نادمة عليك || باللهجة العراقية

البـارت الواحد و العشرون

مرحبا قرائي لاتنسون التعليق و التصويت⭐ اتمنى الكم قرءاة ممتعة
.
.
يجـي وكت العتـب
واتعـاتب ويـاك
واخليهن كـبال عينك
وحـده وحـده
اجـرح بالـعتب
ما اجـرح بسيف
لأن جرح العتـب
محد يضمده!
مو كتلك ترا الدنيا دولاب
اذا افترت عكس
حيـلك تهـده
.
.
كعدت الصبح احس وجهي مورم عيوني يحرگني بجيت البارحة لمن طگ راسي

بتت لوحدي عنان مارجع ساعة بالستة گمت غسلت اباوع للشباك جو مغيم البارحة مطرت
وبعدهة مغيمة

نزلت سويت ريوك و حضرت روحي گعدت بالصالة دگيت على عنان گالي هسة اجي

فترة ودخل رفع ايدة سلم وصعد فوك شوية ونزل امبدل حجةصوتة مبحوح:صبيلي جاي حار

گمت صبيتلة نطيتة الة شربة وهوة واگف نوب طلع ادوية من ثلاجة اشكال و انواع شربهن كلهن سوة

مدار:مو كافي مو زين عليك انتة ما ماكل

عنان: كملتي اطلعي گدامي للسيارة

مدلي السويج اخذتة و لبست حذائي طلعت  مخلية راسي على جامة موبايلي يهتز بجنطتي

طلعتة جانت رسالة من أوس فتحتها وية صعدت عنان " جيبي الفلوس وياج امرلج ورة دوام "

اجة يحرك لزمت ايدة اوكفة: نسيت ملزمتي بس اجيبها

وكف سيارة نزلت اركض فتحت البيبان شگد يريد غير يگول جيبي فلوس و گبل

طلعتة لفلوس العدي حسبتهن گعدني على حدايد حتى گمت كلشي ماشتري الي اجمع بالفلوس

سمعت صوت الهورن اخذتهن خليتهن بوحدة من الملازم ونزلت اركض لبست حذائي

طلعت صعدت بالسيارة عنان جان ينافخ لو واحد يگلة بز يمددة گدام سيارة

عنان: موبايلج سطرني شعدج من صبح

فتحتة رسائل من اوس لان مخلية حساب مشتغل فلك فلكة راسل صور و مقاطع صوتية

مدار: سرور هاي تريد تدخل محاظرة وية شعبة ثانية رادت اجيبلها ملزمة

باوعلي بطرف عينة كمل سياقة و صلني للكلية راح بدون اي كلمة صار النة اسبوع واحد مبتعد عن ثاني قليل نسولف كلمة كلمتين

دخلت للمحاظرات جنت متأخرة بطلاع الروح يالله قبل يدخلني الدكتور گوة ربطت ويا ماشي بالشرح هواي

جنت گاعدة بالستول بصف ياقوت وراي سرور دنت حجت بهمس :ليش متأخرة ولج

مدار: تأخرت من طلعت و زدحام راح الوكت

سرور: يالله رجلج الصاك اهم من دكتور محمد طبية

وخرت عنها مارديت لحد ما خلصت محاظرة ضليت گاعدة كتلها تنتظر شوية خل تفرغ القاعة اريد احجي وياج

بس صرنة وحدنة لتفت عليها حاولت احجي بنبرة مو هجومية : سرور اني دا انزعج من تعلقاتج وبينتلج كم مرة بس انتي مغلسة ممكن تبطلين