نادمة عليك || باللهجة العراقية

البـارت الحادي عشر

مرحبا قرائي لاتنسون التصويت ⭐و تعليق ..قراءة ممتعة

"بأسمه تعالى "

#نادمة_عليك
الكاتبة:فدك فاطمة
.
.
مـن تقـوي گلبـك وانتـة مجروح
مامهتـم تبين وانتة مهتـم
من تبتسـم بس بداخلك نـوح
الدمـوع اباب عينـك سكتة تلتم
وراهـا تعيش لكـن گلبك يموت
واحسـاسك الطيب يبدي يفهم
.
.
يـوم جديد بعائلتنة الشاخطة على گولة رغد وصايرة ماتنعرف

امي شادة وية عمتي لا تشتغل لا تصرف سوت المسواك نوبة مرة علينة مرة عليها وابوي هم ماعندة صرفلة الموضوع مرتاح

عمي اجانة من صبح يطلب عمتي فلوس يريدهن اخذتهن منة من العام وهية صايرة ملطشة للرايح وجاي من ورة ثمار نطلبت شكد فلوس

هدرت التمن مرتكية على باب المطبخ اسمع صياح عمتي تعارك ماخلت واحد ما شتمتة
صارلها بالشهر تمشي و تربد بالحياطين من قهر

نفتح باب المطبخ دخلت ثمار تمضحك وصلت يمي جرت خدي باستني فرحانة

مدار:يييع دوخي شهل لعبان نفس
ثمار: فرحانة ماتعارك وياج اليوم

ام ثمار:فرحااانة ولجج الدايحة ولج لحگيلي خالج وكف بالباب يريد فلوسة منين اجيبلة

ثمار:اهوو ماما  تصيحين يومية بنفس السالفة گليلة اصبرلي شهر هيج ودزيهن الة

ام ثمار:ومنين اجيبهن ولج من ورث ابوج الراح وخلاني يعلة مارتاح

هزت ايدها و دخلت سمحبت عمتي للغرفة تشاور بيها دخلن و نگطع حسهن بعد صار اجتماع داخلي

بالليل عمتي تضحك و تسولف ردت روحها و ثمار تتمركص يمهة صارن دهن و دبس سوة
وهنة صارلهن بالشهريين يومية گابة عيطتهن

امي و ابوي مو هنا راحو للزيارة وياهم رضا عمتي رادت تروح ابوية گللهة دفعين كروتج بطلت

اول مرة يطلعون بدونها خفت يصير عليهم شي من دعاويهة بس مبين نست السالفة من ورة حجي ثمار وياهة

خليت العشة و شغلت تلفزيون اگلب بالقنوات وهنة يبسبسن بينهن ماهتميت سويت روحي ما اسمع

ثاني يوم رجعو اهلي عمتي تلگتهم بذيج السوالف و الضحك حتى امي انصدمت

بالليل عمام ثمار اتصلوا على ابوي گلولة جايين خطابة لثمار وناس مدلينهم علينة اسأل انتة على ولد وشوف شتصرف انتة خالها وربيتها و وشورها بيدك

ابوي هز ايدة گالهم ماعدنة مرة لزواج مانريدة ردولهم خبر انتم   كل ابالة ثمار تكمل دراسة ما تزوج  حتى ما گال لعمتي

ثاني يوم گاعدين بالمطبخ اني و امي نقلم بانية و عمتي تحوك وحدهة على جهة

رزق:عيني ام ثمار شو لا حجيتي لاگلتي خطاطيب ثمار كثرانة