متاهة مريم

البارت الثامن

متاهة مريم

للكاتبة: زينب طالب

انستا z_z1999.z

قد تبكي وهذا حقك... وقد تحزن وهذا حقك.... لكن اياك ثم اياك ان تنكسر..

....................

هيثم:موش من الاصول تگومين من السفره قبل الكبار شنو اهلچ الله يرحمهم ماعلموچ الاصول.؟

مريم:انصدمت من حچه هيچ باوعت علي واحدمن ولد عمامي بس مااعرف حته اسمه غشمت روحي وجاوبته
...نعم تحچي وياي

هيثم:ليش اكو غيرچ گام من الاكل

مريم:لاصحيح ماكو بس اني اعرف الاصول واهلي معلميني بس احنه متعلمين اليكمل اكله يگوم بس مااعرف هنا لازم انتضر حضره جنابك تكمل يله اگوم وراك حچيته بأستهزاء

هيثم:شنو تستهزأين بحچيي تعالي رجعي بمكانچ ومالچ گومه الا الكل يخلص يله ردي مچانچ

مريم:لا ماارجع موبكيفيك اني گلت هيچ وهوه گاملي چنه طنطل شطوله اني شفته اجه گلت هذا هسه يعجني خلي احفظ كرامتي احسلي طگيتهه ركضه وختلت وره جدي

_جدو عليك الله احميني مچلبه بدشداشته واحچي

شيخ رسلان:كافي هيثم عوفهه دخلت عدي بعد لاتحاچيهه تعالي بويه گعدي جدامي خليني احچي وياچ

_طلعت گعدت يم جدو اباوع عله هذا هيثم وجهه يريد يطگ من العصبيه بالگوه لازم اعصابه

شيخ رسلان:سمعيني بويه حياتچ الراحت بعد تنسيهه من اجيتي ودخلتي بيتي بعد تمشين بشور اهلچ عمامچ وولدهم هذا الحچي الچ ولاخوانچ واخوچ لاتضلين مچلبه بي خلي يطلع ويه ولد عمه لاتخلي خاتل اريده يصير زلمه ويرفع اسم ابوو وانتن هنا اريدجن مطيعات وحبابات وتسمعن كلام نسوان عمامچن وعمتچن ام جهاد وتتعلمن منهه ولشي لماتعرفيله سألي ولاتستحين وهسه اول شي تكومين توگفين وتعتذرين من ابن عمچ الچبير يله بويه

_بس اني ماسويت شي علمود اعتذر
شو هذا صاح صيحه فززنييي من مكاني

شيخ رسلان:گلت گومي ولاتراددينن يلههه اعتذري وعله حجرتچ بسرعه ةة

_احس اشتعلت نار بس ماكدرت احچي لان اطلع اني الغلطانه رحت وگفت كدامه اباوع عليه بحقد
_العفو ...جاوبني برود وعله وجهه ملامح الانتصار

هيثم:مصار شيء
_عفتهم ودخلت للغرفه شبعت بچي اخخخ اني هذا هيچ يسوي شسويت حته اعتذر منه دخيلك ربي اني المن اجيت هنااا شنو هالذلة هاي
شويه دخلت عليه عذراء شبگتني وگامت تبچي
عذراء:والله من دخلت للبيت لهسه مامرتاحه راح يخنگونه لاعبالچ يرحمون بينه والله هذا لمسوي روحه شيخ اكبر خبيث ماحبيته ابد عرف ابنه ميت وگاعد يتعشه ومو هامه شي
كله من وراج انتي ورطتينه وجبتينه هنا حته مهدي راد يجي وراج ماخلاه وصاح بي