نادمة عليك || باللهجة العراقية

البارت الثالث

بأسمـه تعالى

مرحبا قرائي لاتنسون التصويت⭐ وتعلق واتمنى الكم قراءة ممتعة

عـيش بيـدك
مـوت بيـدك
طيـح صدفة و شوف
چم أيد التريدك
غطـي حزنك
فـرك شفافك ضحك
نـام ويـه همك
وشوف ياهو
يدور البيـك و يضمـك
.
.

ام علي: لعد هاي مو بت ابراهيم سمعنة اسمها مدار
رزق: لا خية هاي بت اختة ثمار
ام علي: هاا بـس احنة جايـين على بت أبراهـيم مدار علـي رادها بالأسم

صار هدوء محد يحجي ورة كلماتها رمشت بعيوني بصدمة رجعت خطوة ليورة مامستوعبة حجايتها منين هذا علي

ام علي:هسة نريد نشوف مدار بلا زحمة تصيحيها

ام ثمار:  عيني ام علي بس  مافهمت ابنج منين يعرف مدار

ام شريف :اعتقد هذا السؤال لازم تسألينه لبنتج مو النا

ام علي:  هو اجاكم من الباب وهذا الشي ينحسب ألة يعني ابني عد كلمتة

اثناء حجيهن ندگ الباب و دخل ابويه صاح امي و سمعت عمتي ردت عليها

ام ثمار:احنى نشوف ابوها ونتفق ونرجعلكم خبر عود

ام علي:اكيد اكيد ننتضر ردك ان شاءلله خير يلا نترخص

اجة عليهن الرجال الجابهن و طلعو واني رجلية غاصت بالگاع من خوف شتحجي هاي ضليت مثل ثولة

نفتح الباب و اجت امي لزمتي ماحسيت الة بضربتها على وجهي

حجت بصياح لازمتني من زندي :ولجج ادزج ادرسين لو ادورين حب وسوالف مكسرة تعاي اراويج شلون تخابرين وتحبين من وراي وهاي مو بعيدة اذا ماشايفج وشايفتة ولج اليوم اشرب من دمج تفشليني گدام الناس

دموعي تصب اتوسل وياهة :والله والله يووم ماا مااعرفهم ولا محاجية واحد والله

رزق: ولجج شدراهم بيج منين يعرفونة همة وجاينة متعنين منيين

مدار: والقرءان ماعرفهم ليش اجذب والله ماعرفهم والله ماريد ازوج ولا موافقة

رزق:ولج شلون ماتردين بت ال..  انوب ابوج يدري اكو ناس جايين شراح اكلة هذولة اهل حبيب بتك

مدار: والله والله والقرآن مااعرفهم

ام ثمار :هم زركة وهم ماراضية رضينه بالبين والبين مارضى بينه

بين هاي الهوسة و الصياح دخل أبوية وجهة اسود و عيونة بهامتة جرني من ادين امي

وسحلني من شعري للغرفة دفعني وقفل والباب حجيت گبل كلشي :بوية والله ماعرفة ولا محاجية ولد بحياتي والله ماعرفة

أبراهيم: لا شافجج الله ولجج شمطينة من وراي
تنزلين راسي گبال وادم هيج

مدار: والله ماعرفهمم ليشش ماتصدگون