الضابط ومجنونته
الكاتبة..ليال الهاشمي
دخلني للغرفة وجاب ملابس اريد اغير ماكدر لان ايدي حيل توجعني
تقرب اخذ الملابس وكال
::- انا اغيرلج
خجلت منة ورفضت بس هوة إلى وانا هم ما أكدر كلش يوجعني جسمي
تقرب نزع الفانيلا باوع على صدري وبلع ريك وانا وجهي مار ارفعة من الخجل
مد ايدة ورة ضهري وفتح الستن نزعنيا رفعت راسي شفت نضراتة اكلتني اكل
تقرب يريد ينزع البجامة ولزمت ايدة
::-لا لبسني دردشة وانا انزعة وخر ايدي بدون مايهتم الكلامة ونزعة شاف رجلية كلهن آثار زرك بس الحمدلله جنت لابسة داخلي
جانت زنودي ورجلية كلهن آثار زرك اللة لايوفقهن شوهني تشويه
لبسني ستن وبعدين دردشة قصيرة وعريض كلش مريحة لبستهة وهوة طلع شوية ورجع جايب صينية الاكل
صار يسويلي لفات ويوكلني اكلة اكل مايقبل الا اكمل اني يلا هوة اكلت هواي وهوة لا زال مستمر اكلي اكلي انتي ما اكلتي شي بس شوية بعد لمن اكلت الدجاجة كلهة يلا اخذ الصينية ونزل اندك الباب ودخلت
سدرة وحياة
سدرة::- انا اسفة اينور الصار بعد مايتكرر
حياة::-اي واللة الي صار احنة مجبورين علي لان عمتي كالتلنة
اينور::- لا الصار ماجنتن مجبورات علي انتن اجيتن وسويتن هل شي من كثر خبثجن وحقدجن رغم انا كلشي مامسويتلجن بس انتن البديتن وطلعن يلا ولاتشوفني وجوهجن بعد ترة اكول لاركان واللة
اكلة يزعجني وما تابن
ضلت وحدة تصفني بوجه الثانية طلعن ودخلت وراهن هبة الضاهر امهة ضاربتهة لان الضرب واضح عليهة
اجت حضنتني وتسأل عني
هبة::-شلون صرتي
::-بخير
هبة::- اسفة لان عفتج بس واللى ماجان بيدي حل امي قفلت علية وانا بسرعة بس سمعت صوتج تصيحين اتصلت بأركان اخ لو تشوفين شسوة لمن شافج بالأرض مدماية
وداج للمستشفى ورجع كسر المواعين كلهن والكاونتر ماخلة باب ماشلعة بين قوسين مردة مرد كلشي ماخلة بي سوا رماد وخلة امي تصيح وتستريح وكاللهة
::- من اليوم لا انا ابنج ولا انتي امي
بس شنو امي ياجبل مايهزك ريح ولة اهتمت اصلا
::-امج ليش هيج تكرهني
::-لان تريد تزوج ريم لاركان وأركان ماقابل وهية لا
لوتتزوج ريم لو ماتتزوج
::-منو ريم
::-بنت خالتي نهار وتصير بنت عمي هم نهار تصير مرت ابو براء وجيهان امي ونهار اخوات
::-وأركان ليش ماقبل يتزوج بنت خالتة
::-لج بابا هاي امهة حية وريم اسوء منهة هذني سنيك
