الضابط ومجنونته
الكاتبة..ليال الهاشمي
دخلت سدرة ووياهة مرت ابنهم الثانية شافن الطباخ
وهز راسهن بأي حلو وتقدمت سدرة فتحت الكاونتر وأخذت درزن مواعين وضربتها للكاع واجت شواية برجلي شهكت من الي سوته
ودخلت ام أركان شافو المواعين
وسدرة كالت هاي اينور الس سوت هيج
وهي تخبلت لزمتني هية وجناينهة
كطعني وانا بس اصرخ حسيت ضربة اجتني على حلكي شاغت روحي لزمن شعري ملخنة والراشديات والضرب ماعرف منين يجيني
عافني وانا جثة بالكاع الولد بس كملو عشة طلعو يعني البيت بس بنات
اريد اكوم ماكدر من الوجع وخشمي وحلكي يصب دم
ام اركان::- خمس دقايق اذا المواعين ماملمومات ومنطقة المطبخ اموت فاهمة
عافتني وراحت
ماكدرت اكوم واسودت الدنيا بعيوني صرت ماكدر اشوف
وماعرف شصار بعد
ناردين ::-كعدت الصبح على اتصال من براء فتحت الخط واجاني صوتهة خايفة وتحجي بسرعة
::-شبيج براء صاير شي
::-ناردين اينور بالمستشفى هسة
طفرت بسرعة من الفراش وصحت عليهة
::- شنوو
::-واللة البارحة مرت عمو وجناينهة ضارباتهة وهسة هية بالمستشفى
::-شنو شنو بأي مستشفى
::-بمستشفى:...........:
::-سديت الخط وطفرت بسرعة غيرت ملابسي وغسلت وجهي وطلعت اسوق بالسيارة مثل المخبلة
كل شوية اريد اسوي حادث ماوصلت الا بألف ياعلي
دخلت للمستشفى بسرعة سألت موظفة على المريضة اينور كالت
::-بالطابق الثاني بالغرفة رقم .....
ركضت بسرعة صعدت دورت رقم الغرفة شفت فهد واكف باب الغرفة
::-فهد
اللتفت شافني ووسع عيونة مصدوم شلون عرفت وشوكت اجيت
رحت علي وسألتة بسرعة
::-شصار فهد بعدنة ماكلنة ياللة
احتضن وجهي واردف بصوت حنون فزززت نبضات كلبي
::-ماصار شي هية بخير هسة شوية ونطلعهة
::-براء كالت عمتهة وجناينهم ضربنهة
::لاتخافين هذني حسابها وحد خلي تطلع ووعد الا اخليها يبوسن رجليهة بس حتى تسامحهن
::-هسة هية وين
::-بالغرفة
::-وأركان
::-هم وياهة
دخلت للغرفة وجان أركان كاعد على الكرسي ومدنك راسة التفتت شفت اينور شهكت بفزع على منضرهة
كلشي مامخلين بيهة وجهة ماينشاف من الضرب عينهة مورمة وصايرة زركة وشفتهة مورمة ووجهة علىدي آثار أصابع راشديات
