الضابط ومجنونته
الكاتبه.. ليال الهاشمي
كعدت من الفجر حتى العب رياضة
امشي على جهاز الركض واقفز بالحبل وتمارين
طبعا اني كلش احب احافظ على جسمي رغم بعدني زغيرة بس اهم شي عندي جسمي ورشاقتي
جسمي ابيض وناعم واني العب رياضة ومشدود شد
وكلشي اللبسة يطلع على جسمي حلو
كملت تمرين وفتحت البروتين وشربت صار الصبح كعدت نانو الي هية مربيتي وهية تهتم بكل اموري من بعد ما ماما أطلقت من بابا وسافرت وعافتني وحدي مع بابا وبابا طول الوقت مشغول بشغلة ولا يدري بية وين صايرة والصراحة حبيت هاي الحرية طبعا بابا حيل اوفر يعني كلشي عندة عادي ومنطي حرية للبنات
كلش
لبست ملابس المدرسة ورحت للمدرسة هناك قابلت اعز صديقاتي
اينور..حبيبتي اشتاقيتلج
..ترة امس جنت يمج يمتى لحكتي تشتاقين
اينور..شسوي غير انتي صديقتي الوحيدة وبس انتي اشتاقلج
..انتي بس بطلي فهاوتج وكلهة تصادقج
..ترة اني مو فاهية
..لا حبيبتي انتي رب الفهاوة اااخ يارب كون تحبين واحد روحة بطرف خشمة بس تتفهين يركعج راجدي
..ها لا لتدعين اخاف اللة يستجاب لدعائج وبعدين ابقى بس للتكفخ
اني ما اريد احب واضل اتكفخ
..ضلي ضلي بهاي فهاوتج اريد اشوف ياكلب ابن كلب الي يحبج
..وانا ماريد واحد يحبني اهم شي انتي
..طبعا متردين ترتبطبن لان تعرفين محد يتحمل فهاوتج غيري
..ها
..اوههوووو وانا اكول شعيب ماكلتي ها من الصبح
..شبيج كافي واللة لعبت نفسي من تنمرج
..الحقيقة مرة
.دمعت عيونهة وراحت اعرفهة حساسة وماتتحمل حجاية بس شسوي ماكدر على لساني
دخلت للصف شفت شمس كاعدة اول رحلة وتتماوع بالحجي
كعدت برحلتي الي هية بالاخير لان اني احب اكعد بالاخير ماحب اكون بالمقعد الأول
..كعدت وحطيت رجل على رجل واردفت
..شمس حبي امس شفتج واكفة يم محل ملابس قديم ويبيع بآلة شجنتي تسوين هناك
الطالبات التفتن علية وبعدين وجهن انضارهن لشمس منتضرينهة تحجي
..وانتي شعليج
شهكت بخبث ..عزا معقولة جنتي تشترين ملابس بالا
جؤجؤجؤ واللة خطية تعالي الليلة اطيج ملابس من عندي تعرفيني ماالبس غير الماركات
..وانتي من كلج جنت اشتري ملابس الي بس جنت واكفى اشوف الملابس
..ااهاا والجنطة الي جنتي لازمتها وتاخذين من عد ابو المحل ملابس وتحطين بيهن
..حبيبتي مو الي هاي لوحدة كرايبنة ماتو اهلهة
واني دائما اساعدها
..ياخطية تدرين قهرتني هاي كرايبكم بس يالة شنسوي
مابيدنا شي غير نساعدهة شنو رايج تجيني باجر انطيج ملابس الهة
مو صح بنات خلينا نجمع الملابس الي منريدهة وننطيهة لكرايب شمس
البنات كلهن وافقني الرئي
شمس..لا شكرا ماتحتاج مساعدتكم واذا احتاجت اني اساعدها
..اي واضح من ملابس البالة الي تشترينها الهة جؤجؤ
خطية بس سوال انتو مو عدكم خير من الله ليش تشترين هيج ملابس بالة خطية هاي كرابيكم شلون تلبس هيج يعع ماكدر اتخيل نفسي البس هيج شهل ذوق الزفت يععع
انتفضت وكامت يعصبية اجت اتجاهي وهية صايرة بركان من الغضب ابتسمت بخبث عرفتهة راح تجفص
..هيي انتي منو وشعليج بكيفي اريد اشتري ماركة بآلة بكيفي البس الي يعجبني مامحتاجة ملابسج الماركة خليهن الج
.شهكت بخبث..عزا يعني البالة جانت الج انتي اسفة ماجنت اعرف ماعندج فلوس تشترين ملابس ماركة
انتبهت لجفصتهة وارتبكت باوعتلي وباوعت للموجودين جانو مصدومين بيهة لان هية كايلتلهم هية بنت تاجر وهسة انكشفت
ابتسمت بخبث
شمس . انا انا ماجانن الي الملابس بس اني كلت هيج من العصبية
..امم واضح
..نار كافي رجااا لا تدخلين
طلعت من الصف ودموعهة تجري
اجتني هيا صديقتي الثانية
حضنتني.. شكراااااا
..تدللين كبدي
..حيل تستاهل منو كللها تتنمر علية امس
..ماعاش الي يتنمر عليج وانتي صديقتي
..احبج
..واني لا
..شكد مغرورة
كلبت شعري للصفحة الثانية ورجعت ضهري لورة
..كليلي شي ما اعرفة
..اكلج هاي اينور شبيهة ضايجة
..كالعادة قسيت وياهة حتى بلكي شوية تحس وتبطل فهاوة بس مايفيد
..عوفيهة يمعودة مصيرلها جارة
..امم..اكلج وين المعلمة شو ماكو
..اليوم ماتجي عدها ضرف
..واللة صدك كمت واني فرحانة همزين غايبة مالي خلك الامتحان صعدت فوك الرحلة واردفت
..سيداتي سادتي اليوم المعلمة ماتجي خلينا نفرح ونخلد هاي اللحضة التاريخية
والبنات صارن يدكن علة الرحلات ونا رحت كدام الصبورة وصرت اقلد المعلمة واحجي واتماوع نفسهة وكلهة تضحك شو فجأة كلهة سكتت اللتفتت وراي
وشفت المعلمة
اريد البارت يوصل 10 تصويتات حتى انزل البارت القادم
فدووووووووووووة صوووووتووووو
