الضابط ومجنونته
للكاتبة ليال الهاشمي
تابعو قناتي user10977976
والبنات صارن يدكن علة الرحلات ونا رحت كدام الصبورة وصرت اقلد المعلمة واحجي واتماوع نفسهة وكلهة تضحك شو فجأة كلهة سكتت اللتفتت وراي
وشفت المعلمة
.. عزاا العزاني هسة شيخلصني مو على اساس ماتجي انة اعلمج هيا بسيطة
المعلمة..ناردييننننن
..نعم ست
..للإدارة فورا
..اوك ست
رحت للإدارة وياجبل مايهزك ريح دخلت وكالعادة المديرة ماستغربت وجودي
..خير إن شاء الله شمسوية
..كلشي مامسوية
..لعد ليش انتي هنا
..جنت اتشقى وي الطالبات والمعلمة عصبت
..ناردين إلى متى تبقين بهذا اسلوبج لا عبالج ابوج غني وعندة فلوس تجين انتي تتشيخين علينة
ابتسمت بغرور وكعدت على الكرسي الي مقابيل المكتب حطيت رجل على رجل واردفت
..طبعا اشيخ عليكم لان ببساطة هاي المدرسة الي اني بابا الة نص بهاي المدرسة واملاك بابا هنة املاكي
فمن الطبيعي اشيخ عليكم واحط رجلي فوك روسكم وانتو الممنونين
..ناردين اتادبي شنو هل وقاحة
..جؤجؤ مو وقاحة هاي الحقيقة بس انتي الضاهر نسيتي مكانتج هنا
طلعت من عدهة قبل لا تحجي شي اجتني اينور
اينور..ناردين شكالتلج المديرة
..ههه مالحكت تحجي اعرف شلون اسكت هالناس
..شلون
..بالفلوس طبعا
..لا مو كلشي يجي بالفلوس
..خاب ماتسكتين ولي عن وجهي
انا ناردين كلشي احصل علي بفلوس بابا كلشي اطلبة يجيبة بدون ميناقش
صحيح بابا مايهتم بية وبس يجيبلي الي اريدة
بدون اهتمام او حب
بس يالة شنسوي وانا عاجبني هالوحدة
انا عايشة معة نانو الي ربتني واينور بنت نانو والشفير
هوة الي يجيب مسواك للبيت واحتياجات اي شي نحتاجة هوة يجيب بس مو معناتها احنة مانطلع لة دائما نشتري ونطلع سفرات بس احتياجات البيت الشفير يجيبهم
وصلت للبيت واينور اجت تركض مشتاقة لامهة لان هية جانت عد ابوهة الي مزوج ومطلك نانو واينور كل فتره تروح تبقى يوم او يومين وترجع
هوة هسة متزوج ومرتة ايعععع فد غثة وعندة ثنين ولد وبنت واينور بنتة الجبيرة
اباوعلهم حضانات بعض عبالك صار عمر متفاركات
فريت ايدي واللة بطرانات هسة عليمن هالاحضان والسوالف البايخة واللة بطرانات
نار..بليززززز نانو الغدة بسرعة ترة ميتة جوع
نانو..اي يمة صار هسة احضرة روحن غيرن ملابسجن ونار اليوم ابوج اتصل وسأل عليج وكال خل تتصل
فريت ايدي هذا الرجال واللة بطران هسة الي خلك اروح احاجي واللة ياللة
..اي اي عود اشوف
نانو..شتشوفين ياماما هذا ابوج
..اي جا شسويلة
رحت لغرفتي دخلتهة سبحت وغيرت ملابسي ورحت للصالة لكيت نانو واينور يحجن سكتن من شافني
سحبت الكرسي وكعدت على المائدة وأخذت الشوكة
وصرت اكل بس سلطة
اباوع على نانو ضايجة
.. نانو حبيبتي كافي مامليتي إلى متى تبقين هيج ترة هوة ميحبج لو يحبج جان ماتزوج عليج وطلكج وعافج انتي وبنتج هذا شلون حبيتي شلون حاسبتة على الزلم اصلا واللة ياللة
نانو..ماعليج نار هذا الشي ميخصج
..اممم
كامت نانو للمطبخ عيونهة مدمعة
نار ..انتي ليش تحجين كلشي لامج بابا شيصير ببيت ابوج خلي ببيت ابوج
اينور..بس هية تسألني
نار..وانتي ماتعرفين تجذبين
اينور..يا عزززةة حرام اللة يحطني بالنار
صفنت بوجهة تحجي صدك هاي تخاف من النار واحنة لا نلبس حجاب ولبسنا كلة قصير واخر موديل ونسمع اغاني ليل ونهار
كملت غدة وكمت للغرفة طلعت اغاني بوب وصرت ارقص مثل الايدول انا جدا احب الرقص والعب رياضة فجسمي مرن اتمايل بسهولة عكس اينور مابيهة ترفع حتى ايدها
كملت رقص ودخلت اينور
..تعالي نار ندرس سوى
نار..لا مو هسة مالي خلك
..لعد يمتى يصيرلج خلك
رفعت كتافي بمعنى ماعرف
طلعت رجعت كتبهة
واجت يمي وصرنا نرقص ونغني وكل اغنينا اجنبية ونانو كامت تصيح علينة
نانو..ولجن اريد انام شلون بيجن
نار..نانو خلينا متونسين شوية
ورجعنا نرقص إلى أن تعبنا وكعدنا نحضر واجباتنا
وهيج مرت الايام نفس الروتين إلى أن اجت امتحانات
ومتحنة والحمدلله نجحنا بمعدل جدا عالي
واكيد لازم اكو غش بالموضوع
واجت عطلة الصيف واني جنت مقررة اسافر
نغير جو
وبيوم كمنا لبسنا انا واينور نفسس اللبس طبعا كل لبسنة نفس اللبس مثل التؤم لان نفس العمر
لبسنا كمامات وطلعنا لان اينور عدهة فلونزا ولأن لابسين نفس الشي حتى كمامة لبست وياهة على الوهس ورحنا انا واينور للشوبنك وهاي الفاهية ماتشتري بس تباوع لان متعرف اي شي فطيرة
وانا شأشتري اشتريلهة
وياي
كملنا تسوق والسائق اخذ الحقائب كدامنة حطها بالسيارة واحنا ورا
وما احس إلى سيارة تمشي سريع من وصلتلنة خففت سحبتني انا واينور دخلونة للسيارة وحسيت على ضربة براسي فقدت الوعي
مرحبا متابعيني رجعت بقصة جديدة واتمنى تتفاعلون وياي
اذا تردون البارت الثالث وصلو البارت 15 تصويت حتى انزل البارت 3
