الضابط ومجنونته
الكاتبة..ليال الهاشمي
ناردين
فرتنة الجامعة فر سألتها
::-انتي مرحلة أولى وهيج تعرفين بالجامعة شوكت لحكتي تشوفينها
براء::-ههه حبيبتي اختي تدرس بهاي الجامعة لهذا السبب اني اعرف الجامعة والقاعات لان سبق أن اجيت وياهة وشوفتنياهة تخبل حياة الجامعة
اينور::-اي واللة صح كلش حلوة
براء::-تعالن اعرفجن على اختي مرحلة ثالثة
اخذتنة للكافتريا وصارت تباوع عليهة ودير نضرهة إلى أن ركزت على بنية كاعدة هية وشلة صديقات
رفعت ايدها ولوحتلهة بايدها
اجت بنية كلش حلو وكفت كدام براء
جيهان ::-ها براء رايدة شي
::-اي اريد اعرفج على صديقاتي الجديدات
التفتت علينة وكالت هذني اينور وناردين أشرت علينة
مدت ايدها وتعرفنا على بعض
::-انا جيهان تشرفت بيجن بنات
اينور..ناردين: :-واحنى هم
::-تعالن هناك يم صديقاتي نضيفجن شي
::-لا لا حبيبتي اخذي راحتج مانريد نزعجج
::-اوكي براحتك وروحن للمحاضرة مالتجن راح تبدي
طلعنا للمحاضرة وكعدنة برحلات سوة بصف بعض وبدت المحاضرة
بس انتبهت الكل يباوعلنة ابتسمت بغرور ولا عبرت احد
كملت المحاضرة وطلعنا
اينور::- واللة مافهمت شي من كلام الدكتور شو الكل يباوعلنة جنهم ماشايفين
براء::- حقهم وين شايفين هيج جمال واناقة ولج لمن شفتجن عبالي اجانب خو اينور عبالك مسيحية
ناردين::-اي واللة صح العيون زرك والشعر اشكر والوجه يضوي عمي وين شايفين هيج جمال
ابتسمت اينور بخجل ماتعرف شترد وهاي عادتهة بس واحد يتغزل تستحي
انا وبراء واينور صرنا صديقات من اول يوم وبراء كلش لطيفة وجيهان كذالك مر اسبوع واحنى اندوام والوضع طبيعي
كعدت الصبح لعبت رياضة وشربت كوفي وجهزت نفسي وطلعت للمطبخ لكيت الخدامة مسوية الريوك واينور تاكل
ناردين::-صباح الخير
اينور::-صباح النور
كملنا اكل وطلعنى للجامعة وطبعا اني اسوق عود اتفيك وكذا
وكالعادة اجت براء الضحكة شاكة حلكهة
::-صباح الخير بنات
براء::-صباح النور والسرور اليوم الضحكة من الاذن للاذن
ناردين::-اليوم اخوي راح يجي وكلش فرحانة
اينور::-اخوج
براء::-اي مو هوة يداوم بغير محافظة صار اكثر من سنتين وهسة اخذ الترقية وراح يرجع
