مر الليل علي جميع ابطالنا وجاء صباح يوم جديد وهو يوم الجمعه
تجمعت عائلة الجابري على الإفطار واخذوا يتبادلون الحديث
لؤي.. انت جيت امتي
مروان.. مروحتش أصلا رجعت بعدك بحوالي ساعه كده
عبد الرحمن .. بتقول ايه انت وهو
لؤي.. مفيش يا جدو بسأله علي حاجه
عبدالرحمن.. تمام اخبار الشغل ايه
مروان.. كله تمام والدنيا ماشيه زي الفل
عبدالرحمن.. كويس جداً اصلا جواد هيستلم شهر معاكم
جواد.. واشمعنا انا يا جدو ما تميم موجود هو او يامن انا مرتاح في الشركه
حسين.. ضغط الشغل الفتره دي محتاج حد كمان معاهم هتروح شهر ولا اتنين وارجع تاني محصلش حاجه
جواد.. وهو مفيش غيري بفهم في الشغل يعني
تميم.. هو في ايه ما كله شغل سواء هنا او هناك
جواد.. خلاص روح انت
رهف.. خلاص يا شباب حصل خير مالكم كده استهدوا بالله
تميم كان موده مش مظبط بسبب مكالمة حلا.. ما تقوليله هو يا ماما انا عيل معاه بيكلمني كده خلاص ياعم اشبع بالشركه انت
حاول يامن تهدأة الوضع فقال.. هروح انا مش فارقه يعني احنا التلاته واحد
عبد الرحمن .. وانا قولت جواد اللي هيروح ايه هتقرروا من دماغكم
رحمه.. صلوا علي النبي كدا ان شآء الله كل حاجه هتتحل
رحيم.. يابابا أنت عارف دماغ الشباب شوف ايه اللي انت عايز تعمله وأنا وانس وعز موجودين اهو خلي كل واحد في مكانه
مروان.. بابا معاه حق واحنا معاهم وبقولك الشغل تمام
عبدالرحمن.. انت معاهم فين انت هتقعد في البيت زيك زي الكرسي اللي قاعد عليه
صُدم الجميع من عصبية عبد الرحمن ورده على مروان
نظر راكان وتولين وروفان الي بعضهم وريان كذلك وفضل السكوت حتي لا يسوء الأمر اكثر من ذلك
ابتلع لؤي ريقه عندما وجد عبدالرحمن ينظر له هو الآخر
عز.. هو في حاجه حصلت
أنس.. فهمنا يا بابا في ايه حضرتك متضايق ليه الشغل ماشي تمام
حسين.. الشركه بتاع الاستيراد قدمت شكوي ان المصنع متأخر عليهم اسبوع كامل في التسليم والاستاذ مروان والبيه لؤي بيقولو الشغل تمام وفل
نظر رحيم الي لؤي ومروان .. ايه اللي حصل ده ان شاء الله احنا مشغلين عيال معانا ما تفوقوا
أنت تقرأ
زواج أطفال
Roman d'amourطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
