.
.
.
بعد اسبوع من عدم الجدوي فكان تميم مصر علي قراره بأن يتزوج من حلا وادرك الجميع انه لن يتراجع عن قراره اخذ الجد ورحيم ثم توجهوا مرة أخرى لمنزل حلا منذ اخر مره عندما تم طردهم بسبب مافعله مروان وتم تحديد موعد للخطبه وكتب الكتاب وبعد فتره يقام حفل الزفاف
عبد الرحمن .. ومروان بيحب يهزر مش اكتر هو الوحيد في العيله دماغه طقه كده
ضحك اسلام .. ربنا يهديه بس يومها عصبني بجد
رحيم.. متزعلش منه هو جدع ورجوله والله
رد اسلام بنبره هادئه.. ده زي ابني بالظبط ربنا يباركلك فيه هو وتميم
تميم.. تسلم يا عمي
عبدالرحمن.. ايه مش هنشوف العروسه
قامت نهال من مكانها.. هروح اناديلها
بعد خمس دقائق خرجت حلا بفستان قصير بعض الشيء وتضع مساحيق التجميل علي وجهها
توجهت نحو عبد الرحمن.. ازيك يا جدو
ابتسم عبد الرحمن .. الحمدلله على كل حال
ثم توجهت نحو رحيم.. منورنا يا اونكل
رد رحيم بمرح وسخريه فهمها تميم .. بنورك يا حبيبة اونكل
جلست بجوار تميم واخذوا يتبادلون الحديث
ــــــــــــــــــــــــــــــــــــــــــــــــــــــــــــــــــــــــــــ
في حديقة المنزل يجلس الشباب سويا
اخذ يدور ذهابا وايابا
مروان.. ما تقعد بقا خيلتنا في ايه
يامن.. يا ترا عملوا ايه يارب الموضوع ميكونش تم
كان ريان يتابع حديثم.. مش فاهم يعني انتوا مالكم واحد بيحب واحده وهيتجوزا ترضي ياعم يامن جدك يرفض رنا لا مترضهاش صح
جلس يامن علي اقرب مقعد.. يابني رنا مش زيها وبعدين كان اعجاب والله ومش بفكر فيها بقالي فتره خلاص الموضوع راح لحاله بس البت دي استغلاليه ومبتحبهوش انا عارفها من زمان اصلا
لؤي.. هو بيحبها مشوفتش عمل ايه في مروان
تذكر مروان ذلك اليوم عندما كان يركض في الشارع وخلفه تميم وعندما تمكّن من امسكه من تلابيب ملابسه معنفا له علي فعل وحاول يامن بقدر الامكان فض الاشتباك بينهم
مروان.. انتوا دايما بتحطوني في مواقف بايخه يعني عشان ابوظ الجوازه كان هيموتني يومها
أنت تقرأ
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
