متاهة مريم

البارت الاول

متاهة مريم

للكاتبة: زينب طالب

انستا  z_z1999.z

عش لحظة اليومِ إنّ الأمسَ قد أفَلا
فالعُمرُ يحملُ في طيّاتهِ الأملا

هي الحياةُ بقَدرِ الحُزن تمنحُنا
حُبًا وتفتحُ إن ضاق المدى سُبُلا.

-علي ابن ابي طالب(عليه السلام)

بغداد :عام 2013
الساعه 5صباحا)
_يله بويه مريم گعدي صارت الساعه خمسة گومي يبعد ابوچ

مريم:اي يابة گعدت ، صباح الخير

_صباح النور هلة بنيتي يلة گومي اختچ گعدت وامچ حضرت الريوك وانتي بعدچ نايمة يلة غسلي وصلي وتعالي

_گمت غسلت وتوضيت وصليت ودخلت للمطبخ لكيت امي محضرة الريوك هية وعذورة ومهدي الوكح هم كاعد وياهة

_صباح الخير
_صباح النور يلة يمه تعالي تريكي

_شلون صرتي اليوم
لاالحمد لله زينه
مهدي:يله متنة من الجوع گعدي

عذراء :اصلا انتة شعندك گاعد ويانة تاكل وترجع تنام ياريت مستفادين منك

مهدي :غير ابوي ميخليني اطلع وياكم يگلي ابقة يم امك

جاسم :يابة بعدك ازغير اتلحك عالشغل والتعب يلة بنات گومن خلينة انلمنة كم شغلة قبل الظهر

_ طلعنه اني وابوي واختي عذراء شغلتنه انلم عتيك وقواطي نطلع من الصبح للضهر نرجع عدنه ستوته نروح بيهه ونلم الغراض وابوي ياخذهن يبعهن ونحصل كم فلس للعيشه وامي عدهه مكينه من هاي القديمات تخيط للمنطقه بس مو دائما لان مريضه كلبهه تعبان يوم زينه واسبوع تنتكس حالتهه كاعدين بمنطقه تعبانه وبيت قديم ايجار ايجاره رخيص لان تعبان بالكوه ابوي وكع عله صاحب البيت واجاره النه ب150 احنه بس بالعطله ويه ابوي لان عدنه مدارس اني صف اول متوسط واختي عذراء خامس ابتدائي اني اكبر منهه بسنتن ومهدي اخوي الصغير صف اول ابتدائي فزيت من صفنتي عله صوت اختي

عذراء:يمعوده وين صفنتي صارلي ساعه اصيح

_هاها ماانتبهت والله شنو وصلنه
لابعدنه يم امي دنزلي شكد فاهيه

_كافي لج شكد تحجين شماكله من الصبح

نزلنه نلم بالقواطي والعتيك ونخلي بالستوته طبعا احنه مغطين وجوهنه علمود محد يشوفنه ابوي يخاف علينه ميقبل نطلع وياه بس احنه نعاند بالعطله نطلع وياه نخفف عليه الحمل شويه
بقينه لحد الساعه 12نفتر من مكان لمكان لمينه غراض ورجعنه للبيت لكينه امي سوده عليه منضفه البيت ومسويه غده وجاي اصلي دخلنه سلمنه عليهه شلونج يمه

نورية:هله بيكم الله يساعدكم عله هالتعب

_ويساعدج حبيبه شمسويه غده ميته جوع