متاهة مريم

البارت التاسع عشر

#متاهة_مريم

البارت _19_

للكاتبة: زينب طالب

انستا  z_z1999.z

وصوت النواعي يلوحني ويلتم باديّة
الصوت بي ريحة عيوني وبي هلي و وحشة مسية

((عريان السيد خلف))

مريم:غيرر اعرف بيت منوو هذا ؟

هيثم:بيت جدج اهل امچ الله يرحمهه

_التتفتت عليه متعجبه من الكلام الگاله حچيت
صدگ هيثم لوتتشاقه وياي

هيثم:لاصدگ صارلي فتره ادورر عليههم لان همه شالوو من صارت السالفه وماعرفنه شي عنهم بعد بس انه ردت افرحچ بشيء ولخاطرچ بحثت عليهمم لحدما لگيتهم حته ماشفتهم بس عرفت مكانهم اجيتچ بسرعه

_يعني شنوو راح اشوف اهل امي مامصدگه والله احس راح اتخربط جسمي يرجف

هيثم:لا توگعيين علينه يمعوده اريدچ قويه مثل ماعرفتچ يله نزلي دگي الباب وانه وياچ

_كلام هيثم شويه شجعني نزلت دگيت الباب وايدي ترجف مااعرف شلون اللقاء راح يكون راح يتقبلوني لويطردوني بسسب لسوته امي بيهم بنص تفكيري فزييت عله فتحت الباب طلع رجال چبيير بالعمر وتعبان بالگوه واگف باوعت عليه واحسس گلبي گام يدگ سريع وجه احسه مألوف الي من شافني صافنه بوجه حچه

جبر(ابو نورية):ها بويه تفضلي رايده شيء

_حچيت بغصه اگدر افوت حجي جوه
صفن متعجب من طلبي حچه

جبر:دشي بويه زارتنه البركه

_دخلت جوه وهيثم بقه بالسياره گال علمود تاخذيين راحتچ اباوع البيت تعبان بدايته گراج بي عله صفحه قفص بي دجاج وبط  واكو كرويته (قنفه)من ذني القديمات عله صفحه وگاعده عليهه مره چبيره بالعمر صافنه عليه من دخلت لهسه گاعده بيدهه سبحه و  تسبح تقربت عليهه گامتلي بصعوبه وحچت

حسنة(ام نوريه):هاحجي منين هالحلوه

جبر:والله يحجيه مااعرفهه بس اعتبريهه ضيفه علينه

حسنة:ياهلا وميه هلا بالضيف تفضلي حبيبه گعدي

_گعدت يم بيبي وجدو واگف مااعرف شلوون افتح الموضوع وياهم خايفه.من رده فعلهم مبين ناس بسيطين من دخلتلهم حسيت براحه مو مثل بيت جدي اهل ابوي انقبض گلبي حچت الجده

حسنه:گولي حبوبه محتاجه شي رايده شي احچي لاتستحيين

_لا مااريد بس اريدد احچي بموضوع قديم بس اكيد ماناسيه انتو

جبر:اي موضوع

_حچيت بسرعه موضوع بتكم نوريه اباوع عليهم وجوهم تغيرت بيبي نزلت دموعهه  حچت

حسنة:يمه انتي منوو منين تعرفيين بنيتي الباعتني هناا محد يعرف عدنه بنت وينهه هيه وشذكرهه بينه