متاهة مريم

البارت الثالث والعشرون

#متاهة_مريم

البارت _23_

للكاتبة: زينب طالب

انستا 
z_z1999.z

واحنـه شَمــا زِرعنه الزين على الموزين نِتحاسب

لـ عريان السيد خلف

...................

عذراء :كلمه قاسم سكتت الكل رأسا عيني صارت عله محمد لفتح عيونه مصدوم ومتعجب لو وسن لگامت بسرعه صعدت فوگ لوانعام لگاعده ومبتسمه لحچي رجلهه وعبالك متفقيين عله هالسالفه حچه جدي

شيخ رسلان:من شوكت هالحچي وانه اخرر من يعلم

قاسم:لايابه ماصار هواي قبل كم يوم حچه محمد وياي بس حچي كلشي يتأجل بعد سنويه احمد

شيخ رسلان:ها بويه محمد شتگول عله كلام عمك

_فز محمد من صفنته وجاوب بحيره

محمد:هاا جدي اي صدگ حچي عمي قاسم انه رايد عذراء واتشرف بيهه

شيخ رسلان:خيرر ان شاء الله چا تعذرني خويه لان ابن عمهه اوله بيهه من ابن خالها

حجي سالم : اي حچيك عدل ابن عمهه اوله بيهه الله يهنيهم بويه

_شگد حقدت عله قاسم يعني بدون مياخذ رأي بنته الوحيده اطاهه ليش هيچ سوه شنو غايته..عفتهم وصعدت فوگ وره وسن دخلت عليهه لگيته موته نفسهه بالبچي بس دخلت عليه اجتني

وسن:ولچ عذراء شفتيي ابويي شسوه ولچ ذبحنيي ولچ رخصني اطاني لابن عمييي بدون ماانه ادري ولاهوه يطلبني ولچ شلوون بيه انهه ازوج غير احمدد ومنو اخوو وتوئمه يعني نفس شكله بس مو نفس روحه شلوون فهميني ولچ لاتسكتينن احچيي

_گامت تبچي وادگ عله وجه لزمت ايدهه وحاجيتهه كافي ولچ راح تموتيين شبيچ هسه يشوفوچ شيگولون گولي يالله بعد كلششي مصايرر ليش اسبقيين الاحداث اصبريي

وسن:ولچ انتي ماتعرفيين ابوي من يريد شيي يسوي وحرج محمد گدام الگاعديين كلهم هسه محمد لوشيصير ميگدر يرفض لاني بنت عمه وعرضه ليش يرفض الا بيه شيء انتي ماتعرفيين العادات هناا

عذراء:احچي ويه محمد وفهمي گليله انته مثل اخوي ومااگدر اتقبلك خليه هوه يرفض من يمه

وسن:مااگدر احاچي ماعندي جرأه وميصدگ بيه هسه يگول اكيد عدهه شي تعلميني بيهم اعرفهم كلش زين ورابيه بنصهم

_لعد گليله الحقيقه

وسن:ولچ انتي تسودنتي ماتوبين من سوالفچ شترديني اگله انه احب اخوك مااريدك غير يطلعني بلاتربيه شتحچيين انتي

_لعد والله حيرتيني شگلچ ماتقبليين ترديين اني احاچي ماعندي مانع

وسن:اي مشهودتلچ انتي امشي ولي مني مو صوچج صوچي اني لاحچي وياچ