اجيت تعبان كلش من الشغل دخلت للبيت وفورا صعدت لغرفتي
دخلت سبحت بسرعة
صارلي يومين مانايم عندي خفر
نمت على االجرباية بس غمضت عيوني من التعب
فورا نمت
وشفت خيال بنت جانت تلهث او تركض مجان واضح وشفايفهة وردية وترجف تتنفس سريع
وتركض نحو المجهول وجهة ماجان واضح
بس شفايفهة الترجف
تركض بمكان مضلم ماكو ضوة
ركضت كدامي وبين جسمها جانت لابسة كيمونة سودة
وبنطلون اسود وبيضة بياضها يشع شع
زنودهة على خصرها على كل جسمها تحفة شعرها الوسط لا طويل ولا قصير السلسلة الي بركبتهة وبيهة حلقة
وتركض وبخوف وصوت انفاسهة عالي فجأة وهية تركض عثرت ووكعت فتحت عيونة بصدمة وصرخت
للللااااااا
فزيت من حلمي الغريب على صوت
براء اختي وهية تصيح
..فهد فهد تسمعني فهد كوم
..اي اي كمت شتردين
..تليفونك خبصنة صارلة ساعة يدك
اخذت التليفون وشفتة أركان صديقي هوة هم
ضابط وياي
فتحت خط بسرعة
..الووو
..الووو فهد وينك
..بالبيت
..تعال بسرعة للمركز
..خير صاير شي
..تعال وتعرف
سديت الخط وكمت لبست وطلعت للمركز
اول مادخلت ضربولي تحية باقي الضباط لان اني أعلى منهم بالرتبة
..رخو شباب
كعدت على مكتبي واجاني أركان صاحبي
..خيرك ليش اتصلت وتعجبني نعلعلة يومك صارلي
يومين مانايم
راح تنام هاك اتفضل
سلمني ملف فتحت
شفت القضية وجانت قضية بنية مخطوفة
..اي وشنو هاي يعني يومية بنية تخطف
شنو الغريب بالموضوع اخذ الدوريات وروحو دورو عليهة
..لا هاي تختلف عن غيرها هاي الي خطفهة الوحش
..شنوو وحش وليش خطفهة
..واللة ماعرف بس الي اعرفة هية عرفت معلومات عنهم وتكدر توديهم لألف داهية هاي اذا انقذناهة
وحش راح يوكع بدينة ومحد راح ينقذة منة
ابتسمت بخبث يعني اخيرا الوحش راح نلزمة
باوعت على صورت البنية استغربت عدهة نفس شفايف البنية الي حلمت بيهة
هلو متابعيني اتمنى تتابعوني وتصوتون للقصة حتى انزل
