الضابط ومجنونته
الكاتبة..ليال الهاشمي
كصتي على كصتة ونتنفس سوى وابتسمت من طلع قلادة عليهة اسمي ولبسنياهة
وباس صدري وكال
::-الميت بالحلم تفسير عمرة طويل
بس الميت عليك شلون
::-ابتسمت وانا احس بشعور حلو بداخلي
مشيت اصبعي على ملامح وجهة ابتسم وغمض عيونة
سألتة
::-انتة تحبني
صفن بعيوني واردف ::-عبرت مرحلة الحب
شالني بحضنة ودخلني لغرفتة نزلني على جربايتة وطفى الاضوية واجة نام بصفي وسحبني لحضنة
::-أركان مايصير حرام
::-بس هاي الليلة
سكتت وحطيت راسي بركبتة ونمت بين النايمة والكاعدة حسيت ببوساتة على وجهي
كعدت الصبح على صوت ناردين
::-كومي يمعود شنو مانمتي البارحة
باوعت للغرفة لكيت نفسي بفراشي
صفنت اتذكر البارحة شصار ابتسمت وناردين تباوعلي باستغراب
رفعت ايدها تلوح على عيوني
::-تخبلتي انتي
::-لا لا مابية شي كمت غسلت طلعت للصالة لكيت الريوك جاهز بس فهد كاعد وأركان ماكو
::-صباح الخير
التفتلي واردف ::-صباح النور
تقدمت كعدت على الطاولة مقابيلة وسالتة على أركان
::-وين أركان
جاوبني بدون ما يباوعليي::-مو هنا راح
انصدمت وحسيت كلبي انغمت وسألتة بتردد
::-ووينن وين راح
اجت ناردين وكعدت وكالت انطيني خبز ترة كلش جوعانة
اطيتهة خبز وانصدم بكلام فهد من كال
::-حضرن نفسجن بعد شوية نرجع للبيت
سكتنة ثنينة واحنا مصدومات ومانريد نرجع
حجت ناردين بصوت خافت ويرجف
::-ب بس الوحش مدري الريس خاف يرجع يخطفنة
::-الريس مات
توسعت عيونة بصدمة
::-هااا
ناردين::- بس شلون شلون هذا مات
فهد ::-صايرة حرب عصابات ومتصوب وميت بالسيارة والسيارة انفجرت ومات
وهسة جهزنا نفسجن خل نرجع
ناردين _كمنا ثنينة دخلنا للغرفة ساكتات مانعرف شنحجي وشلون راح نعيش حياتنا بدونهم ماكدر اتخيل نفسي بدون اهتمام فهد صعبة هاي
انا خسرت اهتمام اهلي وهسة اهتمام فهد شلون شسوي هسة وين اروح اني احس شي بداخلي انكسر من شفت البرود الي بعيونة ماجان مهتم لروحتنة يحجيها عادي
