متاهة مريم

البارت الرابع عشر

#متاهة_مريم

البارت _14_

للكاتبة: زينب طالب

انستا  z_z1999.z

لمّلم شما بقى بروحك وأنعزل
شوفلك دنيا إعله گدك
عيّش وحدك
حوك مِن آخك قصايد
سوي مِن جرحك نشيد
عيّش يمهم بس بعيد

......................

هيثم : اي ردت اگلچ حضري روحچ الخميس نملچ علمود نعرس اسبوع البعده

مريم : شنووو شعندك مستعجل متوازين اخووي توه طلع من حلگ الموت وتريدني افرح وازوج لاعيني ازوج وحدك

هيثم : شو ماتعرفيين تحچين شنوو ازوج وحدي اسمعي بويه خلينه نفضهه هالايام من اصير طويله تخرب وبعدين اخوج الحمد لله زين هسه وعله العلاج يتحسن وبس يحدد الدكتور عمليه اسويله بعد شعندچ

مريم :لالا والله صعبه منين مااشوفهه اني رافضه هاي الفكرة وجاي احاول اتقبلهه تريد بسرعه بسرعه حته فتره خطووبه ماكو لاعفيه أجلهه

هيثم :بويه انتي تفتهمين شحچي والله لصالحچ متعرفين شمضموم النه خلينه نزوج وبعدين نعيش فتره خطوبه وره الزواج هاا شگلتي..

مريم :وين اكوو خطوبه وره الزواج تضحك عليه انته زين عندي حل هسه بس خطبه والزواج  بعد شهرين هيچ شگلت

هيثم : يابويه والله اتعبين انتي يرادلچ گلب شكبره اسمعي الكتلچ علييه احسن كلت الخميس يعني الخميس ويله نزلي اريد انام وراي گعده من الصبح

_حرگ گلبي جاوبته يعني انته ليش اناني وبس الك الحچي گتلك مامستعدده نفسيتي تعبانه ليش متقتنع

هيثم :اي انه مااقتنع لان ماعندج حجه مقنعه كتلج وره الزواج شتردين اسويلچ لاتعانديين يله نزلي

_من شفته عصب خفت عفته ونزلت شگدد مكروه بس بسيطه اني اعلمك اذا مااندمك عله هذا قرارك مااطلع بت ابوي بسيطه ..
دخلت للغرفه لگيتهم نايمين غطيتهم ونمت

ثاني يوم گاعدين عالريوگ يمي مهدي وعذراء
حچه هيثم..

هيثم :من رخصتك جدي انه اريد املچ هذا الخميس والخميس البعده اعرس ماعندي شي ليش اطولهه

شيخ رسلان :الراي رايك بويه  الخميس الخميس يوم  المنى اشوف اول احفادي عريس

هيثم :الله يخليك النه جدي گلت اخبركم علمود تبدوون من هسه

سميه :وشعندك مستعجل عله كيفك تلحگ عله شلاع الگلب

صلاح : بله حچي زايد سميه ابدال ماتفرحين بعرس ابنچ تضيجين خلگه شنهو من مره انتي

_اباوعلهم. يتفاصلوون براحتهم گمت من السفره وعفتهم محد حچه مدري شعجب گعدت بره ياربي قدملي البي خير الهي شويه وطلع هيثم وراي