الضابط ومجنونته
الكاتبة.. ليال الهاشمي
جيهان
بيوم الخطبة أركان لغة كلشي وكال ما اتزوج على مرتي اوعاف شذر
ونهار وريم بصدمتهن المعازيم كلها راحت
ونهار دك وتلطم وعمي وابو أركان ساكت ماحجة شي لليل دخلو فهد وأركان صايرين نار بس أركان تعبان ووجهة اصفر ويستفرغ
شذر::-هاي سواية تسويها تعوف بنت عمك بيوم خطوبتها شيكولون الناس عليهة
فهد::- ام السحور تخاف من حجي الناس بس ماتخاف من ربهة
شذر: :-ييع انا تحجي وياي هيج انا ام السحورة
::-شذر انا وانتي نعرف كلش زين شمسوية فلا تغشمين نفسج وانتي نهار حسابج بعدين
::- ياع وانا شمسوية
هز راسة ساكت وفتح التليفون وشغل التسجيل الصوتي شهكن ثنيناتهن وضلن يحلفن انهن مامسويات شي
وحت بالقرآن حلفن عمي بقى ساكت وشذر تحلف مامسوية سحر
نطق عمي كلمتة وخلة شذر ادك وتلطم وتصيح وتستريح
ابو اركان::-انتي طالق
خلانة كلنة مصدومين ومحمد اخذ أمة ووداهة لبيت أهلها
واحنى رجعنا للبيت
ونهار حلفت كالت ما اخليك تتهنة يا فهد
جان حسبالنة بس حجي بس طلعت كول وفعل وصدك ماخلتة يتهنى
::::::::::::::::::::::::::::::::::::::::::
::-ههههههه كافي كافي حبابة راح اموت
رفع راسة شافني سكتت ورجع دغدغني يحرك شواربة على ركبتي وايدة على بطني ويدغدغني
صرخت كافي
::-اش اسكتي شهرتينة بضحكتج هسة يطردونة من الفندق
::اووووويي شنو بكيفهم يطردونة
::-لابكيفج انتي
::-ههههه شوكت نرجع
::-بعد بس اسبوع
::-هسة احنى غير بشهر العسل لازم نبقى شهر وهسة احنى صارلنة بس اسبوع وبعد اسبوع نرجع
يعني بس أسبوعين
::-حبيبي موعندي شغل
بستة بشفتة حيل وكتلة منو اهم انا لو الشغل
رفع البطانية علينة وكال انعل ابو الشغل
ورجع يتقربلي
طبعا شهر العسل بماليزيا
وأركان واينور بتركيا
بقينا اسبوع وهذا احلا أسبوعين بحياتي ناخذ صور ونحطهم ستوري رغم هوة مايقبل بس كوة
رحنة لأحسن المطاعم هناك واصور وانشر وهوة مايقبل شنو بس تصورين خلينا نستمتع
عفت التليفون واكلنا وكملنا ورجعنا للفندق
لميت ملابسي وملابس فهد حطيتهن بالجنطة واتاكدت ماكو نقص بالهداية الي جبناهن
وثاني يوم رجعنا للبيت كلهة تهليل وفرحانة وبالاخص ام فهد حيل فرحانة وعيونهة يدمعن حضنتهة
وشكرت ربي على هيج عمة
