متاهة مريم

البارت التاسع

متاهة مريم

للكاتبة: زينب طالب

انستا  z_z1999.z

الكَلت ميخيب بيهم مرة ضني شفت بيهم سوآلف مرضني ..

....................

مريم:بس خلصت كلامي انتفض من مكانه وصاح..

شيخ رسلان:شنهوو انتي شگاعدد تخربطين ولكمم فهمووني صدگگ هالحچي جاسم مودي عليهههه وطاردينه الطارش الوداه

صلاح:بويه اعصابك عله كيفك هدي نفسك هسه نفتهم ولتريده يصير ..عمي مريم منين جبتي عالكلام ابوچ شوكت وده علينهه

_والله عمي من اتوفت امي وراهه بفتره ابوي انتكست حالته ونام مستشفى وگام ميطلع للشغل وده جيرانه ابو محمد واجه الرجال هنا وگال واحد من عمامچ طردني وحته ماخلاني اكمل حچيي بس ماگال منو بالاسم لان هوه مايعرفكم ومن اجه وبلغ ابوي ابوي اسودن وصار عصبي ويومين هوه لاياكل ولايطلع من الغرفه بالگوه اني واخواني طلعناه من حالته وگدرنه نسيي شويه..

صلاح:والله يابويه اني ماشفت احد ولاحچيت ويه احد من طرف جاسم ووداعه ولدي بالعكس اكيف لوعرفت مكانه مواگوم اطرده

شيخ رسلان:ماكوو غيركك ولكك قويسمم انته طارد طارشش اخووكك المرحوممم احچيي ولكك لاتسككتت

قاسم:يابه شبيكك اصدگ حچي هاي الزعطوطه توهه اجت تريد تخرب بينه ماكوو هيچ حچي

مريم:لاوالله جدوو مااچذب قابل شنوو مصلحتيي

نشميه:ولككك قاسم صدگ جاسم راد مساعدتنه وماقبلت يمهه ولك امده بطني النگلتك ولكك من يوومكك وانته تكره اخوك ولك ليش هيچ سويت قويسم

انعام:شبيچ حجيه صدگ جذب لاتسمعين حچي هاي الجذابه قابل عليمن تطلع. منوو امهه نورية لنهبت لو غيرههه

عذراء:لااجيبين طاري امي عله لسانچ

شيخ رسلان:كافييي بلا حچي ماصخ اسكتن وللك قويسمم اطلع بره مااريددد اشووفف وجهكك بعدد لابالبيتت ولابالشغل اطلعع لاباركك الله بيكك مو ولددد غضببب

_هوه جدي طرداه وهوه گوم وجيت عليه لزمني من حجابي ويعت بشعري

قاسم:ولچ حقيره چلبهه انيي انطردد من ورهه وحدده مثلچ اليوم اموتچ بيدي يحچي ويضرب بيه ..شويه وحسيته انسحب من فوگاي
شفت هيثم حضناه ويصيح

هيثم:شلوون تمدد ايدكك عليهه وجدي واگف ماگالت شيء غلطط اذا موابوي لمسوي هيچ اكيدد انته وكلنهه نعرفف ليشش لاتخليني احچيي عمييي

شيخ رسلان:ولكك انته صدگ ماتستحي تمدد ايدكك عليهه گداميي امشيي اطلعع لاباركك الله بيكك

_اخذوو الولد وطلعوو وهوه يصيح ويتهادد عليه عبالك اني الطردته ..هذا الحچي اني بحضن جدتي ابچي وهيه اسكت بيه وعذراء ومهدي عله راسي