نادمة عليك || باللهجة العراقية

البارت الثالـث عشـر

"بأسمه تعالى"

مرحبا قرائي لاتنسون التعليق و التصويت ⭐ اتمنالكم قراءة ممتعة

#نادمة_عليك
الكاتبة:فدك فاطمة

.
.

اختار الي يعرف يلوكلك ذاك
اليشوفونك عليه تلمع من بعيد
اغلى كلاده متهز ريشه بالبوم
الماعدهن رگب ميلوحن الجيد

.
.

بوستني خالتي باركتلي وامي من بعيد اني مخلية ايدي على گلبي الله يستر من باجر شنو يصير

صعدت فوگ لحگتني رغد تتمركص مانطيتها مجال حتى تسأل و تستفسر لفيت راسي ونمت

اريد انام ما اگعد بعد گلبي يضرب بصدري بقوة اخاف تصير عركة جبيرة و يسحبون سلاح مثل ذاك اليوم

لو احد يصير بي شي من وراي اموت ضليت اكل بروحي وماگدرت انام من تفكير صارت ساعة بالاربعة

خليت ترواكة علة متوني و نزلت اريد اتوضى سمعت صوت من الاستقبال فتحت الباب مديت راسي

جان مرتضى گاعد على كرويتات و بصفة رجال يسبح اني من ثول ضليت صافنة عليهم
حرك ايدة مرتضى كدام وجهي ورجال البصفة مدنك

استوعبت موقفي گبل لا اتحرك انسحبت من ايدي ونمدت ايدي سدت الباب درت وجهي مستغربة

عنان:شعدج هنا

مدار:ها

مد ايدة وخر شعري عن وجهي ارتبكت رجعت ليورة :ءء نزلت اتوضى وسمعت صوت

هز راسة بتفهم ومشة كدامي للمغسلة واني واكفة وراه منتظرتة يتوضى

نفتح باب الاستقبال و طلع مرتضى يهز بيدة :شبيج انتي ثولة فاتحة الباب وتباوعين
مدار:شدراني اكو غريب هنا عبالي بس ولدنة

مرتضى:دروحي سويلنة جاي
مدار:اريد اصلي
مرتضى:روحي سويلة جاي وبعدين صلي

وخر عنان من مغسلة وباوع لمجتبى بنص عين : عليمن تتأمر انتة

مرتضى:على بت عمتي

عنان: دروح سوي جاي لروحك لا اطفي عينك
عوف مرتي

خدودي صارن احمر دروت وجهي على مغسلة بدل ما اتوضى اخذت الصابونة غسلت ادية بيه

ضحكو علية دخلو للاستقبال واني ضليت اغم بروحي فشلة الباب و هسة امداني

توضيت و صليت بالصالة ورحت للمطبخ سويت جاي حضرت الاستكاين وصبيت وديتهم للاستقبال

ضليت گاعدة بالمطبخ فكرة توديني و فكرة تجيبني لحد ما گعدت خالتي و امي يسون ريوك
وامي هم مبينة ما نايمة واضح من عيونها

مر اليوم گاعدين على نار لحد الوحدة اتصل ابوية على خالي گالة جاينكم

اجو اخوالي البقية و همة بالعمارة گاعدين من سمعو بالسالفة اجو ماقبلو على سالفة زواج بدون علم أبوية