نادمة عليك || باللهجة العراقية

البـارت الخامـس

بأسمـه تعالى

مرحبا قرائي لاتنسون التصويت⭐ وتعلق واتمنى الكم قراءة ممتعة

#نـادمة_عليك
كاتبة:فدك فاطمة
.
.
أخـذني بگليبك سوالـف
أخذني بـعيونك حچـي
لـو ثگل حزن الليـالـي
اوگـع بـ خدك بجي

.
.

شـريف الديـن: ماصار شي على كيفج لاتعورين

شال عيونة علية يالة انتبهت لروحي سحبت شالي و رجعت للمطبخ رجلية طگ وحدة بوحدة

گب وجهي من فشلة واني اسمع صوتة يحاجي بأمي و علي يستفسر شكو و شبية رجعت

سديت البردة مال المطبخ و شفتة من طرفها واكف ينكث بملابسة شگد فشلة ثول شجاني
نحنت امي تريد تلم الكزاز ماخلاهة و دنگ هوة يلمة

علي: شبييك انتة ماتشوف
شريف الدين: اعصابك لا تنفجر علينة الكوتاوية مابيها شي
علـي: حرجت مرتي هسة شيرجعها بعد
شريف الدين: اجتها من الله هوة انتة ياهو ليتحملك
علي:هم انعم الله عليك

امي ضحكت على سوالف وضلت تعتذر منة رجعت دخلت خازرتني :العوبـة

مدار: شـسالفة يمة بعد نفتحت حنفية الرزايل
رزق: طلع طلع السان رغد بس تضل يمج تشوشج
مدار: سكتت يالة

رزق: يالة سوي جاي و روحي لرجلج شتلتي الولد
مدار: وهذا رجال هنا شلون ادخل
رزق : مو غريب اخو سلمي عليه وهوة گاعد بالحديقة و دخلي يالة ماما شگد فاهية

هزيت راسي نداريت طلعت قوري خليت حاي على نار و طلعت چان محد بالحديقة خفت ادخل مرة ثانية والگاه هنا

شگد اكره هاي السوالف تقدمت للباب مديت راسي محد جان بس علـي گاعد و مبين الملل عليه

مدار: السلام
ندار اليه و ابتسم :يا اهلا وينج تبيعين ثگل
مدار: لا بس استحيت من اخوك

اشرلي اجي يمة اخذت نفس رغد امس تمشي وتوصي گالتلي ابقي على طبيعتج و حاولي تتفاعلين ويا واذا هوة فطن راح يلگطها واذا لا ضلي سايري

گعدت بصفة اخذ ايدي باسهة واني اجرجر بيهة من مستحة وجهي صخن ضليت اتلافت لا امي تجي

عـلي: من يمي دخت اثبتي شبيج
مدار: حباي لاتسوي هاي الحركات
علي: انتي شبيج جنج صبه

ضحكت من توتر و حجايتة ضحك على ضحكتي ورجع شعرة ليورة:شگد فطيرة
مدار: مـ.مو صبة بس متوترة

علي:ريلاكس بيبي ما اكلج تصرفي عادي
مدار: اي خوش
علي:طلعي لسانج وينة جنتي ماكلتني بالحجي

عرفتة يقصد ثمار طبعاً احترافية الثمرة الجايفة شيلحگها بسوالف و حجي

مدار: ءء شسمة متوترة لان اول مرة اشوفك هيج استحي
علي: امم عرفتج شگد شلعتي گلبي وماترضين اشوفج
هزيت راسي مد ايدة رفع وجهي الة مبتسم واني نظراتي ماحطهة بوجهة اتفاداه