متاهة مريم
للكاتبة: زينب طالب
...الساعه ب7الصبح طلعنه من البيت العشت بي عمري كله وبي الي ذكريات هواي مفرحه وحزينه
بعد مااخذت اغراضنه المهمه ومستمسكاتنه اني واخواني اخذتهم ومشيت والجو جان كلش بارد بدايه شهر الثاني طلعنه عالشارع طعدنه نفرات للنهضه علمود مناك نصعد تكسي ونروح للبصره كعدت بالاخير يمي مهدي وبصفه عذراء المابطلت بجي من كعدنه لهسه ماعندي قابليه اسكتهه لو اهون عليهه لان اني محتاجه احد يهون عليه واني ماخذه اخواني ورايحه لغير محافضه ولمكان مااعرف شنو راح اشوف بي واني بنص تفكيري وكفت السياره
_عذراء:يله مريم كلهم نزلو وصلنه كومي
_نزلنه من السياره مشيت شويه شفت كشك زغير يبيع ريوكات اخذتهم ورحت اشتريت كلمن لفه جبن وستكان جاي واكلنه لان طلعنه بدون ريوك محد قبل ياكل بس جبرتهم وجبرت نفسي حاسبت الرجال من شافني وحدي اني واخواني ماقبل ياخذ بس اني اصريت علي يله قبل
من شفته حباب كلت خلي اساله شلون اروح لهذا العنوان بالبصره
_اكلك عمو بله زحمه عليك ممكن سؤال
_كولي بنيتي جواب
_اريد اروح للبصره وعندي هذا العنوان بس اخاف ماتعرف احد ياخذنه ونطي كروه بس كون ثقه
_وحدج بويه ترحين للبصره انتي وهاي الجهال لوياج والدنيا تخوف ماعندج جبير ياخذج
_لاوالله عمو ماعندي اريد اروح مضطره شسوي تكدر اساعدني لوادبر امري
_ لاشلون مااساعدج بعد انتي نخيتني هسه اشوفلج واحد ثقه يوصلج وين ماتردين
_ اي والله اكون ممنونه منك
_ادللي يايه ..سعد .سعد تعال شبيك مواصيحك ليش تغلس
_سعد :شبيك حجي ضيعت عليه الكروه كول شتريد
._هاك الزم هذا العنوان بالبصره تاخذ هذني لبنيات واخوهن وتوصلهن لهذا المكان بالضبط وتامن عليهن يله تعوفهن وتساهل وياهن بالكروه تره ذوله عرف
_سعد :اي حجي ادلل مادام بيهه كروه اني بالخدمه
_امشي كاتل روحك عالفلس شوكت تشبع
_موتدري بالبير وغطاه خليني ساكت ياحجي يله خويه صعدو ذيج سيارتي
_مريم:تشكرت من الحجي وصعدنه اني وعذراء وره ومهدي صعد بصف السايق وانطلقنه للبصره من قريت لافته بغداد تودعكم نزلت دموعي ياترى اكدر اجي بعد لو لا ومانعرف شنو بعد مضموم النه ...
مشهد قصير من روايتي القادمه اتمنى تعجبكم اريد تشجيعكم علمود انزل البارت الاول
لاتنسون⭐⭐⭐
كل الحب🤍
حبايب راح تشووفن اشعارات توصلكم بس مجرد غيرت أسمي من سلسبيل الى الأسم الحقيقي
زينب طالب حتى تنحفظ حقوق القصة♥️
أنت تقرأ
متاهة مريم
General Fictionفتاة من عائله فقيره الحال في بغداد تواجه الكثير من الصعاب في حياتها هل سترتاح يوما ام ماذا؟؟
