متاهة مريم

البارت الرابع

متاهة مريم

للكاتبة: زينب طالب

انستا  z_z1999.z

شوكّت يندك
علينا ويضحك
الباب
ويترس بيتنه وصوتهَ
يسرنهَ
وترد انت ويجني
الراحن وياك
وتجيبهُ وياك يالماخذ
عمرنهَ .

..................

عذراء:ولج مريم سمعتي هذا الحچي شنو ابوي منيله اهل

مريم:اسگتي خلينه نسمع

عذراء:شو تحچين ابرود تعرفين شيء وضامته عليه احچي شبيچ

مريم:يبوو كلشي ماافتهمت من وراچ خبصتيني اي اعرف امي گلتلي قبل لاتتوفه

عذراء:شگالت احچيلي كلكم تدرون واني محد معبرني عبالكم بعدني زغيره

مريم:اي زغيره قابل شنو كبرتي تره عمرج 13وبعدين اني حالي حالج مادريت الاقبل وفاة ام بفتره قصيره

عذراء:اي دريتي ليش ماگتيلي من امي سولفتلچ مواني اختچ واحنه محد اضم عالثانيه شيء يله لعد احچيلي بالتفصيل وين اجدادنا عشتوو

مريم:عدنا اهل واجداد بس مو هنا بالبصره وحچيت السالفه كلهه لعذراء لان اول وتالي راح تعرف حته مهدي خليته يسمع علمود لاينصدم بيوم منوالايام من يضهرون بحياتنه خطيه اخواني نقهرو عله امي لان فارگت اهلهه وماتت بحسرة شوفتهم وعله ابوي هسه مريض وتعبان ومحد اله الله يطي جيرانه ابو محمد وابنه يجون يسالون عليه

عذراء:صحيح اني نقهرت عله اهلي والصار الهم بي همه غلطوو وغلطهم چبير كلش هم

مهدي:لاتحچين عله امي وهيه ميته حرام عليچ

عذراء:مااحچي هوه شيء راح وصار ماضي بس شلون هيچ يسون بأاهلهم يعني معقوله امي حبت ابوي اكثر من أبوهه وامهه لربوهه وهيه وحيدتهم وعله حچيهه همه چانو مامقصرين وياهه لوأبوي شلون ياخذهه من اهلهه ويشرد بيهه ويعوف اهله وديرته واخوانه علمود الحب ماكو هيچ شيء صحيح همه اهلنه بس الشي لسوو غلط واكبر غلط هم

مريم:اي والله حچيج صحيح بس احنه منگدر نحچي لان ابوي مريض وامي بوقتهه ماحچيت وياهه لو لمتهه لان مااطتني فرصه وماقبلت افتح الموضوع بعد وهسه سدو هذا الموضوع چنكم ماتدرون ولاسمعتو شيء خوش مهدي مااوصيك بعد

مهدي:لامااحچي اطمئني
_عفتهم وگمت اشوف ابوي بلكت يگلي بس ابوي كتوم مايحچي اي شي يخصه
هاحبيبي شلون صرت هسه ان شاء الله احسن

جاسم:لاالحمد لله احسن شويه اخوانچ وين مالهم صوت

_جوه گاعدين يابه شو بسرعه راح ابو محمد شعجب

جاسم:موعنده شغل باچر من الصبح وراح ينام يله تعالي وديني لغرفتي تعبت من الگعده
._اخذته وديته لغرفته وفرشت لمهدي يمه بالگاع خاف يحتاج شيء ردت انام يمه ماقبل خطيه گال مهدي يمي سديت الباب وطلعت شفت عذراء متمدده بفراشهه وصافنه بالسگف
هاشبيج بيمن تفكرين