متاهة مريم

البارت الحادي عشر

#متاهة_مريم

البارت _11_

للكاتبة: زينب طالب

انستا   z_z1999.z

أوجعوني يا الله..ضعهم في نفس المواقف عدلا.. وليس حقدا..

.....................

مريم:اسودت الدنيا بعيني من كلامه شنوو يعني بعد منداوم ليش شنوو هذا الضلم يعني لان احنه بنات ليش يردون يفرقون بينه وبين اخويه حچه كلمته وگام يريد ينام ماچنه حاچي شي..

جاوبته:شنوو ليش مندوام

شيخ رسلان:انه محد يگلي ليش انه امر وانتوتنفذون ماعدنه بنت تروح مدرسه وتطلع واطب والوادم تعاين ليهه مو الشيخ رسلان ليخلي حريمه فرجه للرايح والراد

_شنوو هذا الحچي يعني التكمل دراستهه موزينه يعني احنه ابويي تعب علينه وصلانه چان يقصر عله نفسه ويهلك نفسه بالشغل علمود يوفرلنه ملابس مدرسه تجون انتو  بكل سهوله تهدون البناه علمود تقاليد واعراف ضالمه  لاوالله مااقبل اخذ اخواني وارجع لبغداد ولاأخليكم تعدموون حياتنه ..

جاوبني بغضب ..ولچ انتي بگد قندرتي توگفين بوجهي تهدديني تردين لبغداد علمود اذبحج وادفنچ هناا بالحوش هاي العادات والتقاليد امشي عليهه زلم مشوربه ومحد وگف بوجهي وراددني تجين انتي توگفين بوجهي وتراددين وسفه والله اذا ماكسرت ضهرج مااطلع انه شيخ رسلان

تقرب عليه يريد يضربني بالعوچيه اجتي عذراء وگفت بوجهه وصاحت..كافي كافي ضلم من اجينه لليوم تتحكمون بينه ساعه السوده لجيناكم بيهه زلمه شكبرك شگدك تريد تمد ايدك عله طفله مايلام ابوي يوم انهزم منك ومن ضلمك انته واحدد ضالممم

كملت كلتمهه جيت عليهه قاسم يضربهه بكل قوته.. ولچ حقيره تتجاوزين عالشيخخ والله اليوم اموتچ بيدي يحچي ويضرب بييهه اباوع عليهم كلهم واگفين يتفرجون محد خلاصهه من ايديه بس مهدي يبچي ويدفع بي بس مايگدرله من حرگت گلبي شمرت روحي فوگاهه صار يضرب بينه اثنينه اسمع بيبيتي تصيح وتغلط عليه

نشميه:ولك قويسم عوف البنات ولكم احدد يخلصهن من ايديه ولكم ضلامم الله واكبر عله راسكم

من گامت بيبي اصيح يله جهاد ومحمد وخرو قاسم من عدنه وبعده يتهدد عبالك يطلبنه ثار.

لازمينه الولد ويريد يهد علينه ..والله التفتح حلگهه وتحچي كلمه اترسه قنادر يردن يشمن كلمتهن علينه شنهو انتن احسن من وسن بيوم الگعدناهه لاحچت ولافتحت حلگهه شنوو تفرقن عنهه انته علمود نخليچن تكملن ..

ماعندي حيل. اجاوبه شابگه اختي وگاعده اباوع عليهم عبالك وحوش مو بشرر.  اجتنه عمه وداد گومتنه من عدهم رحنه للغرفه ومهدي ويانه خطيه كعدت يمنه وحچت

... انتن ليش اجاوبن گلالچن ماادومن اسكتن وبعدين بهدوء احچي بلكت ينكسر خاطره عليجن واحد يحچي وياه هسه حته لوشويه بي مجال بعد عملتچن هاي لوتموتن گدامه ميخليچن