نادمة عليك || باللهجة العراقية

البـارت التـاسع

"بأسمه تعالى "

#نـادمة _عليك
الكاتبة:فـدك_ فاطمة

مـن وعـيت وانـي ضـايع
مـاكو عـنوان اعـتنيله
ولااكـو وحد دگلـي صـدره
وگال ذب حمـلك واشيـله
بيه حـزن الناس كـله
وعينـي بالدمعـه بخيله
وهمـي ماسولفته لاحـد
خاف يحسبنـي
اشتكيله ..
.

.

احس برودة بشرايني مغمضة عيوني مستمتعة بهذا شعور شي يزحف وية دمي ماريد افتح عيوني

حسيت بأيد تمسح على راسي اعرفها امي رغم ضعفها و خوفها بس دومها وياي ماتعوفني

رزق: امي حبيبتي فتحي عينج خليني اشوفج

ام ثمار: ختوللي الساقطة نزلت روسنها يعلها ماتهنت بيوم

رزق: بس اسكتن انتن لا دعن عليها خل تگعد ونفتهم منها

ثمار:شنوو خالة شتفهمين ما شفتي الولد خطية شلون مدمر من وراها عود عزها و رزها وتالي جابت طيحان الحظ

رزق:امشي ثمار جفيني شرج انتي و الوياج طلعن برة

فتحت عيني على صياح امي هية محترك گلبها وهنة يزيدن عليها استخطيتها
عيوني مورمة ماگدر افتحها حيل شوية شفت بس ضوة و سگف ابيض كدام عيني

عرفت روحي بالمستشفى المغذي بأيدي وعيني على قطرات المحلول وحدة وحدة تنزل و تسري بشرايني

صوت ثمار تسولف وية امها جان مثل الصفير المزعج بأذاني يستفز كل خلية بجسمي

بس ما اگدر اتحرك ماعندي طاقة اريد ارفع ايدي احسها صلبة حيل بطني توجعني كلش

رجعت غمضت عيوني بتعب فترة وعيت على شي يخترق ايدي ماريد احجي و اگوم

متخوفة من حجي ناس من ذنب المالي اي ايد بي تعبانة ماگدر ابرر و احجي و اتوسل اريد اختفي

لو اجاوز هاي الايام بلحظات سمعت صوت ابوية يگول لأمي سجلتلها خروج ويالله نطلع

هية تعترض اسمع نقاشاتهم بس ماعندي طاقة اتفاعل گومتني امي گوة حسيت برودة السيراميك جوة رجلي

امي خلت شال على راسي امشي وياهة مبنجة بدون راي و لا ردة فعل ..صعدنة بالتكسي

عيني على ابو السيارة يباوعلي من جامة عاقد حواجبة واني اتلافة اباوع لروحي من نظراتة حسيت منظري كارثي

وصلنة للبيت رضا جان گاعد برة مخلي مخدتة بحضنة ومنتظر بالباب بس شاف امي ركضلها

ابوي عافنة بالشارع ودخل ضلت امي تمشي بية دخلت للبيت جان الاستقبال كلة جهال و نسوان اعمامي بالصالة گاعدات

بناتهن بالمطبخ اجن يسلمن على امي بوجوهن بس شماتة و ضحك ..دخلت للغرفة

ذبيت ثگلي على الفراش ورجعت نمت نوم ما غادر عيني مادري من وجع لو مسكنات