ الظهر
توسعت عيون نور بصدمه وهي تتحسس جيب عبايتها
نور: وين جوالي
ابو نور وهو يركب السياره: مدري
ركبت نور و قالت: بابا عادي استعمل جوالك
طلع ابو نور جواله و قال: سمّي ياعيون ابوك
ابتسمت نور وهي تفتح جوال ابوها تطلع رقم كايد رفعت السماعه تنتظر جوابه؛ كان يسوق سيارته راجع لبيته رفع جواله لما وصله اتصال ابو نور عقد حواجبه باستغراب رفع الساعه وهو يقول
كايد: الو سمّ ياعم
توسعت عيونه بصدمه لما وصل صوتها الانثوي لمسامعه
نور: كايد.. وينك
كايد: نور؟ انا راجع البيت...فيك شي؟
نور: ءء اليوم الصباح كنت تعبانه و ابوي وداني المستشفى
كايد: نعم! و ليش ما اتصل
نور:ءء كايد
كايد:وش قولي شفيك
نور:كايد انا حامل
كايد:ايش!!....حامل ! نور منجدك ولا تستهبلين
ضحكت نور و رفعت عيونها و شاف كايد ب السياره المقابله لها يبادلها النظرات و شافته ينزل من سيارته يمشي بعجله متوجه لها فتح الباب يحتضنها بكل قوته و يقبل كتفها ضحكت نور تحضن كايد بمنظر ادخل مشاعر متضاربه قلب ابو نور ابتسم وهو يشوفهم مع بعض
دخلو للبيت و استقبلهم سؤال الجد فهد
الجد فهد:وين كنتو
ابو نور:اولا السلام عليكم ثانيا تونا راجعين من المستشفى
العمه ايمان:عسى ماشر !
كايد:ماشر ابشركم..نور حامل
شهقو بصدمه
الجده اعتدال:على البركه
ابتسمت نور الي كانت واقفه جنب كايد :الله يبارك فيكم
هنوف:يمااابيصير خاله
نوف: و انا بعد
سعد:دقيقه الحين نور بتصير ام
نوف:اسالني عشان اقول لك انو حتى انا مو مستوعبه هالشي
ضحكت نور و قالت:معليه هالمره بصير ام
التفت سعد للعمه ايمان و قال :يما بتصيرين جده
فزو كلهم لما شافو العمه ايمان منزله اسها و تبكي
سعد:يمااا
شهقو هنوف و نوف وهم يحاوطونن العمه ايمان
هنوف:لا مامي بليز كلشي ولا دموعك
لمياء :شسالفه
كايد:سلامتك نور حامل
لجين :على البركهه...عقبالك لمياء
لمياء:وجع ما تزوجت عشان احمل
لجين :مستقبلا
كايد :حمدالله و شكر طيب و انتي لجين متى يجي دورك
لجين:لااا بسم لله علي توني بدري علي
لمياء:تراك اكبر مني
كايد:لا خليها لامي تساعدها بشغل البيت
لمياء:اي صح
لجين :ايه خلوني اساس للحين ماشبعت من امي
لمياء:ياربي حيوانهه...المهم نوررر على البركه
نور :الله يبارك فيك
التفت كايد على الجد فهد الي كان ساكت و بدون لا يبدي اي رده فعل
كايد:جدي
الجد فهد:نعم
كايد:ماودك تقول شي
الجد فهد:مبروك لك و لزوجتك
كايد :الله يبارك فيك
الجده اعتدال :كايد روح انت مع نور داخل خلها ترتاح
الجد فهد:ايه و انتبه عليها ..مو ناقصين ورانا فرح لمياء
كايد:ابشر ياجد
نور :كايد
همس كايد:امشي ياعيونه امشي
الجد فهد:محمد
ابو كايد الي كانت على وجهه ابتسامه الانتصار :سم يبا
الجد فهد:ل اول مره تثيت لي العكس
ابتسم ابو كايد وهو يناظر ام كايد الي كانت مبتسمه
___
عند نور و كايد
كايد فتح الباب لنور وهو يمشي وراها بحذر جلست نور على السرير و ابتسمت تناظر كايد الي كان واقف على التسريحه ينزل ساعته رفع عيونه للمرايه الي عكست نور من وراه ابتسم و قال :شفيك
نور مسكت بطنها:تتوقع بنت و لا ولد
كايد:تونا ما قلنا يا هادي بس بكل الحالات بنت ولا ولد اهم شي انه منك
ابتسمت نورو قالت :كايد ..احبك
كايداحبك و انتي بالحب تكفيني احبك
احبك و انتي هوى روحي و مناها
احبك و انتي ضحكت سنيني احبك يا عيون الكون و سماها
_______
نورعيونها امتلت دموع
كايد:لا لا لا ياعيون كايد انتي ليه الدموع يا ابوي
نور وهي تمسح دموعها:لا لا مافيني شي بس الحمل يخليني عاطفيه
كايد:توك اول شهر
نور:و لا بعد اول اسبوع
كايد:الله يعين قدامنا 9 شهور
نور وهي تمسك بطنها:الله المستعان يابو ايهاب
كايد:اي والله يا ام ايهاب
_____
بنسوي سكب عدت اياام بدون احداث مهمه في بيت ابو ماجد
دخلت ام ماجد غرفه ولدها وهي تزغرط تعبر عن فرحتها بولدها
ابتسم ماجد الي كان يعدل شماغه و قال: تو الناس على الزغرطه يما
ام ماجد: لا تو الناس ولاشي خلني افرح فيك انا ماصدقت اشوفك عريس
مشى ابو ماجد مستعجل و قال: يلا بسرعه الشيخ بالطريق لبيت ابو كايد
ام ماجد: يلا بس بروح اشوف البنات و بلبس عباتي و بطلع
ماجد: يلا اجل انا و ابوي بالسيارة
مشت ام ماجد تدخل غرفه بناتها
اسيل كانت تطبل على الطاوله و تغني :
مباركه عرس الاثنين ليله ربيع عين و قمرا
و الي جمع بين قلبين الله يطول بعمره
رنيم:عااشو
بدورهلا والله
ام ماجد:بنت !! بنت انتي وياها يلا بسرعه اخوكم و ابوكم برا
اسيل:امبيهه يلا بسرعه لا نتاخر على العريس
بدور:يلا بسرعه
بدو البنات يلبسون عبيهم و نفس اشي عند ام ماجد و ركبو السياره متوجهين الى منزل ابو كايد او نقدر نقول بيت العرووس
________
في بيت ابو كايد وقفت هنوف وهي تعدل لكحل بعين لمياء و قالت :يالبى عروستنا مزهه
لمياء :صدق بالله عليك كيف
لجين :ما تغير شي شينه من يومك
نوف:لجييين وجعع
هنوف :حرام عليك والله انها مزهه و ترا شغل يدي
لجين:حمدالله و شكر شفيكم انا و لمياء كذا كلامنا عكس
نوف:مهبل
هنوف:اقول بس جيبي الشوكولاته حقتي
لمياء:يا امي بس خلصتي علين الشوكولاته
لجين:هاذي اذا تزوجت مهرها كرتون كندر
ضحكت لمياء تضرب كفها بكف لجين :بالضبط اذا انتهى كرتون الشوكولته من بيتهم بعد الزواج انتهى العقد
هنوف :وجعع خير
نوف :اقول بس حدكم عن اختي
لجين :نمزح ترا
هنوف:خذي ارفعي هرمون السعاده
ضحكت لمياءتفتح فمها للشوكلاته من يد هنوف
دخلت ام كايد :لمياء :يلا عمكم وصل
فزو البنات
نوف سحبت الروج تعدل روج لمياء
لمياء :يمااا بنات تكفون
لجين:بطلع اشوفهم
هنوف :دقيقه انتظري
لجين :وين نور
لمياء :مدري
لجين لبست عبايتها و قالت بروح اشوفها
هنوف :يلا بسرعه
___________
عند نور ابتسمت اول ما شافت كايد من وراها بشماغه و ثوبه
نور :الله ابو ايهابي مزيون
كايد:مو بزينك يالبى قلبك
نور:بالله صوره
كايد:ضحك كايد و قال :يلا
نور فتحت الكاميرا تصور و كايد بخلفها اول صوره تحتضن ثلاث افراد نور و كايد و ايهاب الي كان للحين بين احشاء نور ابتسمت نور تنزل الجوال و وقفت على اصابع رجلها تبوس خد كايد
رفعت الجوال اول ما وصلها اتصال من لجين
نور :لبيه
لجين :نوري حبيبي وينك انتي عمي وصل
نور :يلا شوي و بطلع
لجين :تمام يلا
قفلت الخط
نور :يلا عريسكم برا
كايد :يلا تمام
_______
في مجلس بيت ابو كايد مد الفنجال ل ابو ماجد
بهاء:سم ياعم
ابو ماجد:سم الله عدوك
جلس بهاء جنب ابو كايد الي التفت وهو يسال
ابو كايد:وين كايد
بهاء:مدري
التفتو لما دخل عليهم كايد المجلس و ارتفع صوته ب السلام
كايد :السلام عليكم و رحمه الله و بركاته
ردو السلام دخل كايد وهو يجلس جنب ابوه و اخوه
ابو كايد:يا حي الله ابو ماجد تو ما زارتنا البركه
ابو ماجد :الله يحيك و يبقيك يا خوي جيت اليوم و بخاطر ولدي ماجد كلمتين وده يقولها لك
ابو كايد:اسلم يا ابو وائل
ماجد:والله ياعم جيتك اليوم و احنا مب غراب عن بعض و ودي ازيد القرب و بينا و اطلب يد بنتك لمياء زوجه لي على سنه الله و رسوله
ابو كايد:والله الساعه المباركه ياماجد و راي البنت من راي ابوها و انت رجال و النعم فيك و ينوثق فيك
ماجد توسعت عيونه بفرحه ابتسم وهو يناظر ابوه و رجع يناظر ابو كايد :يعني موافقه
ابتسم ابو كايد و قال :ايه
فز ماجد بفرحه و التفت و قال :بس يا عم ....قبل لا املك عليها ابي اشوفها
ابو كايد:اكيد هاذي ابسط حقوقك
_____
عند البنات
دخلت نور عليهم وهي تقول
نور:هاه يا بنات وش سويتو
لمياء: حمد الله على السلامه ... مو مهم بالله نور شرايك ب مكياجي
لجين:قلنا لك حلو
هنوف:نوف تعالي عدلي الكحل
نوف:خليني اخلص من نفسي
لجين:طيب ترا تقدرون تصيرون وحده عن اثنين
نوف و هنوف :كيف ؟
نور:بدون تعب الي تحب العزايم فيكم تطلع تسلم مرتين على الحريم المره الاولى على اساس هنوف و الثانيه على اساس نوف
هنوف:تصدقين قد سويناها
لمياء:يا ام الشوكولاته عطيني وحده احس سكري نازل
ضحكت هنوف:ابشري
نور:شدعوه
لمياء:تكفين احس قلبي بيطلع مع صدري
فزت لمياء برعب اول ما سمعت صوت ابوها وهو ينادي
ابو كايد:لميااء
فزت لمياء برعب:يماا
دخلت ام كايد :لمياء يلا قومي بسرعه
لمياء:ليه وش صاير
ام كايد:ماجد طلب يشوفك
لمياء: :ليه !
ام كايد:وش الي ليه يبي يشوفك
لمياء:طيب كيف اشوفه
مشت ام كايد تسحب الطرحه و تغطي لمياء فيها
ام كايد:يلا امشي بسرعه
مشت لمياء مع امها و وقفت عند باب المجلس
وقف كايد بعد ما طلب من ابوه الجلوس مشى متوجه لباب المجلس ابتسمت وهو يمسك يد لمياء و يدخلها للمجلس
لمياء:السلام
ابو ماجد:وعليكم السلاام ياهلا بالعروس
رفعت عيونها بخجل و طاحت عينها بعين ماجد الي كانت تلمع بفرحه الحلال الي كان ينتظرها بفارغ الصبر
ابو كايد:يلا يا وائل مشينا
(انتهى البارت الثاني و العشرون)