نادمة عليك || باللهجة العراقية

البارت التاسع عشر

مرحبا قرائي لاتنسون التصويت⭐ والتعليق اتمنى الكم قراءة ممتعة
.
.

بـعد لتصير
خَوش انسان
هـوة الخوش يتبهذل
الناس وجوهم قمصان
كل يومية يتبدل
.
.

عدلت شعري گدام المراية ارتب بفستاني اليوم عقد مال بت خالو موسى شهد خطبها استاذها بالجامعة

حكيت خدي افكر ابدل لو لا فستان حصر وبي فتحة لنص رجلي يالله البس عباة ياهو ليشوفني

ندك الباب دخلت امي لتفت مبتسمة گبل لا احجي اشرت علية:بعدج ما مبدلنة

مدار:عزا يمة هاي كشخة كلها وتگليلي مامبدلة

رزق:وترحين هيج مشلتحة كدام نسوان لبسي تراك و تشيرت جواه

مدار:حتى الكرة الأرضية كلها تنتحر غير اطلع مهزلة يا امي شلون البس جواه

رزق :عيب ولج زنودج و رجليج طالعة

مدار:بس حلو الله عليج لا تگليلي لا ماكدر ابدل هسة

رزق: حلو حلو

دزيتلها بوسة بالهوة لبست كعب نزلت كوة لازمة ايدها وجنطتي و عباتي بأيدي ثانية

لبدت جوة درج لبست العباة لايشوفني عنان وتعاي شيفضج ياطلابة عدلت عباتي طويلة حيل و شعري لفيتة ولبست حجاب

هزت امي ايدها ما راضية طلعنة برة عنان گدامنة شغل السيارة امي صعدت ليگدام واني ورة

عنان:شو بالله باوعي

لتفت عليه باوعلي من المراية الگدام : شو لابسة عباة شعجب

مدار: ماتدري اني ابطن امي والبس عباة

عنان:اي مو جنتي تگبعين بالحجاب حاجز شلابسة جوة هاي عباة بالله

مدار:عزا تريدني انزعها والقرءان عيب

سوالي بسيطة و حرك سيارة امي هنا مايگدر يضل يعارك محترم الله يخلي لهلة

وصلنة لبيت خالو موسى نزلت امي وعنان لزم ايدي لتفت علية : اسلم على الزلم وانتظرج بالترك ورة خوش

مدار:شكو عيب عزا شيگولون علينة الناس

عنان: رجال و مرتة

مدار:ورجال و مرتة ماعدهم بيت

عنان:مالحگو بالبيت

ضربتة على جتفة نزل يضحك اني وراه دخلنة هوة راح للاستقبال واني دخلت جوة البنات مجتمعات بالمطبخ

مدار: انييي اجيييت

بيداء:لا هلة ولا مرحبا

رغد: نجبي لج مرتت خالي تاج راسجن فدوة لهل وجه

مدار: شگد منطيج عنان فلوس على هذا المدح

رغد: لا والله من گلبي ذني