بأسمه تعالى
قراءة ممتعة لاتنسون تصويت ⭐
وتعليق على الفقرات
وانتـة مابيـن ازدحامات الشـوارع
و الـدرابـين القديمة
التـاخذك مـدري ويـن و مدري ألمن
تضيـع يومية بـطريق
تضيـع كلك
تنـشد النـاس الغرية ؟؟
المايعـرفك منهـم أحـدد!
بلـكي مريت بدربهم...؟
بلكي صدفـة؟
سداه منة و مسح على وجهة و الاستغراب و دهشة بنظراتة
ام ثمار: ياهو هذا شعدك انخبصت
ابراهيم:حجي طه
ام ثمار : وشعدك وياك
حجة و نظراتة علية : يردون مرة منة و گتلهم تفضلوا
عدلت گعدتها عمتي و رجعت اللگمة الجانت بيدها للماعون متعجبة تباوع لأبوي
ام ثمار: بيت حجي طه متأكد؟
أبراهيم: اي متاكد ابنهم الجبير توة اتصل
ام ثمار: شدلاهم شعرفهم بينة
أبراهيم:شني شعرفهم غير اني اشتغل بمحلهم
ام ثمار: ماتخطر على البال هاي بيت حجي طه صوت و صيت يجون علينة
أبراهيم:وليش مستهينة بية شني ماعجب
ام ثمار:لاا بس اگول شعجب شجابهم علينة
أبراهيم :هسة عوفينة باجر راح يجون حضرن روحجن
حجت عمتي وعينها علينة : ما گالولك منو يردون
أبراهيم: ومنين يعرفون بناتي جاين على مرة وگبل
ام ثمار : خوش نشوفهم ان شاء الله خير
بقت عمتي تباوع لثمار و تبتسم بس ذيج وجها صوفر و توترت اني هم خفت بس لا تصير صدك و تدبس براسي
بس اكيد من يشوفون ثمار مايگلبوني فكة طلع لسماري فائدة ..
طلع ابويه و عمتي گابلت ثمار و تحفلها و تعدل بوجها لميت اماعين العشة و غسلتهن و سويت جلي نطيتها
ودخلت للغرفة مستوحشة البيت بدون ماما خنگة من تروح لخوالي شلت فراشي ورحت يم عمتي
انام يمهن اخاف انام وحدي وهنة ليل كلة يهذرن غمضت عيوني رغم داخلي مغتاضة
ما مهتمة للزواج و الارتباط اميل لدراستي اكثر بس هم احس اكو نقص بية من اشوف كل العيون على ثمار
ليل كلة مانمت ضليت احوس لان نايمة ظهر حسيت حركة يمي رفعت راسي على كيف
شفت ثمـار تجـرجر بمبايـل عمتـي
على كيفها ضمـتة بصدرها و طلعت تـختل
غلـست عنـها مالـي خـلق اتورط وياهة سـوالفها هواي و سهلة عليها تذبها براسـي
أنت تقرأ
نادمة عليك || باللهجة العراقية
Romanceلا جنح لـي يكسر تهتز أرضي ولكـن لا اعطي قلاعـي حتى لو مر يوم من بعـد جرحي اهشم سعادتكـم البـاهتة مـن يتركني في منتصف طريق اتركه في قاع لا نهاية له قصـة تبـدأ بإهانة كيان أمراة لا طالما قدمت الكثير لتقع تحت مخالب الطمع تسرق منها احلامها فجأة ...
