"بأسمه تعالى"
مرحباً قرائي لاتنسون التصويت⭐والتعليق واتنمى الكم قراءة ممتعة
.
.
شجاك؟
تكبرت من كتلك اهواك
شكثر غيرك اجو
بس ما شفتهم
دگو باب گلبي
وشلعو الباب
ولجل عينك ابد
ما دخلتهم
.
.
مرات الانسان ينفصل عن عقلة بهواي مواقف
ينقسم الى قسمين جزء مكافح وجزء مستسلم
الحقد و الكره و الأذية الها دور تتجذر وتتراكم داخل الانسان بحيث تصير طبقة تعمي عنة البصيرة وحتى البصر
من شخص يكبت بداخلة ومايعرف يعبر ويتجاهل مشاعرة دائماً ويضحي
يتعرض لهواي خيانات مرة مرتين ينكسر و تتفتت الثقة لبداخلة هنا يا أما يقوة او يضعف
من تشوف روحك بهاي لحظة گدامك اكبر شخص الة دور بأذيتك واكفين بنفس بقعة
وبيدك اسلاح انو تقتلة تنهي راح تصير بين خيارين يا أما تقتل حقدك و كراهيتك و تثق بالدنيا و تقلباتها او تاخذ انتقامك بأيدك
رجعت للبيت منتهية راسي دايخ بدلت و كملت شغلي جريت البطانية ودثرت
گعدت على دفو عنان بصفي يمسح على شعري : شعدها حلوة الحلوات خاملة
مدار:احس روحي مادبرها صعبة جامعة
عنان:لا انتي گدها لاتخافين يروحي
مدار: بيش الساعة
عنان: بالاربعة
مدار: هلو شو احس روحي نمت هواي توقعتها بثمانية
نام على ضهرة سحبني بصفة : نروح نتعشة بالمطعم
مدار: لا خلي المطعم يجي يتعشة يمنة
رفع حاجبة يباوعلي : شلون رهمتيهة
مدار: يعني قصدي اطلب اكل مابية حيل اگوم ابدل
سحب موبايلة حتى يتصل اني نزلت اغسل طلعت خيارة اكرط بيها مددت بالصالة نزل وراي يهز بأيدة
عنان: عفتيني فوك ونزلتي نمتي جوة
مدار:مو اذا رجعت يمك بعد ماتخليني انام واني انعس
ارتكة على القنفة من ورة اخذ خصلة من شعري يفرها بأيدة : شلونة امتحانج
مدار: اني لو ضالة رب بيت احسلي والله شوداني للضيم جنت مدللة
عنان: انتي مدللة هوة ياهو ضل من عائلتكم ما خبزج راشدي
ضحكت اشر عليه:بس انتة
عنان: تردين جربين ضربتي مو قوية ماتوجع
مدار:طلگني
عنان: هوة انتي من جبتي طلاگ بينة خربنة حتى زفة ماتهنيت بيهة
مدار: ياهو الاهم الزفة لو العروس
عنان:الزفة
درا وجهي ساحبة شعري من ايدة رجع گعد يمي : مو عدكم حلوات بالجامعة خطبيلي وحدة بس كون شفت نهاري
أنت تقرأ
نادمة عليك || باللهجة العراقية
Romanceلا جنح لـي يكسر تهتز أرضي ولكـن لا اعطي قلاعـي حتى لو مر يوم من بعـد جرحي اهشم سعادتكـم البـاهتة مـن يتركني في منتصف طريق اتركه في قاع لا نهاية له قصـة تبـدأ بإهانة كيان أمراة لا طالما قدمت الكثير لتقع تحت مخالب الطمع تسرق منها احلامها فجأة ...
