زواج أطفال

بارت 26 الجزء الرابع

ما ان دلفت خديجه للمنزل حتي وجدت  تيمور «زوج والداتها»  يقف في الصاله وعلى وجهه علامات الغضب الشديد ويلوح بيده ممسكاً حزامه الجلدي  ووالدتها تقف خلفه ويظهر عليها علامات البكاء

نظر لها بشر وقال بصوت جهوري.. لسه فاكره ترجعي البيت يابنت سماح وديني لتتاكلي علقه سخنه الليله دي  شكل الضرب وحشك

تراجعت للخلف وقدماها  ترتجف بشده  .. والله المواصلات صعبه والطريق زحمه غصب عني مش هتأخر تاني 

جذبها  من  حجابها  بعنف  فصرخت  لان ابرة الحجاب التي  تثبته به  انحرفت وجرحت رقبتها  .. اااه يا ماما  خليه يبعد عني

بكت سماح بقلة حيله  .. خلاص عشان خاطري يا تيمور  سيبها المره دي مش هتتأخر تاني  صدقني

دفعها وهو يصيح.. ابعدي عن وشي عشان ممدش ايدي عليكي انتي كمان

اطلقت خديجه صرخة مكتومه بعدما نزل عليها بالحزام يصوب عليها الضربات بشده علي ظهرها وقدمها

سماح.. ابعد عنها ربنا يخليك والنبي يا تيمور البت ضعيفه وهتموت في ايدك 

لم يرد عليها وظل يضربها وتبكي بشده 

صاحت سماح وهي تفتح باب الشقه.. يااالهويي الحقونا ياااا ناااس

خديجه من وسط بكاءها.. بس يا ماما  متناديش لحد انا مش ناقصه فضايح  حرررام عليكم بقاا ارحموني

جذبها من حجابها للمره الثانيه قائلا بنبره سامه.. دلوقتي فضايح  ومجيك بعد العشاء ده مش فضايخ  يا ****

كانت تسمع اقبح الشتائم والالفاظ وتبكي بحرقه  ليس من ضربه لها فهو مجرد ألم جسدي وقد اعتادت عليه من صغرها  اما الالم النفسي فكان اشد من ذلك 

خديجه.. هو انت عايز ايه تاني انا بشتغل عشان اصرف علي نفسي وتعليمي ملكش دعوه بيا فاهم انا كل ده ساكته عشان خاطر امي  بس خلاص انسي اسمع كلامك ده تاني

زاد من ضربه وهو يسبها لانها اثارت غضبه  وبالغصب صارت تصرخ لم يعد جسدها الضعيف يحتمل
لطمت سماح علي وجهها  وهي ترى ابنتها  تتعرض لكل ذلك  العنف  وهي لا تقوى علي فعل شئ

خرجت أم سامي جارتهم  علي صراخ خديجه  ودخلت مسرعه.. لا حول ولاقوة الابالله  في ايه  يا استاذ تيمور ابعد البنت  يخرابي ده انت هتموتها

ابتعد ونظر لها.. مفيش يا ام  غلطت ولازم تتربي

نظرت  بشفقه لخديجه التي تخفي وجهها بيدها وتبكي
.. مش كده ياخويا كله بالهدوء هي مش عيله  دي عروسه ماشاءالله  استهدي بالله بس  واقعد كده 

سارت سماح نحو ابنتها  وساعدتها علي النهوض  فقامت بصعوبه ودخلت غرفتها واغلقت الباب خلفها  ثم جلست علي الارض تبكي.. يارب خلصني من اللي انا فيه ده  وعوضني خير انا وامي احنا صبرنا كتير