"بأسمه تعالى"
#نادمة_عليك
الكاتبة:فدك فاطمة
بـرجل عصـفور
شـدو راحـة الـبال
حجـل گلولـه هذا
وكـيف وطـار
و مثـل حرگـه
بگـلب مكـتول ضلـيت
ياهـو يـودي لأمـه
بشـارة الثـار
.
.
: الله بالخير شعدكم بهل البرد صاير شي
لتفت بسرعة وهوة دفعني على كيف عاف ايدي جان علي مرتكي على عكازتة وبيدة علاگة
عاگد حواجبة ويباوعلنة بستغراب ضليت ابلعم عيوني تنتقل بينهم حسيت هاي هية راح اودع
گوة واكفة
عصرت ايدي حيل على الموبايل من خوف ماعرفت شنو اگول نزلت راسي ضليت ساكت
شريف: مرتك دور عليك تريد رمز النت وخليتها الها
غمضت عيوني گلبي يرگع همم علية بفهم حسيت ايدة على ايدي سحبني وراه
امشي مثل المبنجة عقلي مو وياي دخلنة للبيت و صعدت وراه للغرفة بدون ردة فعل
حضني من جهة وحدة وحجة بستغراب: شبيج جامدة الوو
مدار: ءء ماكو شي رايحة انام راح الوكت
علي:ممم گتيلي تنامين .. شعدج برة اذا الوقت متأخر
مدار: مـ..مو جنت ادور عليك
هز راسة مبين مامقتنع واني هم مالحيت افكر بالمصيبة العدي اريد يعوفني
علي: اگعدي شوفي شنو جبتلج
گعدت بصبر فتح العلاگة طلع علبتين وحدة خلاهة على ميز و ثانية فتحهة طلع حلقة جديد
اخذ ايدي و خلاهة بأصبعي
مسح عليها بهدوء نوب لزم اصبعي وعوجة فوگ طفرت متفاجئة من وجع ادفع بأيدة و يرجع يضغط أكثر
علي: مو تضعينها هم مرة ثانية اكسر اصبعج لا تنزعينها ابد
هزيت راسي بسرعة اريد بس يوخر ايدة اصبعي راح ينكسر دفع ايدي و گعد بصفي
وخرت عنة امسح بالمكان صار احمر وعيني تخزر بي : هاي تصرفات ترة مو حلوة
علي:وكفتج وية شريف بالليل هم مو حلوة
مدار: علي ادري بيك ماتثق بية
قاطعني يحجي بجدية: لا اثق بيج لو ما أثق ما اجيت خطبتج
مدار:لا ادري عدك شك ناحيتي وراح تضل طول عمرك تشك اني متصالحة وية هذا موضوع بس اخوك هم ماثق بي
علي: لو ما اثق بي ما لگيتيني هادء هيج
مدار:يعني لمطمنك ثقتك بأخوك تمام بس لو سمحت حاول ماتباوعلي بهيج نضرات شك اني لحد الان ماضامة عليك أي شي
علي: يالله انسي سدي موضوع لاتصوجيني..شلونها الحلقة حلوة
مدار: اي حلوة شكرا اسفة لان ذيج ضاعت صدك دورت عليها شگد ماكو
أنت تقرأ
نادمة عليك || باللهجة العراقية
Romanceلا جنح لـي يكسر تهتز أرضي ولكـن لا اعطي قلاعـي حتى لو مر يوم من بعـد جرحي اهشم سعادتكـم البـاهتة مـن يتركني في منتصف طريق اتركه في قاع لا نهاية له قصـة تبـدأ بإهانة كيان أمراة لا طالما قدمت الكثير لتقع تحت مخالب الطمع تسرق منها احلامها فجأة ...
