الضابط ومجنونته
الكاتبة..ليال الهاشمي
براء
كاعدين انا وماما وجيهان بالصالة اليوم جيهان مسيرة علينا
::-شلونة فهد
ام فهد: :- هوة هوة ماكو شي جديد
::-ما لكاهة
براء::- اختفت ولحد الان ماكو اي خبر عنهة
::-ابوهة يعرف شي عنهة
::-لا
سكتت وتحسرت على ايام قبل لما كان فهد جبروت ماينهار
لليل واندك الباب راح الحارس يفتح الباب ودخلت سيارة فهد
جنة انشوفة من الكاميرات
نزل من السيارة وافتر على الباب الثاني ونزل بنية وحضن ولد بأيدة
ودخل واحنى بحالة صدمة
سألتة امي ::-منو هذولة
::-احفادج يمة
وهاي جانت اول مرة اشوف بيهة فهد فرحان ويضحك
حجالنة السالفة بما جرت وامي لازمة جود وتبوس بي وهوة خطية راسة ملفوف
شوية واجة الدكتور يطمن على جود
وروح نامت من التعب والطريق وجانو كلش هادئين
وفهد حاطهم بحضنة ونايمين وامي تبجي وتدعي ةتحمد ربهة
لل2 واحنة كاعدين ومامستوعبين شصار وليش ناردين ماكالتلنة وضمت علينة هل سر اربع سنوات
غلبنة النوم ونمنة فترة وسمعت صوت عياط وصريخ
ركضت لغرفة فهد واشوف روح كالبة الدنيا تريد ناردين وجود يبجي ويصرخ فهد يريد يهديهم مايكدر
وهمة بس يبجون
ويصيحون
::- اليد ماما
روح ملخت روحهة وجود بعد أسوء أخذهم فهد
وطلع شوية ورجع مشتري النحل كلة الهم وهمة يضحكون وفرحانين
ناردين
اسبوع مر وانا ماشايفتهم ولا ادري بيهم شلونهم شلون عايشين ماعرف اي شي
جاسر ::-كومي اكلي اللة يخليج
::-ماكدر جاسر لاتحاول شلون اكل ووليدي وبنيتي ماعرف عنهم شي
::-لاتخافين اكيد يرجعولج
::-فهد مستحيل يخليني اشوفهم راح ينتقم مني على السويتة
::-فهد يحبج واليحب ماينتقم
::- بلكي كرهني بعد كل هاي السنين احتمال تزوج وصار عندة أطفال
::-لا ماتوقع اللهفة الشفتهة بعيونة من شافج مستحيل
تخلي يزوج غيرج ويعيش حياتة عادي
اندك الباب وراح يفتحة شوي ودخلو جود وروح
يمة احس
كلبي يريد يطلع من مكانة
اجو يركضون اخذتهم لحضني وانا ابوس بيهم بلهفة
::-حبيباتي ماماتي شلونك
::-ذين
بستة براسة وهوة وجهة اصفر من الوكعة الوكعهة
وروح تبوس بيه
::-ماما انا اليدج
