بعد حديث طويل تحاول فيه الام تمهيد الموضوع لابنتها قامت مفزوعه لترد بغصب .. اييه انتى بتقولي ايه يا ماما اتجوز اى ومين انتى متخيله أنا في سنه كام عشان اتجوز!
ردت سوسو بعفويه.. وفيها ايه يا بنتى م البنات كلها بتتجوز وعادى منا متجوزه وانا اصغر منك وبعدين انتى لو متجوزتيش دلوقتي ابن عمك مش هيسيبك ف حالك وانتى عارفه انا بقولك اهو ومش هستني لما حد يأذيني فيكي فاهمه
ردت لين بإصرار وهي تتوجه ناحية غرفتها الصغيره... لأ يعني لأ أنا عايزة اكمل تعليمى
لتردف سوسو قائله بتردد خوفا من رد فعل ابنتها .. مانتو هتكملوا تعليم براحتكم
هما مين دول سألت لين باستنكار واضح علي معالم وجهها
انتى وجوزك ماهو ف تالته ثانوي
وقفت لين لثوان تحاول التركيز لحظه والثانيه ثم ضحكت بصوت عالي قائله والله !! روحي يا ماما كملى الغدا عندي درس الله يسترك
سوسو بضيق.. هروح ياختى مانتي مش فالحه غير ف اللماضه
دخلت لين غرفتها واتجهت نحو خزانة الملابس وهي تهمس قائله... حلوه دي والله اتجوز واحد قدى عشان نتشاكل مين اللي هينام ع الطرف الاول
________________________________
في مكان تاني يتسم بالفخامه نوعا ما تصعد سيده في العقد الرابع من عمرها تتميز بالاناقه وشدة الجمال فمن يراها لايصدق انها في الواحد والاربعين من عمرها هذه السيده تُدعي «مني»
لتردف الي غرفة ابنها الوحيد زين قائله بحنان
يلا يا زين جهز حاجتك هتتاخر ع الدرس وانت لسه اول يوم ليك هنا
زين: حاضر يا ماما خلى الداده تعمل الغدا بسرعه بس وبعدين انتي قلقانه ليه ده مجرد درس يعني
ردت بهدوء
الغدا جاهز من زمان أنت اللي نمت كتير وبعدين مش عايزة استهتار تاني هتنجح السنه دي فاهم
زين حرك راسه بمعني تمام ثم توجه للمرحاض وخرج بعد ربع ساعه ليرتدي ملابسه التي تتكون من بنطال وقميص من اللون الاسود الداكن ثم صفف شعره بشكل مرتب ونثر بعض قطرات العطر وتوجه للاسفل وبالتحديد لغرفه الطعام
مني بإبتسامة واسعه .. ياروحي ربنا يحميك قمر
زين.. تسلمي ياست الكل
ردت مني وهي بتغمز ل والد زين .. البنات هيتجننو عليك واد مز وشياكه
الاب.. على فكره انا احلى منه هذا الشبل من ذاك الاسد
زين وهو يسحب الكرسي للخلف .. طبعاً ي بابا
مني.. انتو الاتنين قمر ربنا يباركلي فيكم
زين خلص غدا واخد مفتاح العربيه ومشي ع الدرس اللى كان اول يوم ليه
.... تعالو اعرفكم
زين : 19سنه باباه ميسور الحال يعمل في شركته التي ورثها عن والده نقلو من فيلتهم القديمه عشان كانت بعيده عن شغله مامة زين طيبه جدا ومفيش عندها ولاد تاني غير زين معظم علاقاتها سطحيه ما عدا رفيقة عمرها «سوسو» والتي فرحت كثيرا عندما علمت انها في نفس البلد التي انتقلوا اليها حديثا
أنت تقرأ
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
