نادمة عليك || باللهجة العراقية

البـارت الثاني عشر

مرحبا قرائي لاتنسون التعليق و التصويت⭐واتمنى الكم قراءة ممتعة

"بأسمه تعالى"

#نادمة_عليك
فدك_فاطمة

.
.
الناس الغيرت شكلي وتأذيت
لحد اليوم جاي أذكر شكلها
وأكثر وقت
حسيت بي ملجوم ،
هاي الليلة والليلة
القبلها ..
أكتشفت اقوى أنكسار
يمر على الانسان
من يكلب الصورة  ويرجعلها
.
.
امي ضلت تلطم ودگ على راسي وعمتي تحجي و تسب دخل ابوي عيونة بگصتة واكف اباب المطبخ  عرفت هاي السالفة بيهة نهايتي و وجهة مايبشر بخير

تحركنة سوة اني شاردة للغرفة وهوة وراي جرني من شالي جان على رگبتي سحبة حيل اختنگت

جنت مخلية بي دنبوس حسيتة دخل لبلعومي لزمت شال بسرعة قبل لا اتأذة اكثر

ايدة جانت السرعة دفعني على الحايط احنة درجنة مابي محجر بس حواف ضربت حافة درج بخاصرتي

شاطت روحي لزمني من رگبتي وحجة بعصبية: جنيتتيي على روحجج انيي تفشلينييي كدامهم زين ورضوا بيجج ولجج شحطلج وطيبين نزلتيي راسيي

ام ثمار: حيل عدك اياهة العايبة الماتستحي فشلتنة گبال النسوان الـ..

أبراهيم:كافييي اسكتييي وانتي اليوم أجرم بيج موتج على ايدي

طحت بأيدة وهوة معصب ما ينلزم موتني گمت ماحس منين يجي ضرب متكورة على روحي و گاعدة بصف درج

رزق: الله يخليك كافي راح تمووت البت عوفها يمه مدار يمة وخرر عنها

صوت امي صيح و عمتي تزويد نار ما طفيها شالني شيل من ياخة ملابسي و دخلني للغرفة

شفت الموت بعيني حلگي و خشمي يجرن سوة كطع الحزام علية يفتر مثل النسر على جثة

يتعب يگعد  يرتاح يبدي سب و شتم تهديد واني اذا الحايط يحجي حجيت اعرف تصرفي متسرع بي قلة ادب

بس ادري هم محد راح يسألني اذا موافقة أو لا محد يهتم لحد مايطيح الفاس بالراس

أبراهيم:ضلين هنا مگبورة لو طلعين لگبرج لو لبيت يسترج واذا سمعت حسج اموتج خلاص
فاهمممة

هزيت راسي بخنوع هوة طلع وقفل الباب من برة ضليت نايمة بمكاني احس بحرورة الدم على جسمي ماتحرك

انتهيت كلش عيني على مراية الكنتور شعري مطشر بالگاع من كد ما شلع منة ضالة خصل وجهي احمر و اثار ضرب بكل مكان

مر الوقت ماعرف بيش ساعة اصلا بس بعدهة نهار زحفت ارتكيت على كنتور سحبت شال مسحت حلگي دم يبس عليه اسناني موتني

خشمي هم رفعت راسي حتى ماينزل گوة اجر نفس الهث خاصرتي تنبض من وجع غيرة ظهري و رجلية ماخلة بية مكان

انتظرت صوت امي يجيني لو الباب ينفتح ماكو مر النهار كلة معقولة ما حتاجت اي شي من غرفة و تفتحها رضا وين ينام