الضابط ومجنونته
الكاتبه..ليال الهاشمي
ناردين
اليوم قررنا نرجع لحياتنا الطبيعية وراح نرجع للبيت
كلش فرحانة حيل مشتاقة لاينور كملت تحضير ملابسي وفهد هم كمل ملابسي واجة حضني من ورة
::-حبيبي عندي سؤال
::-اسأل يروح حبيبج
::-انتة ليش دائماً تحضني من ورة حتى من ننام تحضني من ورة ليش
::-حتى انا ماعرف ليش بس احب استنشق ريحة شعرج احب ابوس ركبتج احب ادخلج بحضني
حسيت فراشات تتراقص ببطني بسبب كلامة
كملنة تجهيز نفسنة وطلعنة
الطريق طويل فنمت بسرعة ورة مدة حسيت على ايد دافية تصحيني
::- صح النوم
::-ها وصلنة
::-اي وصلنة
باوعت على بيتنا حيل اشتاقيتلة
نزلت للبيت جان فارغ محد بي بس الاكل جاهز ومحطوط على الطباخ
::-حضني فهد وكال جهزي نفسج لزواجنة بعد شهر
وسعت عيوني بصدمة وكتلة
::-مستحيل اللحك بهل مدة القصيرة
::- حبيبي انتي شعندج هنة بس ملابس ومكياج وجم شغلة تحضرينهن اصلا اسبوع هواي عليج
::-حبيبي بعد الخطبة والحنة والغرفة والذهب وهواي شغلات لازم اجهزه
::-حبيبي هذني كلهن انا جهزتهن عوفيهن علي جهزي بس المحتاجتهن
::-ماشي بس اهلك يعرفون
::-لا واليوم راح اكللهم
::-ماشي حبي براحتك نزل اديني لخصري ورفعني واخذ شفايفي بين شفايفة
حسيت باحساس
حلو شعور حلو تغلغل لكلبي
بعدني من حس علية اختنكت
وكال انا راح امشي ديري بالج على نفسج
طلع وعافني دخلت لغرفتي وانصدم بالمنظر الي شفتة
:::::::::::::::::::--::::::::::::::::::::::؛:::::::
اينور
حسيت نفسي اختنكت وانا اسمع عمتي تقنع بي يتزوج وهوة موافق حسيت النفس ضاق بصدري
زمخ عمي بيهم
::-انتو شو تقررون بكيفك مادكولون الجبير كاعد وشنو
حتى البنية محد مهتم لرأيهة
شذر::- ليش هية منو ونهتم لكلامهة الشرع حلل 4
::-انتي تعرفين بس هاي أركان زواج مايتزوج هاي مرتة عاجبة عاجبة ماعاجبة مشكلتة هاي
أركان جان ساكت مدري بيش يفكر حجيت وانا كلبي احسة كزازة وانكسرت
::- عمي انا مالي دخل إذا يريد يتزوج خل يزوج
كمت من مكاني وصعدت فوك لغرفتي قفلت الباب ونهاريت صدك انكسرت بجيت لحد ماحسيت كلبي راح يوكف
مسحت دموعي وجبت الجنطة ولميت ملابسي بيهة وكلشي ماخليت
دخلت سبحت وكملت لبست ملابسي
وحطيت مكياج اوفر وابتسمت ونزلت كلهن جانن يباوعلي بشماتة
أركان شافني سكت ماحجة شي
طلعت بسرعة وهوة حتى ما اهتم واجة محمد اخو أركان وأصر ألة ابقى بس انا ماقبلت على شنو ابقى على الإهانة والمذلة
من شافني كلش مابيهة مجال كال انا اوصلج
وصلني لبيت بابا اول الشافني ضربني راشدي ونزل علية غلط وسب وطردني من البيت رحت لماما
ماتكدر تبقيني يمهة بالأول هم لامتني على الشي الي سويتة بس سكتت من شافت حالتي
ولافت بية الدنيا ورجعت لبيت ناردين
ناردين الوحيدة الي مستحيل تسد بابها بوجهي
فتحت البيت بالنسخة الي دائما نحطة بالحديقة للاحتياط
فتحت البيت محد جان بي
دخلت لغرفة ناردين ذبيت جنطتي ونمت على الجرباية
نزلن دموعي وانا اتذكر كل لحضة عشتهة وي أركان شهكاتي جرحن حنجرتي
ضليت لسبوع بالبيت وحدي همين جانن اكو فلوس بغرفة ناردين بقيت اصرف منهن وأركان ماوصل ولا سأل بس عمي اجة مرتين يسأل علية ويحاول يقنعني ارجع وعدني مايخلي أركان يتزوج
بس لا انا قفلت الرجال الي مارادني ماريدة
