الضابط ومجنونته
للكاتبة..ليال الهاشمي
تابعو صفحتي 👈👈
user10977976
ناردين
مر شهرين والوضع عادي ماكو شي جديد جبنة كتب صف الخامس وراح نراجع حتى لو اجت المدرسة نكون احنة دارخينهن
اجت اينور وكالت بملل
::-واللة هسة مال شوكولاتة وحلويات
::-جنج على حلويات هسة اروح اجيب وارجع
::-لا لا ترحين نودي السايق
::-يمعودة هوة بباب البيت ثواني وارجع
كمت منهة ورحت للمحل اشتريت حلويات وأريد ارجع
بعدني ما واصلة للبيت وواحد وكفني وكال
::-تندلين بيت ابو سامر
::-لا ماعرفهم
طلع كلنس من جيبة وكال
::-اكو شي على خشمج امسحي
فد تفشلت اخذت الكلينس ومسحت خشمي بمجرد اني شميتهة دخت وماعرف شصار
اينور
طولت ناردين وما رجعت رحت سألت السايق اذا شافهة بس كال لا ماشفتهة رجعت وهوة طلع يدور عليهة وامي من سالت حجيتلهة وهية تخبلت
::-ولج انتي شلون توديهم للمحل مابيج تكولين للسائق
يجيبلج انتن ماتكدرن على ارواحجن الا تعلن كلبي هسة وين راح البنت
بقينة ننتضر والسائق اجة وكال ماكو اختف وبقينة ننتضر ساعات وماكو مارجعت
امي اتصلت على عمو كريم وكلتلة كلشي
وهوة كال انا راح اشوفهة وبن
شوية واجت الشرطة تدور عليهة بالمنطقة عمي هوة الي اتصل عليهم
اندك الباب ورحت فتحتة وجان اشوف ضابط كدامي بهيبة وشخصية وطويل اسمراني بس حلو
بقى يباوع بعيني نزل راسة لمستواي لان هوة أطول مني بهواي
::-هاي عيونج لو غش
::-ها
::-سالتج
::-لا لا شنو غش واللة حقيقيات
::-جا فلك طرج على هل عيون
كلت بكل فهاوة
::-ها
كرص خدي وكال ادخلي جوى وصيحي ابوج
::-بس بابا ماعايش ويانا اصيح لأمي
::-اي صيحي ومرة ثانية لاتطلعين بدون حجاب
::-بس انا مو محجبة
::-لعد تحجبي
سكتت ودخلت للبيت صحت امي كلتلهة الضابط يريدج
