نادمة عليك || باللهجة العراقية

البارت السادس عشر

"بأسمة تعالى"

مرحبا قرائي لاتنسون تصويت⭐ والتعليق واتمنى الكم قراءة ممتعة

.
.
اخذني بكلشي مابيعَك
اخذني من التَعب يمك
جگارة  بچفك اشعلني
اموت بسد اصابيعَك ،
اخذني وياك من عندي
اخذني لـ اي حلم ارتاح
مو شَرط بحلم وَردي

.
.

بعدنة نسولف و ندگ الباب دگة مال عرايك تفلش تفلش وصوت عمتي يرج بالشارع رج
ماخلت غلطة ولا مسبة ما گالتها

لتفت لخالتي خايفة اذا طحت بيدها غير تسويني لگمتين تجعصني جعص

مدار: خالة روحي روحي فتحي الباب

ليلى:ولجج تسوين مصايب وذبينها علية هسة تلگطني هية عمتج غير الله مايجرعها

مدار:جا بابكم راح يتفلش
ليلى :يطبة مرض خل يتفلش نجيب غيرة

رغد:يمة شو طلعتي خوافة
مدار:الهرب نصف شجاعة

بعدنة نسولف ونطر راسي من صريخ مال وحدة ميتلها عزيز صريخ رهيب بنص الشارع

ليلى:فلك طرج العرمة هسة تلم جوارين علينة خل اگوم افتح الله يستر

بس فتحت خالتي الباب دفعتة حيل وطبت تصيح:وينننهة هايي الخايسة الحقيرة وينهة تريد تموت بتيي ولججج يمة ثميرة فدوة تروح لشبابج

رغد:لعبت روحي ترة

ليلى: على كيفجج خية اخذتينة حاصل فاصل فزعتي العرب علينة شعدج مايصير هيج

ام ثمار:ولجج دافعين عنها طبعاً مرت اخوج مدري شسوتلة وزوجها ساحرتكممم الگ*** الجذابة الة اشتكي عليها بالشرطة الة اخيسها بالسجون

ليلى: هية ولية شنيي عدلي الفاظج مرة جبيرة انتي شلون تطعنين بشرفهة وانتي عدج بت ماتخافين

ام ثمار: انيي محترگ گلبي وانتي تفسفسين علية طلعيييها العايبة طلعيييها طلعيي بت شوارع بت ال*** اطلعي ليوم ازين راسج وراس امج

طلعنة من المطبخ جانت واكفة بالحوش وعباتها على جتفها وجهة احمر من عصبية

مدار: ترحيين فدوة لأمي كل حجيجن جذب تسوين روحج ماتدرين بتج رادت تحرگنيي لو ما الله ستر  من طاحت فعايلها براسها اجيتي هدادة ماعندج ذرة مستحة وخجل

ام ثمار:لجج مديرررة هاي عليمن ولج ياهي ماتستحي شگول عليج بـ*** ماعدج احترام مامرباية

اجت تركض اني لفت اريد ادخل للمطبخ لزمتني لزمة موت خرمشتها بوجهة

عاطت بصوت عالي: ولججج تمدين ايدج عليه ام زلمم يومية وية واحد

اجت خالتي تريد توخرها عني و رغد هجمت وهية سمينة و خشنة لزمت راسي بثنين اديها وعضتني فوك حاجبني ضليت مصدومة