نادمة عليك || باللهجة العراقية

البارت العشرون

مرحباً قرائي لاتنسون التصويت⭐و التعليق و أتمنى الكم قراءة ممتعة

.
.
حگـهم من يـحسدونه..!
اذا عـاشگلي انا انسـان
بشـر لو گابل مـرايات..
يحـسد روحـه بعيونـه..!

.
.
گاعدة بالصالة وعنان بالمطبخ يسوي كهوة عربية وهية تلعب نفس اصلا بس عود شنو هوة يستحمل المر

رابطة موبايلي على البلازمة ومشغلة اغنية بأعلى صوتها تردد بالبيت اغني وياهة

مدار: گتلـنني بنظرة عيونة ..ابو عيون السود
قاسيي وية ليحبونة

عنان: كافيي سطرتيني

مدار:ابو عيووون السود

عنان: ماترحيين لاتلحين ولا تغنين

مدار:حباب الله عليك حباب فدوة ياهي مرتك حباب فدوة الله عليك حبا..

عنان: كافييي الصبر ياصاحب الصبر

مدار:دخليني اروح حباب هية سفرة طلابية و ياقوت و سرور وياي حباب

عنان:ماترحين لوحدج ماترحين

مدار:ليشش والله بنات خوش بنات

عنان:الله يخليهن لهلهن شعلية اني سفرة ماترحين لحيح لاتلحين

مدار: يعني ليش ماتقبل هاي هية السيلمانية ورايحين كم يوم طلاب يعني شعدنة

رجعت گعد يمي يضغط على المكان بين عيونة بصابعة عاقج وجهة :شكم مرة عدتي هاي سالفة

مدار: مليون مرة ليش ماتقبل تحسيني رايحة لماليزيا هوة اني بالعراق

عنان: اخاف على ناس منج تشوف جمالج وتتخبل

مدار: يارب كون يطلعون جهالك مثلي حتى تبطل تنمر

عنان: لا تأملين مايطلعون عليج

مدار:اوكف شنو مايطلعون علية ها عيني منين تجيبهم من غيري مفكر بيها استاذ

عنان: شربين كهوة

مدار: لاتغير الموضوع

عنان: ترحين سفرة

مدار:لاتغيررر سالفة

حجيتها ضربتة على جتفة حيل ما عبالي هيج قوية اشرلي بسيطة خلة الكوب على طاولة طفرت گبل لا يلوحني رحت اركض

وصلت لدرج جرني من ياختي حجة وهوة رافعني ليفوك :شو ايدج صايرة طويلة

مدار: وخر عني زعلت

عنان:هم طاگتني وهم زعلانة

مدار: راضيني يالله مو بس تعرف زعلني خليني اروح وية بنات غيرها ماقبل رضاوة واضل زعلانة

دفعني ورجع لمكانة: والقرءان ماترحين عود ماريد احلف

مدار:ليييش