الضابط ومجنونته
الكاتبة...ليال الهاشمي
::-لا تشوفني وجهك بعد
باوعلي مصدوم من ردي ابتسمت واردفت مثل ماعفتني قبل هسة هم تختفي من حيياتي وبعد ماريد اشوف خلقتك
تركتة بصدمتة وطلعت برة البيت وركبت بالسيارة
بقيت انتضرة شوية وطلع سابح ومبدل وجهة مايكصة السيف
عبالة عود راح اهتمام بعد مارجع هه لا واللة ألا اطلع كل دمعة من عيوني من عيونك وعلمك شلون تعلقني بيك ووتركني
ما انكر احبة بس مو معناتهة اذل نفسي ألة وابقى اتوسل بي حتى يحبني سويتهة مرة وماعيدهة بعد
وصلني للبيت وقبل لا انزل نزعت القلادة وحطيتهة بايدة
::-تفضل هاي هديتك ماريدهة بعد
هز راسة باي ونزلت وهوة شخط السيارة ومشة بس شني صاير أعصاب حتى خفت علي بصراحة لا يسوس حادث
دخلت للبيت شفت ناردين منتضرتني اول ماشافتني استلموني رزايل
::-وين جنتي
::-وي أركان
ابتسمت بأستهزاء وصغرت عيونهة تباوعلي بشك
::-شبيهة شفتج مورمة
باوعتلهة بصدمة وجاوبت
::-ها
أشرت على شفتة وكالت
::-شفتج . ورفعت حاجبه .
::-تلعثمت بالحجي وجهي صار نار من الخجل خرب يومج ناردين خو غلسي على الموضوع
::-كلشي مابيهة انردمت بالباب لا أكثر ودخلت الغرفتي
واغم بكصتي ::-امداج اينور امداججججج
بقيت كاعدة بغرفتي ماكدر اطلع من الفشلة
اندك الباب وكلت.. اتفضل
دخلت امي بس شفتها فرحت ورحت احضنهة
::-ماما اشتاقيتلج
::-وانا هم يروحي المن كاعدة لوحدي هنا صارلي ساعة
موجودة واحجي وي ناردين
::-ها لا بس حبيت ابقى وحدي شوية
::-بيج شي ماما
::-لا لا ماكو شي
::-اي تعالي اكعدي سلفيني شلونج بالجامعة
كعدنة انا وماما نحجي ونحجي شوية واجت ناردين وبقينا نحجي هوايي إلى أن راحت ماما وتعشينة انا وناردين وكمنة شغلنا دي جي وبقينا نركص ونضحك ونسولف وهواي شغلات بنات بقينى نسويها عناية بالبشرة واختيار لبس مناسب لطلعتنا لباجر
إلى ان تعبنا وكل وحدة راحت لغرفتهة
نمت بفراشي وغمضت عيوني واجت صورتة كبالي ابتسمت وانا اتذكر شلون جان متلهف علي بس مستحيل انطي مجال
احساس حلو اتغلغل لكلبي وانا اتذكر كبل سنتين شلون جنة نلعب ونضحك وشلون جان يهتم بية واخسر يوم هوة يوم عيد ميلادي وهاي جانت اول مرة بكل حياتي اتجرأ ابوس شخص وجان أركان اول حب بحياتي هذا حب المراهقة مستحيل انسى رغم البعد الي بينة واحنى مامتشابهين لاكن احي انو هذا الاختلاف هوة الي يجذبني ألة اكثر واكثر
