متاهة مريم

البارت الثالث

متاهة مريم

للكاتبة: زينب طالب

انستا z_z1999.z

أطوي صفحتكم
وأرد اقراها
هيَّ گوه عيونكم ننساها
شلون بيكم ؟
فوگ عيني مَددين
وآنه وگلبي نسكت ونرضاها
ليش ما يبچون من نبعد حرام
ويمهم أحنه عيونه أنسيناها .

..............................

مريم:خلصت ايام الفاتحه بالحسره والام مااگدر اوصف الشعور الحسيت بيهه من شفت الكسره بعين ابوي لو الهضم بوجه اخواني اتمنى اموت والحك امي ولاهذا العذاب الجاي اعيشه هسه
صارت فاتحه امي بالجامع واحنه النسوان بالبيت محد اجانه بس الجيران ماقصرو همه شالو الفاتحه زلم ونسوان حته السبعه همه سوهه ونعم الجوره

مريم:يابه موكافي بجي عيونك انعمن قوي روحك لخاطرنه شوف حالي وحال اخواني شصاير بينه

جاسم:ولج والله مو بيدي بس گليلي شلون مااشوفهه بعد وهيه احله شي صار بحياتي

مريم:ماتحملت امثل القوه اكثر من هيج شبگت ابوي وگمنه ننحب سوه اخخخخ يابه اني اكثر وحده تعبانه مااگدر اطلع البداخلي ولازم اهون عليكم اريد اموت صارلي 10ايام ماشايفتهه ولاسامعه صوتهه اريد اموت والله مااگدر بعد

جاسم:كافي يله اسكتي اگلج انتي قويه اريدج تعيني عله اخوانج وتربيتهم انتي ابدال امج لازم اصيرين الهم يله شومسحي دموعج

مريم:مسحت دموعي وحچيت يابه اني بعد مااداوم راح استلم مكان امي بالبيت والزم المكينه اخيط لازم اساعدك لان ماتگدر وحدك
عله مصرف البيت

جاسم:مستحيل اخليج تعوفين دوامج مااگلج لاتخيطين بس لازم تكملين دراسه بعدج زغيره والشهاده تفيدج ومن باجر اداومين انتي واخوانج كافي حزن ضمو حزنكم بكلبكم وكملو حياتكم

مريم:الله كريم يابه راح اشوفهم شيسوون جوه مالهم صوت من رخصتك

جاسم:مرخوصه بويه

مريم:گمت من ابوي رحت لغرفتنه اشوفهم وين راحو دخلت لكيت مهدي نايم وعذراء صافنه بالفراغ وحدهه ودمعتهه عله خدهه عذراء يكول ابوي باجر نداوم الدوام بده صارله كم يوم وحرامات نضيع سنه علينه وانتي هالسنه بكلوريا

عذراء:ليش نداوم

مريم:شنو ليش شبيج

عذراء:يعني شلون نداوم ونروح ونجي وناكل ونشرب وانام وتمشي حياتنه وامييي جوه التراب

مريم:تحجي وتبجي بحرگه نزلت دموعي عله حجيهه عذراء كتومه وتمثل القوه وهسه نهارات گدامي شبگتهه وگمنه نبچي سوة
يله كافي عذراء كافي حبيبتي اني امج شتردين موجوده صح عمري زغير بس ان شاء الله اكدر اسد مكان امي يله حبيبتي حضري هدومج انتي ومهدي علمود نداوم الصبح