الضابط ومجنونته
الكاتبة..ليال الهاشمي
::-ذوعان
::-جود ماما انتة ليش ماعندك اتكيت أكو ولد يضرب أمة يلة تعال بوسني مديت راسي علي حتى يبوسني واجاني الراشدي الثاني
::-انا ماليدج اليد بابا
من قهري وحركتي ضربتة راشدي وهاي اول مرة اضربة
::-ولي من وجهي واحد حيوان وجلب على ابوك انا الي ربيتك وتعبت عليك وهسة تريد بابا انتة شايفة حتى تريدة امشي اخذ اختك وروحو ما اريد اشوفكم
رجفت شفتة وايدة على خدة وعيونة تصب دمع حجة بغصة حسيتهة اخذت روحي
::-انا اهب بابا ماهبج اتي مو ماما
عطت بصوت اطلع برة
طلعو هوة روح ثنينهم يبجون دخل وصاير أعصاب
::-شبيج وياهم
::-مامأدبين
::-ترة عمرهم بس 3 سنوات
::-بعدهم جهال ومايردوني لعد لو كبرو يتبرون مني
::-ترة همة محتاجين ابوهم
::-لا همة
بعدني احجي وسمعت صوت طبة قوية وصوت روح رجنة رج
طلعت وجان اشوف جود واكع وغركان بدمة
فهد
اربع سنين كلبت العراق كلب ومالكيتهة وابوها حاربني حرب عليهة هو هم يدور وبكل سلطاتنة ماكدرنة نلاكيهة
رحنة للبصرة بسبب قضية قتل والشاهد الوحيد بالمستشفى
كاعدين انا وأركان على الكراسي ننتصر الشاهد يصحى حتى نحقق ويا رفعت راسي وغمضت عيوني وانا اتخيلهة كدام ابتسمت بس
حسيت ايد ناعمة وزغيرة لزمت ايدي فتحت عيوني شفت بنية نسخة عن ناردين ملامحهة كلش تشبه ناردين
::-بابا
::-ها بوية انتي ضايعة ماما وين وشسوين هنا وحدج
::-اتة بابا انا ماليد ماما
نزلت لمستواهة وحضنت وجهة بين ادية وبست خدودها
::-حبيبتي انتي مخربطة انا مو بابا
::-ما اتة بابا ليد نام
::-ها شنو مافهمت
::-ليد نام
::-تردين تنامين
هزت راسهة بنعم وكلتلهة
::-وين ماما خلي اوديج تنامين يمهة
::-ما ما اليد يمك اليد ليحتك عميذ بابا نذيتة أبيت ومادر نام اليد ليحة بابا وانتة بابا
الترجمة ::اريد يمك اربد ريحتك قميص بابا نسيتة بالبيت وماكدر انام اريد ريحة بابا وانتة بابا ::
