الضابط ومجنونته
الكاتبه.. ليال الهاشمي
رحت للثلاجة اخذت من الشوكلاته وجان احساس
بالهدوء في قمة الروعة
كعدت على الكرويتة واكو شي حلو بداخلي حسيت نفسي مرتاحة وفرحانة حيل حلو هل شعور
نمت وكعدت باليل اتصلت على فهد شوية وجاوبني
::- الووو
،::هلة بعافيتي
::- شتردين
::-اريد انشنش كلبي بسماع صوتك
::-مالي خلكج
::-بس انا مشتاقتلك
::-الضهر جنت يمج
::-انا حتى من اكون بحضنك اشتاقلك
::- ناردين كافي اسكتي
::-ليش ضعفت
::-شتردين مني بس فهميني
::-اريدك الك اريد اصبح بوجهك وامسي بوجهك اريد احضنك اشمك ووو
::-ووو شنو
::-وابوسك
::-شو صايرة صلفة
::-وعيونك بس يمك صلفة
::-ناردين اريد اكلج شغلة
::_شنو كول لا تستحي
::- راح اسافر شهرين
طفرت من بكاني بسرعة وصحت
::-شنوو شنو تسافر ووين تسافر
::-اسمعيني ناردين ما اريدج تتعلقين بية حتى ما اصدمج واتركج بشي يوم راح اكلج للمرة المليون انا ماعندي مشاعر تجاهج رجااا اتفهميني
شهكت شهكة حسيت انشكت كل شرايين كلبي وانا اسمع رفضة الي للمرة المليون ولا زلت مستمرة عندي امل يجي يوم ويحبني
::-فهد انتة ليش مجاي تفهمني انا احبك واللة تعبت
صرت اصرخ بهستيريا واصيح واملخ بشعري
::-ولكم انا بشر حالي حالكم من حقي احب وانحب بس فهمني فهد شنو الي ناقصني جمال اخلاق مكانة
ثقافة انا عندي كلشي عندي جميع ميزات البنت المثالية شكد رادو يرتبطون بية احلا منك واحسن من منك بس ماردتهم انا ردت بس واحد والي هوة انتة بس انتة عذبتني ودمرتني بيدك ليش فهد ليش
هيج ماخذ كلامي على انو حجي مراهقات وحجي تافه
افهمها فهد احبك وماعوفك لو ادري الدنيا كلهة تصير ضدي
سديت الخط بوجهة بدون ما اسمع الجواب
ح
سيت نفسي محتاجة الشوكلاته رحت فتحت الثلاجة وأخذت وحدة هنة جانن تقريبا 30 قطعة شوكلا
اكلت وحدة وحسيت نفسي ارتاحيت
اينور ::-حسيت الصبح بي كاعد يلبس ملابس الدوام مالتة كعدت وحسيت جسمي متكسر من الألم
ونيت بوجع واجة بسرعة يطمن علي
