البارت العشرون

2.8K 297 87
                                    

#متاهة_مريم

البارت _20_

للكاتبة: زينب طالب

انستا 
z_z1999.z

**************************

لجل ارباك صوب الضيم ساعيت

ساعه ايعتني وكتي بضيج ساعيت

انهدم حيلي يبويه اعليك ساعيت

ناعي الموت دك بابي عليه

****************************

عذراء :فزيت الصبح عله صياح وصريخ يفجع الروح لزمت گلبي بيدي دخيلك ربي ليش هالصريخ شصاير طلعت بره واشوف سميه ملخهه روحهه وادگ عله وجهه وتصرخ كلشي ماافتهم منهه لازمتهه انعام تريد تهديهه متگدر اباوع وسن نفس الحاله ومريم گاعده عله الدرج وتبچي ولكم شكوو ليش هالبچي اليوم عرس لوفاتحه احچوو شصاير اجاني مهدي يبچي

مهدي :ولچ مريم خابرو عله هيثم يگلوله احمد مستشهدد

_كلمات مهدي جانت كفيله بموتي شنو احمد يموت ليش ولكك البارحه نحچي وياه بالليل اليون ينزل شنو يموت شنوو رحت يم بيبي
شگاعد يگول مهدي بيبي صدگ احمدد مات لالا مااصدگ

نشميه:اي ولچ يمه راح حميدد يمه مات وعافنه يمه ولك حمودي ابو گلب الحنين يمه شلون اطاك گلبك تعوفنه يغالي
رحت المريم الموتت روحهه من البچي ولچ كافي اسكتي هسه يجبوه ويجون مابي شي اسكتي احچي وابچي احاول اقنع روحي راح يطب عليه احمد ومابي شي

مريم:ولچ عذراء شلونن بيه گلبي راح يوگف ليشش هيچ ليش مامكتوبلنه نرتاح ليشش يوميه ننفجع بخبر يكسرنه ولچ احمد الحنين الصوته ماينسمع يروح هيچ بشربه ميي الله اكبرر ولچ والله هيثم يمووت مايتحمل يحب اخوته ولچ شوفي امه روحي يم وسنن عوفيني اني روحي

_دفعتني ورحت يم وسن الملخه شعرهه وجهه وتلطم ولچ كافيي راح تموتيين اسكتي ولچ لااحد ينتبه عليچ كافي..تشهگ وتحچي

وسن:ولچ عذراء احمدد راح يعني بعدد مااشوفه ولچ شلون بيه شلون يعني مااصبحح بوجهه اموتت والله اموت اخخخخ يمه گلبي ولچ والله راضيه مايحبني ويحب غيري بس خليه يرجع ولچ والله اخطبله بيدي وازوجه بس يرجع  حاچيني وفهميني شلون بيه

_عجزت واني اصبرهه ماكو كلام يوصف الحاله المرينه بيهه عمتي وبيبي بصفحه وسميه وانعام بصفحه ومريم وحدهه وكاعده تبچي لو وسن الموتت روحهه من البچي كل هذا ومانعرف شوكت يجوون گامت العالم تجينه انترسس البيت نسوان وبيت. عمهم ونسوان غرب هنه الگامن بالواجب لل12 واحنه ننتضرهم شويه ونسمع الهوسه بالشارع وصوت رمي طلعنه نركض ونشوفهم شايلين التابوت الولد ويشيعوون بي لحدما دخلوو للبيت بالديوانيه محد دخل غريب من الزلم بس الولد وعمامي  نزلوو التابوت شمرن نفسهن عليه امه وخالاته وعمتي وبيبي ووسن حته مريم گمنه نصرخ ونبچي من كل گلبنه امه موتت نفسهه

متاهة مريم حيث تعيش القصص. اكتشف الآن