متاهة مريم

البارت السابع

متاهة مريم

للكاتبة: زينب طالب

انستا  z_z1999.z

- ‏ليَت الحزن مثل السّهر آخر درُوبه فجر'
....................

الطريق طويل من بغداد للبصره الساعه صارت 12واحنه مواصلين اخواني تعبوو كلشش مهدي يريد يدخل للحمام وعذراء كلش تخربطت ماتت

_اكلك عمو شوهذا باوع عليه بطرف عينه ولبسني ماجاوبني ياا شبي هذا
عمو مواحچي وياك

سعد:هوه شنو لعمو هاز كاروكچ انه گليلي سعد ماعرفتي اسمي

_موخاف عيب انته چبير تره

سعد:وروح ابوي مو چبير بس الدنيا متعبتيي

_الله يساعدك هيه هاي الدنيا تعب بتعب هسه موهذا موضوعنه اريد توگفنه فد مكان اخواني تعبوو ونريد حمام

سعد:اي والله حگهم اني هم تعبت هسه بلكت نشوفنه جامع شي

_صدگ شويه وگفانه مثل الجامع اكو للزم ولنسوان هوه اخذ مهدي وراح گال نغسل ونصلي ونرجع ماگلنه لا اخذت عذراء ورحنه غسلنه وصلينه ورتاحينه وطلعنه اني چنت لابسه جبه سوده وشال اسود وعذراء نفسي ومهدي بنطلون وقميص سود من وفاة امي لليوم ماشفنه الالوان قبل لانجي اخذت من فلوس الغراض وجهزتهم ملابس جدد والي هم مااخذت شيء من هدومنه لان كلهه تعبانه ومنعرف البشر شنو هنا مااريد احد ينتقص مني ومن اخواني صعدنه بالسياره لگيناه جايبلنه كلمن لفه وقوطيه اكلنه وكملنه طريقنه ل2يله وصلنه هوه گام يمشي عالعنوان منطقه زراعيه كلهه بساتين واشجار كبار مشت السياره هواي

سعد:همه بيت جدج شيسموهم بيتمن

_بيت الشيخ رسلان مااعرف ابو منو

سعد:اكو وحده ماتعرف اسم عمهه والله بلوه هاي خلينه نسأل بله .اگلك ابو الشباب

_تفضل أمرني
سعد:ميأمر عليك ضالم بس تعرف وين يصير بيت الشيخ رسلان

_افاااكو احد ميعرف بيت الشيخ وصلت گريب منا اطلع گبل اول بيت عله ايدك اليمنه هوه هذا ااشارع كلهه الهم بيته وبيوت ولده وگرابته

سعد:مشكور خويه ماقصرت

_مشه عالوصف صدگ بس دخلنه شارعهم شفنه بيت چبير بالبدايه وعالي

سعد:يمكن هذا ماشاء الله عبالك قصر

_وگفنه كباله نزلت اني واخواني مهدي بيده الجنطه وواگف گدامنه وعذراء مجلبه بيه مدري شبيهه

سعد:خويه اني هذا حگ العلي وصلتكم للعنوان ومااكدر اتاأخر وراي طريق طويل

_لامشكور ماقصرت انطيته الكروه وسلم وراح باوعت عالبيت صحيح من خارجه حلو وچبير بس منعرف شمضموم بداخله اجاني احساس موحلو بهاي الساعه مااعرف شنو بس قويت روحي مووكت خوف هسه المضيف چان مفتوح ويمه زلم اثنين واگفين ماتقربت يمهم رحت لباب البيت بصفه چان مسدود دگيت الباب شويه وطلع ولد شاب يجي عمره بالعشرينات وجهه بشوش
_السلام عليكم