الضابط ومجنونته
الكاتبة..ليال الهاشمي
جيهان
رجعت للبيت بدلت ملابسي وتغديت واجت نهار كعدت بالصالة بس شفتها طفرت بسرعة لغرفتهة دخلت للغرفة
باوعت بانحاء الغرفة وشفت مزهرية جبيرة بصف الميز
رحت حطيت الجهاز بالمزهرية وماخليتة يبين اصلا هو كلش زغير
طلعت بسرعة بدون ما احد ينتبه دخلت لغرفتي وبقيت ادرس لثاني يوم رحت للجامعة ونفس الروتين ماكو شي جديد سألتني ناردين اذا خليت الجهاز بغرفتها
::-اي خليتهة لا تخافين الخطة ماشية مثل منريد
رجعنة للبيت انا وبراء جانن نهار وشذر كاعدات ويحجن بخصوص الخطوبة
شذر::باجر الخطوبة
جيهان:-باجر الخطوبة شنو كلشي مامحضرين احنى
نهار ::-ليش عيني انتي الي معرسة
جيهان::-لا بس ريم اختنة ومن واجبنا نتحضر لعرسها غير خوات العروس
نهار ::-لاعيني ماكو داعي تتحضرين هنة بس ملابس وعندج كومة ملابس شوفيلج شي ولبسي شلج بهل عيارة هسة عرفتيهة اختج
::-ان عرفتهة وان لا هية اختؤ والدم مايصير مي
::-دروحي روحي ولي من وجهي
:-وليش اروح ترة كاعدة بنص بيتي انا اذا بيتي انطرد منة بعد وين اروح
..باوعتلي صفح وكامت هية وشذر دخلت لغرفتهة وقفلت الباب صعدت وراهن ودخلت لغرفتي فتحت التليفون ودخلت على البرنامج الي نزلتة الي ناردين جام مربوط بجهاز تنصت وهذا الجهاز نفسة الي حطيته بالمزهرية بغرفة نهار
دخلت براء وسألتني شسوي وحجيتلهة كلشي شهكت وكالت ..عززززة مو حرام تتنصتين
::-بس هنة كلشي اسوي بيهن حلال وهسة تعالي اكعدي خلينة نسمع
فتحت التسجيل وانصدم بكلامهن
شذر:: الزواج لازم يصير هذا الأسبوع قبل لاينتهي مفعول السحر
نهار::-لاتخافين حتى لو انتهة مفعولة نجددة ألة
شذر::-بس انا اخاف على ابني لايصير بي شي من ورة كثرة السحورة هذة رابع سحر سويتة
نهار::-جا شنسوي نجم ابنج قوي ما يتأثر بسهولة ولازم نجدد كل فترة
شذر::-واذا تزوج ريم وبعدين كال ماريدهة
نهار::-لاتخافين انا اعرف شلون اخلي بنتي تغري وتفرة فر
: :-انا سويت العلية وفيت بوعدي وهاي بنتج باجر اصير جنتي بعد انتي وشطارتج
وها لاتنسين هبة
::-لاتخافين هم نسوي سحر لفهد ونخلي يعوف البنت الي رايدهة ويتزوج هبة غصبن علي
::-انشالله خير وهسة انا خل اروح اتأخر الوكت
